Android ਦੇ ਕਰੋੜਾਂ ਯੂਜ਼ਰਸ ਖਤਰੇ 'ਚ, ਇਨ੍ਹਾਂ ਪੰਜ OS ਵਰਜ਼ਨ ਵਾਲੇ ਡਿਵਾਈਸਾਂ ਨੂੰ ਜ਼ਿਆਦਾ Risk

ਲੱਖਾਂ ਐਂਡਰਾਇਡ Users 'ਤੇ ਇੱਕ ਵੱਡਾ ਖ਼ਤਰਾ ਮੰਡਰਾ ਰਿਹਾ ਹੈ। ਭਾਰਤ ਸਰਕਾਰ ਦੀ ਸਾਈਬਰ ਸੁਰੱਖਿਆ ਏਜੰਸੀ, CERT-In ਨੇ ਐਂਡਰਾਇਡ Users ਲਈ ਇੱਕ ਸਲਾਹ ਜਾਰੀ ਕੀਤੀ ਹੈ

Android

CERT-In ਦੀ ਸਲਾਹ ਐਂਡਰਾਇਡ ਵਰਜਨ 12 ਅਤੇ ਇਸ ਤੋਂ ਉੱਪਰ ਵਾਲੇ ਸਾਰੇ ਡਿਵਾਈਸਾਂ 'ਤੇ ਲਾਗੂ ਹੁੰਦੀ ਹੈ, ਭਾਵੇਂ ਕੰਪਨੀ ਕੋਈ ਵੀ ਹੋਵੇ। ਲੱਖਾਂ ਐਂਡਰਾਇਡ ਉਪਭੋਗਤਾ ਖਤਰੇ ਵਿੱਚ ਪੈ ਸਕਦੇ ਹਨ। ਭਾਰਤ ਸਰਕਾਰ ਦੀ ਸਾਈਬਰ ਸੁਰੱਖਿਆ ਏਜੰਸੀ ਇੰਡੀਅਨ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (CERT-In) ਨੇ ਐਂਡਰਾਇਡ ਉਪਭੋਗਤਾਵਾਂ ਲਈ ਇੱਕ ਸਲਾਹ ਜਾਰੀ ਕੀਤੀ ਹੈ।

ਇਹ ਸਲਾਹ ਐਂਡਰਾਇਡ ਵਰਜਨ 12 ਅਤੇ ਇਸ ਤੋਂ ਉੱਪਰ ਵਾਲੇ ਸਾਰੇ ਡਿਵਾਈਸਾਂ 'ਤੇ ਲਾਗੂ ਹੁੰਦੀ ਹੈ, ਭਾਵੇਂ ਕੰਪਨੀ ਕੋਈ ਵੀ ਹੋਵੇ।

CERT-In ਨੇ ਐਂਡਰਾਇਡ ਦੇ ਇਨ੍ਹਾਂ ਸੰਸਕਰਣਾਂ ਵਿੱਚ ਪਾਈਆਂ ਗਈਆਂ ਕਮਜ਼ੋਰੀਆਂ ਨੂੰ "ਹਾਈ ਰਿਸਕ" ਵਜੋਂ ਪਰਿਭਾਸ਼ਿਤ ਕੀਤਾ ਹੈ ਅਤੇ ਚੇਤਾਵਨੀ ਦਿੱਤੀ ਹੈ ਕਿ ਇਹ ਕਮਜ਼ੋਰੀਆਂ ਰਿਮੋਟ ਹਮਲਾਵਰਾਂ ਨੂੰ ਸੰਵੇਦਨਸ਼ੀਲ ਉਪਭੋਗਤਾ ਡੇਟਾ ਤੱਕ ਪਹੁੰਚ ਕਰਨ, ਸੇਵਾਵਾਂ ਵਿੱਚ ਵਿਘਨ ਪਾਉਣ ਅਤੇ ਹੋਰ ਬਹੁਤ ਕੁਝ ਕਰਨ ਦੀ ਆਗਿਆ ਦੇ ਸਕਦੀਆਂ ਹਨ।

CERT-In ਨੇ ਕਿਹਾ ਕਿ ਪਲੇਟਫਾਰਮ, ਫਰੇਮਵਰਕ, ਸਿਸਟਮ ਅਤੇ ਡਿਵਾਈਸ ਕੰਪੋਨੈਂਟਸ ਵਿੱਚ ਖਾਮੀਆਂ ਦੇ ਕਾਰਨ ਐਂਡਰਾਇਡ ਵਿੱਚ ਕਈ ਕਮਜ਼ੋਰੀਆਂ ਮੌਜੂਦ ਹਨ, ਜਿਨ੍ਹਾਂ ਵਿੱਚ ਆਰਮ ਕੰਪੋਨੈਂਟਸ, ਮੀਡੀਆਟੇਕ ਕੰਪੋਨੈਂਟਸ, ਯੂਨੀਸੌਕ ਕੰਪੋਨੈਂਟਸ ਅਤੇ ਕੁਆਲਕੌਮ ਕੰਪੋਨੈਂਟਸ ਸ਼ਾਮਲ ਹਨ।

ਗੂਗਲ ਨੇ ਐਂਡਰਾਇਡ ਓਪਨ ਸੋਰਸ ਪ੍ਰੋਜੈਕਟ (AOSP) ਰਿਪੋਜ਼ਟਰੀ ਵਿੱਚ ਜਾਰੀ ਕੀਤੇ ਗਏ ਲੇਟੇਸਟ ਸੋਰਸ ਕੋਡ ਪੈਚ ਵਿੱਚ ਇਨ੍ਹਾਂ ਮੁੱਦਿਆਂ ਨੂੰ ਪਹਿਲਾਂ ਹੀ ਹੱਲ ਕਰ ਦਿੱਤਾ ਹੈ। CERT-In ਨੇ ਯੂਜ਼ਰਸ ਨੂੰ ਆਪਣੇ ਡਿਵਾਈਸਾਂ ਨੂੰ ਲੇਟੇਸਟ ਸਾਫਟਵੇਅਰ ਵਰਜ਼ਨ ਵਿੱਚ ਅਪਡੇਟ ਕਰਨ ਦਾ ਸੁਝਾਅ ਦਿੱਤਾ ਹੈ।

ਜੇਕਰ ਤੁਹਾਡੀ ਡਿਵਾਈਸ Android 12, Android 12L, Android 13, Android 14, ਜਾਂ Android 15 'ਤੇ ਰਨ ਕਰਦਾ ਹੈ ਤਾਂ ਤੁਸੀਂ ਜੋਖਮ ਵਿੱਚ ਹੋ ਸਕਦੇ ਹੋ।