Chhath Puja 2023: ਅੱਜ ਰਾਤ ਖਰਨਾ ਪੂਜਾ, ਛਠ ਵਰਤੀਆਂ ਦੇ 36 ਘੰਟੇ ਦੇ ਨਿਰਜਲਾ ਵਰਤ ਦੀ ਹੋਵੇਗੀ ਸ਼ੁਰੂਆਤ

Chhath Puja 2023 Kharna: ਛਠ ਦੇ ਚਾਰ ਦਿਨਾਂ ਦੇ ਤਿਉਹਾਰ ਦੌਰਾਨ, ਛੱਠਾ ਮਾਤਾ ਅਤੇ ਭਗਵਾਨ ਭਾਸਕਰ ਦੀ ਪੂਜਾ ਕਰਨ ਦੀ ਪਰੰਪਰਾ ਹੈ। ਇਸ ਚਾਰ ਰੋਜ਼ਾ ਪੂਜਾ ਦਾ ਅੱਜ (ਸ਼ਨੀਵਾਰ) ਦੂਜਾ ਦਿਨ ਹੈ। ਅੱਜ ਦੇ ਦਿਨ ਖਰਨਾ ਪੂਜਾ ਹੁੰਦੀ ਹੈ।

Chhath Puja 2023

ਖਰਨਾ ਦਾ ਅਰਥ ਹੈ ਸ਼ੁੱਧਤਾ। ਇਹ ਪੂਜਾ ਨਹਾਏ-ਖਾਏ ਤੋਂ ਅਗਲੇ ਦਿਨ ਕੀਤੀ ਜਾਂਦੀ ਹੈ। ਧਾਰਮਿਕ ਮਾਨਤਾਵਾਂ ਦੇ ਅਨੁਸਾਰ, ਇਸ ਦਿਨ ਮਨ ਦੀ ਸਫਾਈ 'ਤੇ ਜ਼ੋਰ ਦਿੱਤਾ ਜਾਂਦਾ ਹੈ। ਖਰਨਾ ਪੂਜਾ ਇਸ ਮਹਾਨ ਤਿਉਹਾਰ ਦੌਰਾਨ ਕੀਤੀ ਜਾਣ ਵਾਲੀ ਇੱਕ ਮਹੱਤਵਪੂਰਨ ਪੂਜਾ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਦਿਨ ਛਠ ਮਾਤਾ ਦਾ ਆਗਮਨ ਹੁੰਦਾ ਹੈ, ਜਿਸ ਤੋਂ ਬਾਅਦ ਸ਼ਰਧਾਲੂਆਂ ਦਾ 36 ਘੰਟੇ ਦਾ ਨਿਰਜਲਾ ਵਰਤ ਸ਼ੁਰੂ ਹੋ ਜਾਂਦਾ ਹੈ।

ਖਰਨਾ ਪੂਜਾ ਵਾਲੇ ਦਿਨ ਸ਼ਰਧਾਲੂ ਇਸ਼ਨਾਨ ਕਰਕੇ ਭਗਵਾਨ ਸੂਰਜ ਦੀ ਪੂਜਾ ਕਰਦੇ ਹਨ। ਸ਼ਾਮ ਨੂੰ ਚੌਲ, ਗੁੜ ਅਤੇ ਦੁੱਧ ਦੀ ਬਣੀ ਖੀਰ ਮਿੱਟੀ ਦੇ ਚੁੱਲ੍ਹੇ 'ਤੇ ਤਿਆਰ ਕੀਤੀ ਜਾਂਦੀ ਹੈ। ਜਿਸ ਨੂੰ ਸਭ ਤੋਂ ਪਹਿਲਾਂ ਛਠ ਮਾਤਾ ਨੂੰ ਭੋਗ ਵਜੋਂ ਚੜ੍ਹਾਇਆ ਜਾਂਦਾ ਹੈ। ਇਸ ਦਿਨ ਸ਼ਰਧਾਲੂ ਵਰਤ ਰੱਖਦੇ ਹਨ ਅਤੇ ਰਾਤ ਨੂੰ ਖਰਨਾ ਪੂਜਾ ਤੋਂ ਬਾਅਦ ਪ੍ਰਸ਼ਾਦ ਛਕਦੇ ਹਨ ਅਤੇ ਫਿਰ ਪ੍ਰਸ਼ਾਦ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤਾ ਜਾਂਦਾ ਹੈ।