MS Dhoni: ਧੋਨੀ ਸਣੇ ਜਿਗਰੀ ਦੋਸਤ ਦੇ ਕਰੀਅਰ ਤੇ ਵੀ ਲੱਗਿਆ ਵਿਰਾਮ, ਸੰਨਿਆਸ ਲੈਣ ਦਾ ਜਲਦ ਕਰੇਗਾ ਐਲਾਨ

MS Dhoni: ਆਈਪੀਐੱਲ 2024 ਦਾ ਸੀਜ਼ਨ 17 ਕੁਝ ਖਿਡਾਰੀਆਂ ਲਈ ਆਖਰੀ ਹੋ ਸਕਦਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਏਗੀ ਕਿ ਅਜਿਹੇ ਕਈ ਖਿਡਾਰੀ ਹਨ ਜੋ ਅਗਲੇ ਸਾਲ ਆਈਪੀਐਲ ਵਿੱਚ ਨਜ਼ਰ ਨਹੀਂ ਆਉਣਗੇ।

MS Dhoni friend Retirement IPL 2024

ਇਸ ਲਿਸਟ ਵਿੱਚ ਸਭ ਤੋਂ ਪਹਿਲਾਂ ਨਾਂਅ ਮਹਿੰਦਰ ਸਿੰਘ ਧੋਨੀ (ਐੱਮ. ਐੱਸ. ਧੋਨੀ) ਦਾ ਹੈ। ਦਰਅਸਲ, ਸੀਐਸਕੇ ਦੇ ਸਾਬਕਾ ਕਪਤਾਨ ਆਉਣ ਵਾਲੇ ਦਿਨਾਂ ਵਿੱਚ ਇਸ ਲੀਗ ਤੋਂ ਸੰਨਿਆਸ ਦਾ ਐਲਾਨ ਕਰ ਸਕਦੇ ਹਨ।

ਇਹ ਖਬਰ ਪ੍ਰਸ਼ੰਸਕਾਂ ਲਈ ਕਾਫੀ ਨਿਰਾਸ਼ਾਜਨਕ ਹੈ। ਇਹ ਚੇਨਈ ਸੁਪਰ ਕਿੰਗਜ਼ (CSK) ਲਈ ਕਿਸੇ ਝਟਕੇ ਤੋਂ ਘੱਟ ਨਹੀਂ ਹੋਣ ਵਾਲਾ ਹੈ। ਦੱਸ ਦੇਈਏ ਕਿ ਧੋਨੀ ਹੀ ਨਹੀਂ, ਸਗੋਂ ਇਕ ਹੋਰ ਦਿੱਗਜ ਇਸ ਟੀਮ ਨਾਲ ਆਪਣੇ 17 ਸਾਲ ਪੁਰਾਣੇ ਰਿਸ਼ਤੇ ਨੂੰ ਖਤਮ ਕਰਨ ਜਾ ਰਿਹਾ ਹੈ।

ਪਿਛਲੇ ਕੁਝ ਆਈਪੀਐਲ ਸੀਜ਼ਨਾਂ ਤੋਂ, ਮਹਿੰਦਰ ਸਿੰਘ ਧੋਨੀ (ਐੱਮ. ਐੱਸ. ਧੋਨੀ) ਨੂੰ ਲੈ ਕੇ ਇਹ ਸਵਾਲ ਕਾਫੀ ਚਰਚਾ 'ਚ ਰਿਹਾ ਹੈ ਕਿ ਉਹ ਆਪਣੀ ਸੰਨਿਆਸ ਦਾ ਐਲਾਨ ਕਦੋਂ ਕਰਨਗੇ। ਟੂਰਨਾਮੈਂਟ ਦੌਰਾਨ ਹਰ ਵਾਰ ਉਨ੍ਹਾਂ ਤੋਂ ਪੁੱਛਿਆ ਜਾਂਦਾ ਹੈ, ਪਰ ਉਨ੍ਹਾਂ ਸਾਰੀਆਂ ਅਟਕਲਾਂ 'ਤੇ ਪਾਣੀ ਫੇਰ ਦਿੱਤਾ ਹੈ। ਇਸ ਸਾਲ ਉਨ੍ਹਾਂ ਦੇ ਸੰਨਿਆਸ ਲੈਣ ਦੀਆਂ ਸੰਭਾਵਨਾਵਾਂ ਕਾਫੀ ਜ਼ਿਆਦਾ ਹਨ।

ਦਰਅਸਲ, ਉਹ ਪਹਿਲਾਂ ਹੀ ਟੀਮ ਦੀ ਕਪਤਾਨੀ ਰੁਤੂਰਾਜ ਗਾਇਕਵਾੜ ਨੂੰ ਸੌਂਪ ਚੁੱਕੇ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਫਿਟਨੈੱਸ ਵੀ ਪਹਿਲਾਂ ਵਰਗੀ ਨਹੀਂ ਹੈ। ਕੁਝ ਮੈਚਾਂ 'ਚ ਉਹ ਦੌੜਾਂ ਬਣਾਉਣ ਲਈ ਸੰਘਰਸ਼ ਕਰਦੇ ਨਜ਼ਰ ਆਏ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਨਾ ਸਿਰਫ ਮਾਹੀ ਬਲਕਿ ਟੀਮ ਦੇ ਮੁੱਖ ਕੋਚ ਸਟੀਫਨ ਫਲੇਮਿੰਗ ਦਾ ਵੀ ਆਖਰੀ ਸੀਜ਼ਨ ਹੋਣ ਜਾ ਰਿਹਾ ਹੈ।

ਅਗਲੇ ਸਾਲ ਆਈਪੀਐਲ 2025 ਵਿੱਚ ਸੀਐਸਕੇ ਦੀ ਪਾਵਰ ਘੱਟ ਜਾਏਗੀ। ਦਰਅਸਲ, ਕਪਤਾਨ ਐੱਮ.ਐੱਸ.ਧੋਨੀ, ਜੋ ਆਪਣੀ ਟੀਮ ਦੀ ਜਾਨ ਹਨ ਅਤੇ ਪੰਜ ਆਈਪੀਐੱਲ ਜਿੱਤ ਚੁੱਕੇ ਹਨ, ਇਸ ਸਾਲ ਸੰਨਿਆਸ ਦਾ ਐਲਾਨ ਕਰ ਸਕਦੇ ਹਨ। ਉਨ੍ਹਾਂ ਤੋਂ ਇਲਾਵਾ ਟੀਮ ਦੇ ਮੁੱਖ ਕੋਚ ਸਟੀਫਨ ਫਲੇਮਿੰਗ ਨੇ ਵੀ ਟੀਮ ਛੱਡ ਦਿੱਤੀ ਹੈ। ਉਨ੍ਹਾਂ ਨੂੰ ਸਾਲ 2009 ਵਿੱਚ CSK ਦਾ ਕੋਚ ਨਿਯੁਕਤ ਕੀਤਾ ਗਿਆ ਸੀ। ਦਰਅਸਲ ਸੋਸ਼ਲ ਮੀਡੀਆ 'ਤੇ ਅਜਿਹੀਆਂ ਖਬਰਾਂ ਆ ਰਹੀਆਂ ਹਨ ਕਿ ਫਲੇਮਿੰਗ ਭਾਰਤ ਦੇ ਅਗਲੇ ਮੁੱਖ ਕੋਚ ਦੀ ਜ਼ਿੰਮੇਵਾਰੀ ਸੰਭਾਲ ਸਕਦੇ ਹਨ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਉਸ ਨੂੰ IPL ਛੱਡਣਾ ਪਵੇਗਾ।

ਜੇਕਰ ਚੇਨਈ ਦੇ ਕੋਚ ਸਟੀਫਨ ਫਲੇਮਿੰਗ ਨੂੰ ਟੀਮ ਇੰਡੀਆ ਦਾ ਕੋਚ ਬਣਾਇਆ ਜਾਂਦਾ ਹੈ ਤਾਂ ਉਨ੍ਹਾਂ ਨੂੰ IPL ਟੀਮ CSK ਨੂੰ ਛੱਡਣਾ ਹੋਵੇਗਾ। ਦਰਅਸਲ, ਬੀਸੀਸੀਆਈ ਨੇ ਮੁੱਖ ਕੋਚ ਦੇ ਅਹੁਦੇ ਦੀ ਘੋਸ਼ਣਾ ਕੀਤੀ ਹੈ, ਜਿਸ ਲਈ ਸਮਾਂ ਮਿਆਦ ਜੁਲਾਈ 2024 ਤੋਂ ਦਸੰਬਰ 2027 ਹੈ। ਅਜਿਹੇ 'ਚ CSK ਨੂੰ ਨਵਾਂ ਕੋਚ ਨਿਯੁਕਤ ਕਰਨਾ ਹੋਵੇਗਾ।