Audi ਨੇ ਲਾਂਚ ਕੀਤੀ 8ਵੀਂ ਜੈਨਰੇਸ਼ਨ ਦੀ 'A6', ਕੀਮਤ 54.20 ਲੱਖ ਤੋਂ ਸ਼ੁਰੂ

ਨਵੀਂ ਆਡੀ ਏ6 ਲੇਨ ਦੀ ਡਿਪਾਰਚਰ ਵਾਰਨਿੰਗ ਸਿਸਟਮ ਦੇ ਨਾਲ ਆਉਂਦੀ ਹੈ, ਇਸਦੇ ਨਾਲ ਕਾਰ ਵਿੱਚ ਫਰੰਟ ਅਤੇ ਰੀਅਰ ਪਾਰਕਿੰਗ ਸੈਂਸਰਾਂ ਦੇ ਨਾਲ ਆਡੀ ਪਾਰਕ ਸਹਾਇਤਾ ਵੀ ਸ਼ਾਮਲ ਹੈ।

ਕੈਬਿਨ ਸਾਈਜ਼ ਦੀ ਗੱਲ ਕਰੀਏ ਤਾਂ ਕਾਰ ਨੂੰ 10.1 ਇੰਚ ਡਿਸਪਲੇਅ ਦੇ ਨਾਲ ਲੈਦਰ ਸੀਟ, ਐਮਐਮਆਈ ਨੇਵੀਗੇਸ਼ਨ ਪਲੱਸ, ਇਲੈਕਟ੍ਰੋਨਿਕ ਐਡਜਸਟੇਬਲ ਸਟੀਰਿੰਗ ਕਾਲਮ, ਫੋਰ ਜ਼ੋਨ ਏਅਰਕੰਡੀਸ਼ਨਿੰਗ ਅਤੇ ਪੈਨੋਰਾਮਿਕ ਸਨਰੂਫ ਵਰਗੀਆਂ ਵਿਸ਼ੇਸ਼ਤਾਵਾਂ ਨਾਲ ਲੈਸ ਕੀਤਾ ਗਿਆ ਹੈ।

ਲਗਜ਼ਰੀ ਸੇਡਾਨ ਦੇ ਏਆਰਏਆਈ ਟੈਸਟ ਤੋਂ ਬਾਅਦ, ਕੰਪਨੀ ਦਾ ਦਾਅਵਾ ਹੈ ਕਿ ਕਾਰ ਦਾ ਮਾਈਲੇਜ 14.11 ਕਿਲੋਮੀਟਰ ਪ੍ਰਤੀ ਲੀਟਰ ਹੈ। ਇਹ ਕਾਰ 6.8 ਸੈਕਿੰਡ ਵਿੱਚ 0-100 ਕਿਲੋਮੀਟਰ ਪ੍ਰਤੀ ਘੰਟਾੇ ਦੀ ਰਫ਼ਤਾਰ ਫੜ ਸਕਦੀ ਹੈ।

ਆਡੀ ਏ6 ਵਿੱਚ ਬੀਐਸ 6- ਕੰਪਲੈਂਟ 2.0-ਲੀਟਰ TFSI ਪੈਟਰੋਲ ਇੰਜਨ ਹੈ, ਜੋ 245 ਹਾਰਸ ਪਾਵਰ ਅਤੇ 370 ਐਨਐਮ ਦਾ ਟਾਰਕ ਪੈਦਾ ਕਰਦਾ ਹੈ। ਮੋਟਰ ਨੂੰ 7 ਸਪੀਡ ਐਸ ਟ੍ਰੋਨਿਕ ਟ੍ਰਾਂਸਮਿਸ਼ਨ ਦੀ ਟੈਕਨਾਲੋਜੀ ਦਿੱਤੀ ਗਈ ਹੈ। ਇਸ ਵਿੱਚ ਮਾਈਲਡ ਹਾਈਬ੍ਰਿਡ ਤਕਨਾਲੋਜੀ ਉਪਲਬਧ ਹੈ।

ਅੱਠਵੀਂ ਜੈਨਰੇਸ਼ਨ ਦੀ ਆਡੀ A6 ਵਿੱਚ ਬਹੁਤ ਸਾਰੀਆਂ ਨਵੀਆਂ ਵਿਸ਼ੇਸ਼ਤਾਵਾਂ ਹਨ, ਵਿਸ਼ੇਸ਼ ਗੱਲ ਇਹ ਹੈ ਕਿ ਇਸ ਕਾਰ ਵਿੱਚ ਇੱਕ ਬੀਐਸ-6 ਕੰਪੈਟੀਬਲ ਇੰਜਨ ਲੱਗਾ ਹੋਇਆ ਹੈ।

ਜਰਮਨ ਦੀ ਕਾਰ ਨਿਰਮਾਤਾ ਕੰਪਨੀ ਆਡੀ ਨੇ ਭਾਰਤ ਵਿਚ ਆਪਣੀ ਨਵੀਂ ਕਾਰ 'A6' ਤੋਂ ਪਰਦਾ ਚੁੱਕ ਦਿੱਤਾ ਹੈ। ਕੰਪਨੀ ਨੇ ਇਸ ਕਾਰ ਨੂੰ 54.20 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਹੈ।