Samsung Galaxy A22 5G: ਸੈਮਸੰਗ ਗਲੈਕਸੀ ਏ-22 ਲਾਂਚ, ਜਾਣੋ ਕੈਮਰਾ-ਪ੍ਰੋਸੈਸਰ ਬਾਰੇ

Samsung_Galaxy_A22_5G_3

Samsung Galaxy A22 5G: ਕੰਪਨੀ ਨੇ ਸੈਮਸੰਗ ਗਲੈਕਸੀ ਏ -22 ਲਾਂਚ ਕੀਤਾ ਹੈ, ਇਸ ਲਈ ਤੁਹਾਡੇ ਲਈ ਇਹ ਜਾਣਨਾ ਮਹੱਤਵਪੂਰਨ ਹੈ ਕਿ ਇਸਦਾ ਕੈਮਰਾ ਅਤੇ ਪ੍ਰੋਸੈਸਰ ਕਿਵੇਂ ਕੰਮ ਕਰਦੇ ਹਨ।

ਹੈਂਡਸੈੱਟ ਨਿਰਮਾਤਾ ਸੈਮਸੰਗ ਨੇ ਹੁਣ ਇਸ ਹੈਂਡਸੈੱਟ ਦਾ 5ਜੀ ਵੇਰੀਐਂਟ ਗਾਹਕਾਂ ਲਈ ਬਾਜ਼ਾਰ ਵਿੱਚ ਲਾਂਚ ਕੀਤਾ ਹੈ। ਇਸ ਫੋਨ ਦੀ ਕੀਮਤ 20 ਹਜ਼ਾਰ ਰੁਪਏ ਤੋਂ ਘੱਟ ਹੈ। ਇਸ ਫੋਨ ਦੇ ਡਿਜ਼ਾਇਨ ਦੀ ਗੱਲ ਕਰੀਏ ਤਾਂ ਇਸਨੂੰ ਵਾਟਰਡ੍ਰੌਪ-ਨੌਚ ਉਰਫ ਇਨਫਿਨਿਟੀ-ਵੀ ਡਿਸਪਲੇ ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਫ਼ੋਨ ਦੇ ਪਾਸੇ ਵਾਲੇ ਬੇਜ਼ਲ ਪਤਲੇ ਹਨ ਪਰ ਫ਼ੋਨ ਦਾ ਹੇਠਲਾ ਹਿੱਸਾ ਥੋੜ੍ਹਾ ਮੋਟਾ ਹੈ।

ਫੋਨ ਦਾ ਭਾਰ ਲਗਪਗ 200 ਗ੍ਰਾਮ ਹੈ। ਬੈਕ ਪੈਨਲ ਤੇ ਖੱਬੇ ਪਾਸੇ ਕੈਮਰਾ ਮੋਡੀਊਲ ਦਿਖਾਈ ਦਿੰਦਾ ਹੈ, ਜੋ ਕਿ ਥੋੜ੍ਹਾ ਉਭਾਰਿਆ ਹੋਇਆ ਨਜ਼ਰ ਆਉਂਦਾ ਹੈ। ਫੋਨ ਦੇ ਸੱਜੇ ਪਾਸੇ ਵਾਲੀਅਮ ਅਤੇ ਪਾਵਰ ਬਟਨ ਦਿੱਤੇ ਗਏ ਹਨ। ਫੋਨ ਦੀ ਸਕਰੀਨ ਕਾਫੀ ਵੱਡੀ ਹੈ। ਫੋਨ 'ਚ 6.6 ਇੰਚ ਦੀ ਫੁੱਲ-ਐਚਡੀ + ਸਕ੍ਰੀਨ ਹੈ। ਇਸ ਰਾਹੀਂ ਤੁਸੀਂ ਗੇਮਿੰਗ ਅਤੇ ਵਿਡੀਓ ਦਾ ਵਧੀਆ ਅਨੁਭਵ ਹਾਸਲ ਕਰ ਸਕਦੇ ਹੋ। ਇਸ ਫੋਨ ਦੇ 6 ਜੀਬੀ ਰੈਮ ਅਤੇ 128 ਜੀਬੀ ਸਟੋਰੇਜ ਵੇਰੀਐਂਟ ਹਨ।

ਫਿੰਗਰਪ੍ਰਿੰਟ ਸੈਂਸਰ ਨੂੰ ਫੋਨ ਦੇ ਪਾਵਰ ਬਟਨ 'ਚ ਜੋੜਿਆ ਗਿਆ ਹੈ। ਸਿਮ-ਕਾਰਡ ਟ੍ਰੇ ਫੋਨ ਦੇ ਖੱਬੇ ਪਾਸੇ ਦਿੱਤੀ ਗਈ ਹੈ। ਇਸ ਵਿੱਚ ਖਾਸ ਗੱਲ ਇਹ ਹੈ ਕਿ ਤੁਸੀਂ ਇੱਕੋ ਸਮੇਂ ਦੋ ਸਿਮ ਕਾਰਡ ਅਤੇ ਇੱਕ ਮਾਈਕ੍ਰੋ ਐਸਡੀ ਕਾਰਡ ਦੀ ਵਰਤੋਂ ਕਰ ਸਕਦੇ ਹੋ।

ਫੋਨ ਦੇ ਹੇਠਾਂ 3.5 ਹੈੱਡਫੋਨ ਜੈਕ ਦਿੱਤਾ ਗਿਆ ਹੈ, ਇਸ ਤੋਂ ਇਲਾਵਾ ਯੂਐਸਬੀ ਟਾਈਪ-ਸੀ ਪੋਰਟ, ਸਪੀਕਰ ਗ੍ਰਿਲ ਅਤੇ ਪ੍ਰਾਇਮਰੀ ਮਾਈਕ੍ਰੋਫੋਨ ਦਿੱਤਾ ਗਿਆ ਹੈ। ਸਪੀਕਰ ਗ੍ਰਿਲ ਤੋਂ ਆਵਾਜ਼ ਬਿਲਕੁਲ ਸਾਫ ਹੈ।

ਇਸ ਫੋਨ 'ਚ ਵਾਟਰਡ੍ਰੌਪ ਨੌਚ ਡਿਜ਼ਾਈਨ ਦਿਖਾਈ ਦੇ ਰਿਹਾ ਹੈ, ਜਿਸ ਨੂੰ ਕੰਪਨੀ ਵਲੋਂ ਇਨਫਿਨਿਟੀ-ਵੀ ਡਿਸਪਲੇ ਦਾ ਨਾਂ ਦਿੱਤਾ ਗਿਆ ਹੈ। ਇਸ ਫੋਨ ਵਿੱਚ ਪਾਵਰ ਸੇਵਿੰਗ ਮੋਡ ਨੂੰ ਚਾਲੂ ਰੱਖਣ ਦਾ ਵਿਕਲਪ ਵੀ ਹੈ।