ਕੌਫੀ 'ਚ ਲੂਣ ਪਾ ਕੇ ਪੀਣ ਵਾਲੇ ਵਾਇਰਲ ਟਰੈਂਡ ਹੈ ਕੀ? ਜਾਣੋ ਮਿਲਦਾ ਕਿਹੜਾ ਫਾਇਦਾ

ਸੋਸ਼ਲ ਮੀਡੀਆ 'ਤੇ ਕੌਫੀ ਵਿੱਚ ਲੂਣ ਪਾਉਣ ਦਾ ਨਵਾਂ ਟਰੈਂਡ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਲੋਕ ਦਾਅਵਾ ਕਰ ਰਹੇ ਹਨ ਕਿ ਇਸ ਨਾਲ ਕੌਫੀ ਦੀ ਕੜਵਾਹਟ ਘੱਟ ਹੁੰਦੀ ਹੈ ਅਤੇ ਸੁਆਦ ਹੋਰ ਸਮੂਦ ਤੇ ਰਿਚ ਮਹਿਸੂਸ ਹੁੰਦਾ ਹੈ।

( Image Source : Freepik )

ਇਸ ਟਰੈਂਡ ਦੀ ਸ਼ੁਰੂਆਤ ਇਕ ਸੋਸ਼ਲ ਮੀਡੀਆ ਪੋਸਟ ਨਾਲ ਹੋਈ, ਜਿਸ 'ਚ ਕਿਹਾ ਗਿਆ ਕਿ ਕੌਫੀ 'ਚ ਇਕ ਚੁਟਕੀ ਲੂਣ ਪਾਉਣ ਨਾਲ ਉਸ ਦਾ ਫਲੇਵਰ ਅਤੇ ਸੁਆਦ ਵਧ ਜਾਂਦਾ ਹੈ।

ਪਹਿਲਾਂ ਤਾਂ ਲੋਕਾਂ ਨੂੰ ਇਸ ‘ਤੇ ਵਿਸ਼ਵਾਸ ਨਹੀਂ ਹੋਇਆ, ਪਰ ਜਦੋਂ ਕੁਝ ਲੋਕਾਂ ਨੇ ਇਸ ਨੂੰ ਟ੍ਰਾਈ ਕੀਤਾ ਤਾਂ ਉਨ੍ਹਾਂ ਨੇ ਪਾਇਆ ਕਿ ਕੌਫੀ ਦਾ ਟੇਸਟ ਸੱਚੀ ਵਧੀਆ ਹੋ ਜਾਂਦਾ ਹੈ। ਇਸ ਤੋਂ ਬਾਅਦ ਇਹ ਟਰੈਂਡ ਟਿਕਟਾਕ ਅਤੇ ਇੰਸਟਾਗ੍ਰਾਮ ‘ਤੇ ਛਾ ਗਿਆ। ਹੁਣ ਲੋਕ ਤਿਆਰ ਕੌਫੀ ਜਾਂ ਕੌਫੀ ਪਾਊਡਰ 'ਚ ਇਕ ਚੁਟਕੀ ਲੂਣ ਪਾ ਕੇ ਇਸ ਨੂੰ ਅਜ਼ਮਾ ਰਹੇ ਹਨ।

ਸਾਇੰਸ ਮੁਤਾਬਕ, ਲੂਣ 'ਚ ਮੌਜੂਦ ਸੋਡੀਅਮ ਆਇਨ ਕੌਫੀ ਦੀ ਕੜਵਾਹਟ ਨੂੰ ਘੱਟ ਕਰਦੇ ਹਨ। ਇਹ ਕੈਫੀਨ ਅਤੇ ਟੈਨਿਨ ਵਰਗੀਆਂ ਕੜਵਾਹਟ ਵਾਲੀਆਂ ਚੀਜ਼ਾਂ ਨੂੰ ਨਿਊਟ੍ਰਲ ਕਰ ਦਿੰਦੇ ਹਨ, ਜਿਸ ਨਾਲ ਬਿਨਾਂ ਸ਼ੂਗਰ ਦੇ ਹੀ ਕੌਫੀ ਦਾ ਸੁਆਦ ਥੋੜ੍ਹਾ ਮਿੱਠਾ ਤੇ ਸਮੂਦ ਲੱਗਦਾ ਹੈ।

ਹਾਲਾਂਕਿ, ਐਕਸਪਰਟ ਚਿਤਾਵਨੀ ਦਿੰਦੇ ਹਨ ਕਿ ਜ਼ਿਆਦਾ ਲੂਣ ਪਾਉਣ ਨਾਲ ਕੌਫੀ ਦਾ ਸੁਆਦ ਖਰਾਬ ਹੋ ਸਕਦਾ ਹੈ। ਇਸ ਲਈ ਸਿਰਫ਼ ਇਕ ਚੁਟਕੀ ਲੂਣ ਹੀ ਕਾਫੀ ਹੈ।

ਕਈ ਲੋਕ ਮੰਨਦੇ ਹਨ ਕਿ ਕੌਫੀ ਵਿੱਚ ਲੂਣ ਪਾਉਣ ਨਾਲ ਹਾਈਡਰੇਸ਼ਨ ਵਧਦੀ ਹੈ, ਪਰ ਐਕਸਪਰਟ ਇਸ ਨੂੰ ਗਲਤ ਮੰਨਦੇ ਹਨ। ਕੌਫੀ ਹਲਕੀ ਡੀਹਾਈਡਰੇਟਿੰਗ ਹੁੰਦੀ ਹੈ, ਪਰ ਲੂਣ ਸ਼ੂਗਰ ਘਟਾਉਣ ਲਈ ਸੁਆਦ ਦਾ ਵਧੀਆ ਬੈਲੰਸਰ ਬਣ ਸਕਦਾ ਹੈ।

ਦੁਨੀਆ ਭਰ ਵਿੱਚ ਲੂਣ ਵਾਲੀ ਕੌਫੀ ਕਿੱਥੇ ਮਸ਼ਹੂਰ ਹੈ? ਤੁਰਕੀ ਵਿੱਚ ਇਹ ਵਿਆਹਾਂ ਦੀ ਰਸਮ ਹੈ, ਜਿੱਥੇ ਲਾੜੀ ਲਾੜੇ ਨੂੰ ਲੂਣ ਵਾਲੀ ਕੌਫੀ ਪਿਲਾਈ ਜਾਂਦੀ ਹੈ। ਵਿਯਤਨਾਮ ਵਿੱਚ 'ਸਾਲਟ ਕੌਫੀ' ਬਹੁਤ ਪ੍ਰਸਿੱਧ ਹੈ। ਕੰਢੇ ਇਲਾਕਿਆਂ ਵਿੱਚ ਲੋਕ ਪਾਣੀ ਦੇ ਮਿਨਰਲ ਬੈਲੰਸ ਲਈ ਲੂਣ ਮਿਲਾਉਂਦੇ ਹਨ। ਇਹ ਟ੍ਰੈਂਡ ਸਿਰਫ਼ ਸੋਸ਼ਲ ਮੀਡੀਆ ਨਹੀਂ, ਬਲਕਿ ਸੁਆਦ, ਵਿਗਿਆਨ ਅਤੇ ਪਰੰਪਰਾ ਦਾ ਮੇਲ ਹੈ।