Tourist Spots of Punjab: ਗਰਮੀਆਂ ਦੀਆਂ ਛੁੱਟੀਆਂ 'ਚ ਪੰਜਾਬ ਦੇ ਇਨ੍ਹਾਂ ਸਥਾਨਾਂ ਦੀ ਕਰੋ ਸੈਰ, ਦਿਲ ਜਿੱਤ ਲੈਣਗੇ ਖੂਬਸੂਰਤ ਨਜ਼ਾਰੇ

Tourist Spots of Punjab

ਭਾਖੜਾ ਨੰਗਲ ਡੈਮ - ਇਹ ਡੈਮ ਪੰਜਾਬ ਦੇ ਜਲੰਧਰ ਸ਼ਹਿਰ ਤੋਂ ਲਗਪਗ 100 ਕਿਲੋਮੀਟਰ ਦੀ ਦੂਰੀ 'ਤੇ ਸਥਿਤ ਹੈ ਜੋ ਸਤਲੁਜ ਦਰਿਆ 'ਤੇ ਬਣਿਆ ਹੈ। ਇਸ ਦੀ ਉਚਾਈ 226 ਫੁੱਟ ਹੈ। ਡੈਮ ਦੀ ਖੂਬਸੂਰਤੀ ਦੇ ਨਾਲ-ਨਾਲ ਤੁਸੀਂ ਇੱਥੋਂ ਸ਼ਿਵਾਲਿਕ ਦੀਆਂ ਪਹਾੜੀਆਂ ਦੇ ਨਜ਼ਾਰੇ ਵੀ ਦੇਖ ਸਕਦੇ ਹੋ।

ਚੰਡੀਗੜ੍ਹ - ਇਹ ਪੰਜਾਬ ਅਤੇ ਹਰਿਆਣਾ ਦੀ ਰਾਜਧਾਨੀ ਹੈ। ਇਹ ਇੱਥੋਂ ਦਾ ਸਭ ਤੋਂ ਖੂਬਸੂਰਤ ਅਤੇ ਸਾਫ਼-ਸੁਥਰਾ ਸ਼ਹਿਰ ਮੰਨਿਆ ਜਾਂਦਾ ਹੈ। ਇਸ ਸ਼ਹਿਰ ਵਿੱਚ ਘੁੰਮਣ ਲਈ ਬਹੁਤ ਸਾਰੀਆਂ ਥਾਵਾਂ ਹਨ ਜਿਨ੍ਹਾਂ ਵਿੱਚ ਸੁਖਨਾ ਝੀਲ, ਰੌਕ ਗਾਰਡਨ, ਰੋਜ਼ ਗਾਰਡਨ, ਇੰਟਰਨੈਸ਼ਨਲ ਡਾਲਸ ਮਿਊਜ਼ੀਅਮ, ਪਿੰਜੌਰ ਗਾਰਡਨ ਆਦਿ ਸ਼ਾਮਲ ਹਨ।

ਕਪੂਰਥਲਾ- ਇਸ ਸ਼ਹਿਰ ਨੂੰ ਪੰਜਾਬ ਦਾ ਪੈਰਿਸ ਕਿਹਾ ਜਾਂਦਾ ਹੈ। ਇਹ ਜਲੰਧਰ ਸਿਰਫ਼ 21 ਕਿਲੋਮੀਟਰ ਦੂਰ ਹੈ। ਇੱਥੇ ਤੁਹਾਨੂੰ ਫ੍ਰੈਂਚ ਡਿਜ਼ਾਈਨ ਦੀਆਂ ਕਈ ਇਤਿਹਾਸਕ ਇਮਾਰਤਾਂ ਮਿਲਣਗੀਆਂ। ਜਿਸ ਵਿੱਚ ਜਗਤਜੀਤ ਮਾਹਲ, ਐਲੀਸੀ ਮਹਿਲ, ਜਗਤਜੀਤ ਕਲੱਬ, ਮੂਰਿਸ਼ ਮਸਜਿਦ ਆਦਿ ਸ਼ਾਮਿਲ ਹਨ। ਇਸਦੇ ਨਾਲ ਹੀ ਤੁਸੀਂ ਕਪੂਰਥਲਾ ਵਿੱਚ ਸ਼ਾਲੀਮਾਰ ਗਾਰਡਨ, ਕਾਂਜੀ ਵੈਟਲੈਂਡ ਵੀ ਜਾ ਸਕਦੇ ਹੋ।

ਅੰਮ੍ਰਿਤਸਰ ਪੰਜਾਬ ਦੇ ਪ੍ਰਮੁੱਖ ਸੈਰ-ਸਪਾਟਾ ਸਥਾਨਾਂ ਚੋਂ ਇੱਕ ਹੈ। ਅੰਮ੍ਰਿਤਸਰ ਦੇ ਹਰਿਮੰਦਰ ਸਾਹਿਬ ਦੀ ਖੂਬਸੂਰਤੀ ਤੋਂ ਲੈ ਕੇ ਜਲਿਆਂਵਾਲਾ ਬਾਗ ਵਰਗੇ ਇਤਿਹਾਸਕ ਸਥਾਨਾਂ ਨੂੰ ਦੇਖਣ ਲਈ ਲੋਕ ਦੂਰ-ਦੂਰ ਤੋਂ ਆਉਂਦੇ ਹਨ। ਪਰ ਸਿਰਫ ਅੰਮ੍ਰਿਤਸਰ ਹੀ ਨਹੀਂ ਇਸ ਦੇ ਆਲੇ-ਦੁਆਲੇ ਕਈ ਅਜਿਹੇ ਪਹਾੜੀ ਸਟੇਸ਼ਨ ਹਨ, ਜੋ ਆਪਣੀ ਖੂਬਸੂਰਤੀ ਲਈ ਜਾਣੇ ਜਾਂਦੇ ਹਨ।

ਹਰੀਕੇ ਪੱਤਣ ਵੈਟਲੈਂਡ ਅਤੇ ਬਰਡ ਸੈਂਚੂਰੀ - ਜੇਕਰ ਤੁਸੀਂ ਕੁਦਰਤ ਅਤੇ ਪੰਛੀ ਪ੍ਰੇਮੀ ਹੋ ਤਾਂ ਇਹ ਸਥਾਨ ਤੁਹਾਡੇ ਲਈ ਸਭ ਤੋਂ ਵਧੀਆ ਹੈ। ਇਹ ਬਰਡ ਸੈਂਚੂਰੀ ਸਤਲੁਜ ਅਤੇ ਬਿਆਸ ਦੇ ਸੰਗਮ 'ਤੇ ਬਣੀ ਹੈ। ਜਿੱਥੇ ਤੁਸੀਂ ਪੰਛੀਆਂ ਦੀਆਂ ਕਈ ਕਿਸਮਾਂ ਨੂੰ ਦੇਖ ਸਕਦੇ ਹੋ, ਇਸ ਤੋਂ ਇਲਾਵਾ ਇਹ ਵੀ ਦੱਸ ਦੇਈਏ ਕਿ ਇਹ ਹਰੀਕੇ ਬੰਦਰਗਾਹ ਉੱਤਰੀ ਭਾਰਤ ਦਾ ਸਭ ਤੋਂ ਵੱਡਾ ਮਨੁੱਖ ਦੁਆਰਾ ਬਣਾਇਆ ਗਿਆ ਜਲਗਾਹ ਹੈ।

ਬਠਿੰਡਾ-ਉਦੈਪੁਰ ਵਾਂਗ ਪੰਜਾਬ ਦੇ ਬਠਿੰਡਾ ਨੂੰ ਵੀ ਝੀਲਾਂ ਦਾ ਸ਼ਹਿਰ ਕਿਹਾ ਜਾਂਦਾ ਹੈ। ਝੀਲਾਂ ਤੋਂ ਇਲਾਵਾ ਤੁਸੀਂ ਇੱਥੇ ਕਿਲਾ ਮੁਬਾਰਕ ਵੀ ਜਾ ਸਕਦੇ ਹੋ। ਜੋ ਮਹਿਮੂਦ ਗਜ਼ਨੀ, ਮੁਹੰਮਦ ਗੌਰੀ ਅਤੇ ਪ੍ਰਿਥਵੀਰਾਜ ਚੌਹਾਨ ਨਾਲ ਜੁੜੀਆਂ ਲੜਾਈਆਂ ਦਾ ਕੇਂਦਰ ਰਿਹਾ ਹੈ।