Iyer Wedding: ਕ੍ਰਿਕਟਰ ਅਈਅਰ ਦੇ ਵਿਆਹ ਦੀਆਂ ਤਸਵੀਰਾਂ ਨੇ ਮਚਾਇਆ ਤਹਿਲਕਾ, ਜਾਣੋ ਕੌਣ ਬਣੀ ਕ੍ਰਿਕਟਰ ਦੀ ਪਤਨੀ ?

Venkatesh Iyer Wedding: ਟੀ-20 ਵਿਸ਼ਵ ਕੱਪ ਵਿਚਾਲੇ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਸਟਾਰ ਵੈਂਕਟੇਸ਼ ਅਈਅਰ ਵਿਆਹ ਦੇ ਬੰਧਨ ਵਿੱਚ ਬੱਝ ਚੁੱਕੇ ਹਨ।

Venkatesh Iyer Shruti Raghunathan Wedding

ਵੈਂਕਟੇਸ਼ ਅਈਅਰ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਪਿਛਲੇ ਸਾਲ ਨਵੰਬਰ 'ਚ ਉਨ੍ਹਾਂ ਨੇ ਸ਼ਰੂਤੀ ਰਾਧੂਨਾਥਨ ਨਾਲ ਮੰਗਣੀ ਕੀਤੀ ਸੀ।

ਦੱਸ ਦੇਈਏ ਕਿ ਵੈਂਕਟੇਸ਼ ਅਈਅਰ ਦੇ ਵਿਆਹ ਦੀਆਂ ਤਸਵੀਰਾਂ ਹਰ ਪਾਸੇ ਛਾਈਆਂ ਹੋਈਆਂ ਹਨ। ਉਨ੍ਹਾਂ ਨੇ ਸ਼ਰੂਤੀ ਰਾਧੂਨਾਥਨ ਨਾਲ ਆਪਣੀ ਜ਼ਿੰਦਗੀ ਦੀ ਨਵੀਂ ਪਾਰੀ ਦੀ ਸ਼ੁਰੂਆਤ ਕੀਤੀ।

ਸ਼ਰੂਤੀ ਲਾਈਫਸਟਾਈਲ ਇੰਟਰਨੈਸ਼ਨਲ ਪ੍ਰਾਈਵੇਟ ਲਿਮਟਿਡ, ਬੈਂਗਲੁਰੂ ਵਿੱਚ ਕੰਮ ਕਰਦੀ ਹੈ। ਦੋਹਾਂ ਦੀ ਜਾਣ-ਪਛਾਣ ਇਕ ਕਾਮਨ ਫ੍ਰੈਂਡ ਰਾਹੀਂ ਹੋਈ ਸੀ। ਇੱਕ ਦੂਜੇ ਨੂੰ ਮਿਲਣ ਦਾ ਸਿਲਸਿਲਾ ਵਧਦਾ ਗਿਆ ਅਤੇ ਫਿਰ ਇਹ ਦੋਸਤੀ ਪਿਆਰ ਵਿੱਚ ਬਦਲ ਗਈ। ਜਾਣਕਾਰੀ ਮੁਤਾਬਕ ਵੈਂਕਟੇਸ਼ ਦੀ ਪਤਨੀ ਸ਼ਰੂਤੀ ਨੇ ਫੈਸ਼ਨ ਮੈਨੇਜਮੈਂਟ 'ਚ ਮਾਸਟਰ ਡਿਗਰੀ ਕੀਤੀ ਹੈ।

ਸ਼ਰੂਤੀ ਨਾਲ ਵੈਂਕਟੇਸ਼ ਦੀ ਮੰਗਣੀ ਦੀ ਖਬਰ ਪਿਛਲੇ ਸਾਲ ਨਵੰਬਰ 'ਚ ਸਾਹਮਣੇ ਆਈ ਸੀ। ਐਤਵਾਰ 2 ਜੂਨ ਨੂੰ ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਸਨ।

ਵੈਂਕਟੇਸ਼ ਨੇ ਪਰਿਵਾਰ ਦੇ ਕਰੀਬੀ ਮੈਂਬਰਾਂ ਨਾਲ ਘਿਰੇ ਇੱਕ ਰਵਾਇਤੀ ਰਸਮ ਵਿੱਚ ਸ਼ਰੂਤੀ ਨਾਲ ਵਿਆਹ ਕੀਤਾ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਨੇ IPL 2024 ਤੋਂ ਬਾਅਦ ਹੀ ਵਿਆਹ ਕਰਨ ਦਾ ਫੈਸਲਾ ਕੀਤਾ ਸੀ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਸ ਵਾਰ ਵੈਂਕਟੇਸ਼ ਦੀ ਟੀਮ ਕੋਲਕਾਤਾ ਨੇ ਫਾਈਨਲ ਵਿੱਚ ਹੈਦਰਾਬਾਦ ਨੂੰ ਹਰਾ ਕੇ ਤੀਜੀ ਵਾਰ ਆਈਪੀਐਲ ਟਰਾਫੀ ਜਿੱਤੀ ਹੈ।

ਘਰੇਲੂ ਕ੍ਰਿਕਟ 'ਚ ਦਮਦਾਰ ਪ੍ਰਦਰਸ਼ਨ ਕਰਨ ਵਾਲੇ ਵੈਂਕਟੇਸ਼ ਅਈਅਰ ਦਾ ਕਰੀਅਰ ਇੰਡੀਅਨ ਪ੍ਰੀਮੀਅਰ ਲੀਗ 2021 'ਚ ਚਮਕਿਆ। ਕੋਲਕਾਤਾ ਨਾਈਟ ਰਾਈਡਰਜ਼ ਲਈ ਕਾਫੀ ਦੌੜਾਂ ਬਣਾਉਣ ਤੋਂ ਬਾਅਦ ਉਸ ਨੂੰ ਟੀਮ ਇੰਡੀਆ 'ਚ ਵੀ ਜਗ੍ਹਾ ਮਿਲੀ। ਵੈਂਕਟੇਸ਼ ਅਈਅਰ ਨੇ ਨਵੰਬਰ 2021 ਵਿੱਚ ਜੈਪੁਰ ਵਿੱਚ ਨਿਊਜ਼ੀਲੈਂਡ ਦੇ ਖਿਲਾਫ ਆਪਣਾ ਟੀ-20 ਡੈਬਿਊ ਕੀਤਾ ਸੀ।