Apple iPhone 13: ਆਈਫੋਨ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ!

Apple_iPhone_13_series_1

Apple iPhone 13: ਦਿੱਗਜ ਅਮਰੀਕੀ ਤਕਨੀਕੀ ਕੰਪਨੀ ਐਪਲ ਆਪਣੀ ਨਵੀਂ ਸਮਾਰਟਫ਼ੋਨ ਸੀਰੀਜ਼ ਆਈਫੋਨ-13 ਨੂੰ ਛੇਤੀ ਹੀ ਲਾਂਚ ਕਰ ਸਕਦੀ ਹੈ।

ਕੰਪਨੀ ਹਰ ਸਾਲ ਸਤੰਬਰ ਵਿੱਚ ਆਪਣੀ ਨਵੀਂ ਲੜੀ ਬਾਜ਼ਾਰ ਵਿੱਚ ਲਿਆਉਂਦੀ ਹੈ। ਹਾਲਾਂਕਿ ਕੰਪਨੀ ਨੇ ਇਸ ਸਾਲ ਲਈ ਕੋਈ ਅਧਿਕਾਰਤ ਤਰੀਕ ਦਾ ਐਲਾਨ ਨਹੀਂ ਕੀਤਾ ਹੈ।

ਇੱਕ ਤਾਜ਼ਾ ਰਿਪੋਰਟ ਦੇ ਅਨੁਸਾਰ ਐਪਲ ਆਪਣੀ ਨਵੀਂ ਆਈਫੋਨ 13 ਸੀਰੀਜ਼ ਨੂੰ ਸਤੰਬਰ ਦੇ ਆਖਰੀ ਹਫਤੇ ਵਿੱਚ ਲਾਂਚ ਕਰ ਸਕਦਾ ਹੈ। ਇਨ੍ਹਾਂ ਸਮਾਰਟਫੋਨਸ ਦੀ ਕੀਮਤ ਭਾਰਤੀ ਬਾਜ਼ਾਰ 'ਚ ਇਸ ਦੇ ਬੇਸ ਮਾਡਲ ਲਈ 1,19,000 ਰੁਪਏ ਰੱਖੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਇਸ ਦੇ ਟਾਪ ਮਾਡਲ ਦੀ ਕੀਮਤ 1,49,990 ਰੁਪਏ ਤਕ ਤੈਅ ਕੀਤੀ ਜਾ ਸਕਦੀ ਹੈ।

ਪਹਿਲੀ ਝਲਕ 8 ਸਤੰਬਰ ਨੂੰ ਵੇਖੀ ਜਾ ਸਕਦੀ: ਰਿਪੋਰਟ ਦੇ ਅਨੁਸਾਰ ਐਪਲ ਇਸ ਨੂੰ ਅਗਲੇ ਮਹੀਨੇ ਦੀ 17 ਤਾਰੀਖ ਨੂੰ ਲਾਂਚ ਕਰ ਸਕਦੀ ਹੈ। ਕੰਪਨੀ ਜ਼ਿਆਦਾਤਰ ਆਪਣੇ ਸਮਾਰਟਫ਼ੋਨ ਮੰਗਲਵਾਰ ਜਾਂ ਬੁੱਧਵਾਰ ਨੂੰ ਬਾਜ਼ਾਰ ਵਿੱਚ ਲਿਆਉਂਦੀ ਹੈ। ਇਸ ਸੀਰੀਜ਼ ਦੀ ਪਹਿਲੀ ਝਲਕ 8 ਸਤੰਬਰ ਨੂੰ ਵੇਖੀ ਜਾ ਸਕਦੀ ਹੈ। ਹਾਲਾਂਕਿ ਇਹ ਸਿਰਫ ਅਟਕਲਾਂ ਹਨ। ਕੰਪਨੀ ਵੱਲੋਂ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ।

ਹੋ ਸਕਦੀਆਂ ਹਨ ਇਹ ਵਿਸ਼ੇਸ਼ਤਾਵਾਂ: ਐਪਲ ਦੇ ਇਹ ਆਈਫੋਨ iOS 15, A15 bionic 'ਤੇ ਕੰਮ ਕਰਨਗੇ। ਇਨ੍ਹਾਂ 'ਚ ਇਮੇਜ਼ ਪ੍ਰੋਸੈਸਿੰਗ ਲਈ ਲਿਕਵਿਡ ਕ੍ਰਿਸਟਲ ਪੌਲੀਮਰ ਸਰਕਟ ਬੋਰਡ ਦੇ ਇਲਾਵਾ ਇੱਕ ਨਾਈਟ ਮੋਡ ਕੈਮਰਾ ਦਿੱਤਾ ਜਾ ਸਕਦਾ ਹੈ।

ਇਨ੍ਹਾਂ ਤੋਂ ਨਵਾਂ ਕੁਆਲਕਾਮ ਐਕਸ 60 ਮਾਡਲ ਅਤੇ ਵਾਈਫਾਈ 6 ਈ ਸਪੋਰਟ ਮਿਲਣ ਦੀ ਉਮੀਦ ਹੈ। ਆਈਫੋਨ 13 ਪ੍ਰੋ ਤੇ ਆਈਫੋਨ 13 ਪ੍ਰੋ ਮੈਕਸ ਵਿੱਚ 120Hz ਰਿਫਰੈਸ਼ ਰੇਟ ਦੇ ਨਾਲ ਡਿਸਪਲੇ ਦਿੱਤਾ ਜਾ ਸਕਦਾ ਹੈ। ਇਨ੍ਹਾਂ 'ਚ 512GB ਤੱਕ ਦੀ ਇੰਟਰਨਲ ਸਟੋਰੇਜ ਮਿਲਣ ਦੀ ਸੰਭਾਵਨਾ ਹੈ।

ਡਿਜ਼ਾਈਨ ਹੋ ਸਕਦਾ: ਆਈਫੋਨ 13 ਵਿੱਚ ਛੋਟਾ ਡਿਸਪਲੇ ਨੌਚ ਦਿੱਤਾ ਜਾਵੇਗਾ। ਹੁਣ ਤੱਕ ਜਿਹੜੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਉਨ੍ਹਾਂ ਅਨੁਸਾਰ ਉਨ੍ਹਾਂ ਵਿੱਚ ਬੇਜ਼ਲ ਦਿੱਤਾ ਜਾਵੇਗਾ ਅਤੇ ਫਰੰਟ ਕੈਮਰਾ ਖੱਬੇ ਤੋਂ ਸੱਜੇ ਪਾਸੇ ਦਿੱਤਾ ਜਾ ਸਕਦਾ ਹੈ। ਇਸ 'ਚ ਟਚ ਆਈਡੀ ਸੈਂਸਰ ਸਿੱਧਾ ਆਈਫੋਨ ਦੇ ਡਿਸਪਲੇ ਵਿੱਚ ਬਣਾਇਆ ਜਾਵੇਗਾ।

ਹਾਲਾਂਕਿ ਇਹ ਫੀਚਰ ਐਂਡਰਾਇਡ 'ਚ ਪਹਿਲਾਂ ਹੀ ਦਿੱਤਾ ਜਾ ਚੁੱਕਾ ਹੈ। ਐਪਲ ਆਈਓਐਸ 15 ਦੇ ਨਾਲ ਇਸ ਆਈਫੋਨ ਦੇ ਮਲਟੀ-ਫੈਕਟਰ ਪ੍ਰਮਾਣਿਕਤਾ ਏਪੀਆਈ 'ਤੇ ਵੀ ਕੰਮ ਕਰ ਰਿਹਾ ਹੈ। ਇਸ ਵਿੱਚ, ਡਿਵੈਲਪਰਾਂ ਨੂੰ ਫੇਸ ਆਈਡੀ ਅਤੇ ਟਚ ਆਈਡੀ ਦੋਵਾਂ ਦੁਆਰਾ ਬਾਇਓਮੈਟ੍ਰਿਕਸ ਨੂੰ ਪ੍ਰਮਾਣਿਤ ਕਰਨਾ ਪਵੇਗਾ।