ਡਾਕਟਰਾਂ ਦਾ ਪੇਅ ਕਮਿਸ਼ਨ ਖਿਲਾਫ ਅਨੌਖਾ ਪ੍ਰਦਰਸ਼ਨ, ਖਜ਼ਾਨਾ ਮੰਤਰੀ ਦੀ ਅਰਥੀ ਫੂਕ ਚੁਗੇ ਫੁੱਲ

ਬਠਿੰਡਾ

ਬਠਿੰਡਾ: ਬਠਿੰਡਾ ਵਿਖੇ ਅੱਜ ਸਰਕਾਰੀ ਡਾਕਟਰਾਂ ਵੱਲੋਂ ਅਨੌਖਾ ਪ੍ਰਦਰਸ਼ਨ ਕੀਤਾ ਗਿਆ।ਪੰਜਾਬ ਸਰਕਾਰ ਖਿਲਾਫ਼, ਬੀਤੇ ਕੱਲ੍ਹ ਖਜ਼ਾਨਾ ਮੰਤਰੀ ਮਨਪ੍ਰੀਤ ਬਾਦਲ ਦਾ ਅਰਥੀ ਫੂਕ ਮੁਜ਼ਾਹਰਾ ਕੀਤਾ ਗਿਆ।

ਅੱਜ ਸਮੂਹ ਡਾਕਟਰਾਂ ਵੱਲੋ ਧਾਰਮਿਕ ਰੀਤੀ ਰਿਵਾਜਾਂ ਨਾਲ, ਰੋਂਦੇ ਹੋਏ ਮਨਪ੍ਰੀਤ ਬਾਦਲ ਦੇ ਫੁੱਲ ਚੁਗੇ ਗਏ ਅਤੇ ਖਾਲੀ ਖਜ਼ਾਨੇ ਦੇ ਪੀਪੇ ਖੜਕਾਏ ਗਏ।

ਸਿਵਿਲ ਹਸਪਤਾਲ ਵਿੱਚ ਪੇਅ ਕਮਿਸ਼ਨ ਨੂੰ ਲੈਕੇ ਪਿਛਲੇ ਇੱਕ ਹਫ਼ਤੇ ਤੋਂ ਧਰਨਾ ਪ੍ਰਦਰਸ਼ਨ ਚੱਲ ਰਿਹਾ ਹੈ।

ਰੋਸ਼ ਜਾਹਿਰ ਕਰਦੇ ਡਾਕਟਰ ਗੁਰਮੇਲ ਸਿੰਘ ਨੇ ਦੱਸਿਆ ਕਿ "ਜੋਂ ਸਰਾਕਰ ਨੇ ਪੇਅ ਕਮਿਸ਼ਨ ਜਾਰੀ ਕੀਤਾ ਜਿਸ ਵਿੱਚ ਸਾਡਾ ਐਨ ਪੀ ਏ ਘਟਾ ਕੇ 25 ਤੋਂ 20 ਕੀਤਾ ਉਸਨੂੰ ਵਧਾਇਆ ਜਾਵੇ ਅਤੇ ਤਨਖਾਹਾਂ ਦੇ ਨਾਲ ਲਿੰਕ ਕੀਤਾ ਜਾਵੇ।"

ਉਨ੍ਹਾਂ ਕਿਹਾ ਕਿ, " ਸਾਡੇ ਸਾਰਿਆਂ ਦੀ ਤਨਖਾਹ ਵਿੱਚ ਬਹੁਤ ਵੱਡੀ ਕਟੌਤੀ ਹੋ ਰਹੀ ਹੈ ਜੇਕਰ ਨਹੀਂ ਕਰਦੇ ਤਾਂ ਤਿੱਖਾ ਸੰਘਰਸ਼ ਕੀਤਾ ਜਾਵੇਗਾ।"