ਸੰਘਰਸ਼ ਭਰਿਆ ਰਿਹਾ ਜੌਨੀ ਬੇਅਰਸਟੋ ਦਾ ਸਫ਼ਰ, 8 ਸਾਲ ਦੀ ਉਮਰ ‘ਚ ਪਿਤਾ ਨੇ ਕਰ ਲਈ ਸੀ ਖ਼ੁਦਕੁਸ਼ੀ

ਵਿਸ਼ਵ ਕ੍ਰਿਕਟ 'ਚ ਇਸ ਸਮੇਂ ਇੰਗਲੈਂਡ ਟੀਮ ਦੇ ਵਿਕਟਕੀਪਰ ਜੌਨੀ ਬੇਅਰਸਟੋ ਵਿਵਾਦਿਤ ਰਨ ਆਊਟ ਨੂੰ ਲੈ ਕੇ ਕਾਫੀ ਸੁਰਖੀਆਂ ਵਿੱਚ ਹਨ। ਅਜਿਹੇ 'ਚ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਅਹਿਮ ਕਿੱਸਿਆਂ ਬਾਰੇ ਦੱਸਣ ਜਾ ਰਹੇ ਹਾਂ।

Jonny Bairstow

ਵਿਸ਼ਵ ਕ੍ਰਿਕਟ 'ਚ ਇਸ ਸਮੇਂ ਇੰਗਲੈਂਡ ਟੀਮ ਦੇ ਵਿਕਟਕੀਪਰ ਜੌਨੀ ਬੇਅਰਸਟੋ ਦੀ ਚਰਚਾ ਸਭ ਤੋਂ ਜ਼ਿਆਦਾ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਦਾ ਕਾਰਨ ਆਸਟ੍ਰੇਲੀਆ ਖਿਲਾਫ ਦੂਜੇ ਟੈਸਟ ਮੈਚ ਦੌਰਾਨ ਉਨ੍ਹਾਂ ਦਾ ਵਿਵਾਦਿਤ ਰਨ ਆਊਟ ਸੀ।

ਜੌਨੀ ਬੇਅਰਸਟੋ ਨੂੰ ਵਿਸ਼ਵ ਕ੍ਰਿਕਟ ਦੇ ਬਿਹਤਰੀਨ ਵਿਕਟਕੀਪਰ ਬੱਲੇਬਾਜ਼ਾਂ ਵਿੱਚ ਗਿਣਿਆ ਜਾਂਦਾ ਹੈ। ਹਾਲਾਂਕਿ ਉਨ੍ਹਾਂ ਦਾ ਸ਼ੁਰੂਆਤੀ ਜੀਵਨ ਸੰਘਰਸ਼ਾਂ ਨਾਲ ਭਰਿਆ ਰਿਹਾ ਹੈ। ਅਜਿਹੇ 'ਚ ਬੇਅਰਸਟੋ ਲਈ ਅੰਤਰਰਾਸ਼ਟਰੀ ਕ੍ਰਿਕਟ ਦਾ ਸਫਰ ਆਸਾਨ ਨਹੀਂ ਸੀ।

ਜੌਨੀ ਬੇਅਰਸਟੋ ਦੇ ਪਿਤਾ ਡੇਵਿਡ ਬੇਅਰਸਟੋ ਨੇ 8 ਸਾਲ ਦੀ ਉਮਰ ਵਿੱਚ ਖੁਦਕੁਸ਼ੀ ਕਰ ਲਈ ਸੀ ਅਤੇ ਉਸ ਸਮੇਂ ਉਨ੍ਹਾਂ ਦੀ ਮਾਂ ਵੀ ਕੈਂਸਰ ਨਾਲ ਜੂਝ ਰਹੀ ਸੀ। ਉਨ੍ਹਾਂ ਦੇ ਪਿਤਾ ਦੀ ਮੌਤ ਤੋਂ ਬਾਅਦ ਬੇਅਰਸਟੋ ਦੀ ਮਾਂ ਨੇ ਉਨ੍ਹਾਂ ਦੀ ਅਤੇ ਉਨ੍ਹਾਂ ਦੀ ਭੈਣ ਦੀ ਦੇਖਭਾਲ ਕੀਤੀ। ਜੌਨੀ ਬੇਅਰਸਟੋ ਨੇ ਇੱਕ ਇੰਟਰਵਿਊ ਵਿੱਚ ਆਪਣੀ ਮਾਂ ਦੇ ਸੰਘਰਸ਼ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ

ਜੌਨੀ ਬੇਅਰਸਟੋ ਨੇ ਇੰਟਰਵਿਊ ਦੌਰਾਨ ਦੱਸਿਆ ਕਿ ਮੈਂ ਸਿਰਫ 8 ਸਾਲ ਦਾ ਸੀ ਜਦੋਂ ਮੇਰੇ ਪਿਤਾ ਦੀ ਮੌਤ ਹੋ ਗਈ ਸੀ। ਮੈਂ ਉਸ ਸਥਿਤੀ ਨੂੰ ਸਮਝਣ ਲਈ ਬਹੁਤ ਛੋਟਾ ਸੀ। ਸਾਡੀ ਮਾਂ ਨੇ ਅਜਿਹੇ ਔਖੇ ਸਮੇਂ ਵਿੱਚ ਸਾਡੀ ਦੇਖਭਾਲ ਕੀਤੀ। ਉਸ ਸਮੇਂ ਮੈਂ ਸੋਚਿਆ ਸੀ ਕਿ ਮੈਂ ਕ੍ਰਿਕਟਰ ਬਣਾਂਗਾ।

ਜੌਨੀ ਬੇਅਰਸਟੋ ਦੇ ਪਿਤਾ ਵੀ ਇੱਕ ਕ੍ਰਿਕਟਰ ਸਨ ਅਤੇ ਉਹ ਇੰਗਲੈਂਡ ਤੋਂ ਇਲਾਵਾ ਯਾਰਕਸ਼ਾਇਰ ਕਲੱਬ ਲਈ ਵੀ ਖੇਡਦੇ ਸਨ। ਜੌਨੀ ਬੇਅਰਸਟੋ ਵੀ ਯਾਰਕਸ਼ਾਇਰ ਕਲੱਬ ਵੱਲੋਂ ਆਪਣੇ ਪਿਤਾ ਵਾਂਗ ਵਿਕਟਕੀਪਰ ਬੱਲੇਬਾਜ਼ ਵਜੋਂ ਖੇਡਦੇ ਹਨ।

ਜੌਨੀ ਬੇਅਰਸਟੋ ਨੇ ਹੁਣ ਤੱਕ ਇੰਗਲੈਂਡ ਟੀਮ ਲਈ 92 ਟੈਸਟ ਮੈਚਾਂ ਵਿੱਚ 36.88 ਦੀ ਔਸਤ ਨਾਲ 5606 ਦੌੜਾਂ ਬਣਾਈਆਂ ਹਨ। ਬੇਅਰਸਟੋ ਦੇ ਬੱਲੇ ਨੇ ਟੈਸਟ ਮੈਚਾਂ 'ਚ 12 ਸੈਂਕੜੇ ਅਤੇ 24 ਅਰਧ ਸੈਂਕੜੇ ਵਾਲੀਆਂ ਪਾਰੀਆਂ ਖੇਡੀਆਂ ਹਨ।