ਜੇਕਰ ਤੁਸੀਂ ਵੀ ਕਰ ਰਹੇ ਹੋ ਆਹ ਗਲਤੀ ਤਾਂ ਹੋ ਜਾਓ ਸਾਵਧਾਨ, ਨਹੀਂ ਤਾਂ ਫੱਟ ਸਕਦੀ ਇਨਵਰਟਰ ਦੀ ਬੈਟਰੀ

ਖਾਸ ਕਰਕੇ ਛੋਟੇ ਕਸਬਿਆਂ ਅਤੇ ਪਿੰਡਾਂ ਚ ਗਰਮੀਆਂ ਦਾ ਮੌਸਮ ਆਉਂਦਿਆਂ ਹੀ ਬਿਜਲੀ ਬਹੁਤ ਜਾਂਦੀ ਹੈ, ਅਜਿਹੀ ਸਥਿਤੀ ਚ, ਲੋਕ ਆਪਣੇ ਘਰਾਂ ਚ ਇਨਵਰਟਰ ਲਗਾਉਂਦੇ ਹਨ ਤਾਂ ਜੋ ਬਿਜਲੀ ਨਾ ਹੋਣ 'ਤੇ ਵੀ ਪੱਖੇ, ਲਾਈਟਾਂ ਤੇ ਹੋਰ ਜ਼ਰੂਰੀ ਉਪਕਰਣ ਚੱਲ ਸਕਣ।

Inverter battery

ਕਦੇ-ਕਦੇ ਏਸੀ ਦੇ ਫਟਣ ਦੀਆਂ ਖਬਰਾਂ ਆਉਂਦੀਆਂ ਹਨ, ਉਸੇ ਤਰ੍ਹਾਂ ਇਨਵਰਟਰ ਦੀ ਬੈਟਰੀ ਵੀ ਫੱਟ ਸਕਦੀ ਹੈ। ਆਓ ਜਾਣਦੇ ਹਾਂ ਕਿਹੜੀਆਂ ਵੱਡੀਆਂ ਗਲਤੀਆਂ ਕਾਰਨ ਅਜਿਹਾ ਹਾਦਸਾ ਹੋ ਸਕਦਾ ਹੈ। ਇਨਵਰਟਰ ਦੀ ਬੈਟਰੀ ਤੋਂ ਗੈਸਾਂ ਨਿਕਲਦੀਆਂ ਹਨ, ਜਿਹੜੀਆਂ ਜੇਕਰ ਕਿਸੇ ਬੰਦ ਜਾਂ ਘੱਟ ਹਵਾਦਾਰ ਜਗ੍ਹਾ 'ਤੇ ਇਕੱਠੀਆਂ ਹੋ ਜਾਂਦੀਆਂ ਹਨ, ਤਾਂ ਇੱਕ ਛੋਟੀ ਜਿਹੀ ਚੰਗਿਆੜੀ ਵੱਡਾ ਧਮਾਕਾ ਕਰ ਸਕਦੀ ਹੈ।

ਗਰਮੀਆਂ ਦੇ ਮੌਸਮ ਵਿੱਚ ਬੈਟਰੀ ਪਹਿਲਾਂ ਹੀ ਗਰਮ ਹੋ ਜਾਂਦੀ ਹੈ, ਅਜਿਹੀ ਸਥਿਤੀ ਵਿੱਚ ਸਹੀ ਹਵਾਦਾਰੀ ਭਾਵ ਖੁੱਲ੍ਹੀ ਹਵਾ ਦਾ ਪ੍ਰਵਾਹ ਬਹੁਤ ਜ਼ਰੂਰੀ ਹੈ। ਜੇਕਰ ਬੈਟਰੀ ਨੂੰ ਬੰਦ ਕਮਰੇ ਜਾਂ ਅਜਿਹੀ ਜਗ੍ਹਾ 'ਤੇ ਰੱਖਿਆ ਜਾਂਦਾ ਹੈ ਜਿੱਥੇ ਹਵਾ ਨਹੀਂ ਨਿਕਲ ਰਹੀ, ਤਾਂ ਜ਼ਿਆਦਾ ਗਰਮ ਹੋਣ ਕਾਰਨ ਧਮਾਕੇ ਦੀ ਸੰਭਾਵਨਾ ਹੋਰ ਵੀ ਵੱਧ ਜਾਂਦੀ ਹੈ।