Good News For iPhone Users: ਆਈਫੋਨ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ! ਹੁਣ ਗਾਹਕਾਂ ਨੂੰ ਮਿਲੇਗਾ 8,500 ਰੁਪਏ ਦਾ ਮੁਆਵਜ਼ਾ, ਬਸ ਕਰੋ ਆਹ ਕੰਮ..

Good News For iPhone Users: ਆਈਫੋਨ ਵਰਤਣ ਵਾਲਿਆਂ ਲਈ ਵੱਡੀ ਖਬਰ ਹੈ। Apple ਕੰਪਨੀ ਵੱਲੋਂ ਆਪਣੇ ਗਾਹਕਾਂ ਨੂੰ 8,500 ਰੁਪਏ ਮੁਆਵਜ਼ਾ ਅਦਾ ਕਰੇਗੀ।

Good News For iPhone Users

ਇਹ ਮੁਆਵਜ਼ਾ ਵੌਇਸ ਅਸਿਸਟੈਂਟ ਸੇਵਾ ਸਿਰੀ ਕਰਕੇ ਪੈਦਾ ਹੋਏ ਵਿਵਾਦ ਦੇ ਨਿਬੇੜੇ ਵਜੋਂ ਦਿੱਤਾ ਜਾਏਗਾ। ਕੰਪਨੀ ਨੇ ਅਦਾਲਤ ਵਿੱਚ ਸਵੀਕਾਰ ਕੀਤਾ ਹੈ ਕਿ ਯੋਗ ਉਪਭੋਗਤਾਵਾਂ ਨੂੰ 8,500 ਰੁਪਏ ($100) ਤੱਕ ਦਾ ਮੁਆਵਜ਼ਾ ਦਿੱਤਾ ਜਾਏਗਾ। ਦਰਅਸਲ Apple ਨੂੰ ਆਪਣੀ ਵੌਇਸ ਅਸਿਸਟੈਂਟ ਸੇਵਾ ਸਿਰੀ 'ਤੇ ਅਮਰੀਕਾ ਵਿੱਚ ਦਾਇਰ ਇੱਕ ਮੁਕੱਦਮੇ ਦਾ ਨਿਬੇੜਾ ਕਰਨਾ ਪਿਆ ਹੈ। ਕੰਪਨੀ 'ਤੇ ਬਿਨਾਂ ਇਜਾਜ਼ਤ ਦੇ ਉਪਭੋਗਤਾਵਾਂ ਦੀਆਂ ਨਿੱਜੀ ਗੱਲਬਾਤਾਂ ਨੂੰ ਰਿਕਾਰਡ ਕਰਨ ਦਾ ਦੋਸ਼ ਸੀ। ਐਪਲ ਹੁਣ ਇਸ ਮਾਮਲੇ ਵਿੱਚ ਲਗਪਗ 790 ਕਰੋੜ ਰੁਪਏ ($95 ਮਿਲੀਅਨ) ਦਾ ਨਿਬੇੜਾ ਕਰਨ ਲਈ ਸਹਿਮਤ ਹੋ ਗਿਆ ਹੈ। ਯੋਗ ਉਪਭੋਗਤਾ 8,500 ਰੁਪਏ ($100) ਤੱਕ ਦਾ ਮੁਆਵਜ਼ਾ ਪ੍ਰਾਪਤ ਕਰ ਸਕਦੇ ਹਨ।

ਪੂਰਾ ਮਾਮਲਾ ਕੀ ਹੈ? ਇਹ ਮਾਮਲਾ 2019 ਵਿੱਚ ਦਾਇਰ ਕੀਤਾ ਗਿਆ ਸੀ। ਇਹ ਦੋਸ਼ ਲਗਾਇਆ ਗਿਆ ਸੀ ਕਿ ਸਿਰੀ ਅਕਸਰ ਬਿਨਾਂ ਕਮਾਂਡ ਦੇ ਆਪਣੇ ਆਪ ਐਕਟਿਵ ਹੋ ਜਾਂਦੀ ਸੀ ਤੇ ਉਪਭੋਗਤਾਵਾਂ ਦੀਆਂ ਨਿੱਜੀ ਗੱਲਬਾਤਾਂ ਨੂੰ ਰਿਕਾਰਡ ਕਰਦੀ ਸੀ। ਇਨ੍ਹਾਂ ਰਿਕਾਰਡਿੰਗਾਂ ਵਿੱਚੋਂ ਕੁਝ ਵਿੱਚ ਸਿਹਤ ਜਾਣਕਾਰੀ ਤੇ ਨਿੱਜੀ ਚਰਚਾਵਾਂ ਵੀ ਸ਼ਾਮਲ ਸਨ ਜੋ ਕਥਿਤ ਤੌਰ 'ਤੇ ਬਾਹਰੀ ਕੰਟਰੈਕਟਰਜ਼ ਨੂੰ ਭੇਜੀਆਂ ਗਈਆਂ ਸਨ।