Dog License: ਕਤੂਰਾ ਰੱਖਣ ਲਈ ਵੀ ਲੈਣਾ ਪਵੇਗਾ ਲਾਇਸੈਂਸ ? ਜਾਣੋ ਕੀ ਕਹਿੰਦੇ ਨੇ ਨਿਯਮ

Pet Dog License: ਪਾਲਤੂ ਜਾਨਵਰ ਪਾਲਣ ਦਾ ਸ਼ੌਂਕ ਕਈ ਲੋਕਾਂ ਨੂੰ ਹੁੰਦਾ ਹੈ, ਕਈ ਲੋਕ ਬਿੱਲੀ, ਖਰਗੋਸ਼ ਪਾਲਦੇ ਹਨ ਪਰ ਜ਼ਿਆਦਾਤਰ ਲੋਕਾਂ ਦਾ ਮੋਹ ਕੁੱਤਿਆਂ ਵੱਲ ਹੀ ਹੁੰਦਾ ਹੈ।

Pet Dog

ਕੁੱਤਾ ਪਾਲਣ ਨੂੰ ਲੈ ਕੇ ਨਿਯਮ ਲਗਾਤਾਰ ਸਖ਼ਤ ਹੋ ਰਹੇ ਹਨ ਕਿਉਂਏਕਿ ਪਿਛਲੇ ਕਈ ਦਿਨਾਂ ਤੋਂ ਕੁੱਤਿਆਂ ਦੇ ਵੱਢਣ ਦੀਆਂ ਖ਼ਬਰਾਂ ਬਹੁਤ ਸਾਹਮਣੇ ਆਈਆਂ ਹਨ।

ਕੁੱਤੇ ਨੂੰ ਘਰ ਵਿੱਚ ਰੱਖਣ ਲਈ ਤੁਹਾਨੂੰ ਲਾਇਸੈਂਸ ਦੀ ਜ਼ਰੂਰਤ ਹੁੰਦੀ ਹੈ ਜੋ ਤੁਹਾਨੂੰ ਇਲਾਕੇ ਦਾ ਨਗਰ ਨਿਗਮ ਜਾਰੀ ਕਰਦਾ ਹੈ।

ਹੁਣ ਕਈ ਲੋਕਾਂ ਦੇ ਮਨਾਂ ਵਿੱਚ ਇਹ ਸਵਾਲ ਉੱਠਦਾ ਹੈ ਕਿ ਜੇ ਉਨ੍ਹਾਂ ਦਾ ਕੁੱਤਾ ਛੋਟਾ ਹੈ ਜਾਂ ਕਤੂਰਾ ਹੈ ਤਾਂ ਵੀ ਉਨ੍ਹਾਂ ਨੂੰ ਲਾਇਸੈਂਸ ਦੀ ਲੋੜ ਪਵੇਗੀ।

ਕੁੱਤਾ ਜਿਵੇਂ ਹੀ 3 ਮਹੀਨਿਆਂ ਦਾ ਹੁੰਦਾ ਹੈ ਤਾਂ ਉਸ ਦਾ ਲਾਇਸੈਂਸ ਜ਼ਰੂਰ ਬਣਵਾ ਲਓ ਕਿਉਂਕਿ ਕੁੱਤੇ ਤੇਜ਼ੀ ਨਾਲ ਵਧਦੇ ਹਨ ਤੇ ਛੇਤੀ ਹੀ ਖ਼ਤਰਨਾਕ ਹੋ ਜਾਂਦੇ ਹਨ।

ਲਾਇਸੈਂਸ ਬਣਵਾਉਣ ਲਈ ਕੁੱਤੇ ਦੀ ਛੋਟੀ ਉਮਰ ਤੋਂ ਹੀ ਵੈਕਸੀਨੇਸ਼ਨ ਸ਼ੁਰੂ ਕਰਵਾ ਦੇਣੀ ਚਾਹੀਦੀ ਹੈ ਤਾਂਕਿ ਜੇ ਇਹ ਕਿਸੇ ਨੂੰ ਵੱਢਦਾ ਵੀ ਹੈ ਤਾਂ ਉਸ ਨੂੰ ਖ਼ਤਰਾ ਨਹੀਂ ਹੋਵੇਗਾ।

ਕੁੱਤੇ ਦਾ ਲਾਇਸੈਂਸ ਇੱਕ ਸਾਲ ਲਈ ਬਣਦਾ ਹੈ ਜਿਸ ਲਈ ਇੱਕ ਹਜ਼ਾਰ ਰੁਪਏ ਤੱਕ ਦਾ ਖ਼ਰਚਾ ਆਉਂਦਾ ਹੈ। ਜੇ ਤੁਸੀਂ ਇਸ ਨੂੰ ਨਹੀਂ ਬਣਾਉਂਦੇ ਤਾਂ ਤੁਹਾਡੇ ਉੱਤੇ ਕਾਰਵਾਈ ਹੋ ਸਕਦੀ ਹੈ।