ਵੱਡੇ ਬੰਦਿਆਂ ਕੋਲ ਵੱਡੀਆਂ ਕਾਰਾਂ, 100 ਕਰੋੜ ਰੁਪਏ ਤੋਂ ਵੀ ਉੱਚੀਆਂ ਕੀਮਤਾਂ ..!

ਦੇਸ਼-ਵਿਦੇਸ਼ ਦੇ ਸਰਬਉੱਚ ਅਹੁਦਿਆਂ 'ਤੇ ਬਿਰਾਜਮਾਨ ਲੋਕਾਂ ਦੇ ਨਾਲ-ਨਾਲ ਵੱਡੇ ਸਰਮਾਏਦਾਰਾਂ ਦੀ ਪਸੰਦ ਹੁੰਦੀ ਹੈ ਉਨ੍ਹਾਂ ਦੇ ਪੱਧਰ ਨਾਲ ਮੇਲ ਖਾਂਦੀਆਂ ਵੱਡੀਆਂ-ਵੱਡੀਆਂ ਕਾਰਾਂ। ਅਜਿਹੀਆਂ ਕਾਰਾਂ ਜੋ ਬਾਹਰੋਂ ਟੈਂਕ ਵਰਗੀਆਂ ਮਜ਼ਬੂਤ ਤੇ ਅੰਦਰੋਂ ਪੰਜ ਤਾਰਾ ਹੋਟਲ ਵਰਗੀਆਂ ਹੁੰਦੀਆਂ ਹਨ। ਅੱਜ ਅਸੀਂ ਤੁਹਾਨੂੰ ਅਜਿਹੀਆਂ ਹੀ ਕੁਝ ਕਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜਿੰਨ੍ਹਾਂ ਦੀ ਕੀਮਤ 100 ਕਰੋੜ ਰੁਪਏ ਤੋਂ ਵੀ ਵੱਧ ਹੈ।

ਕੈਡੀਲੈਕ ਵਨ ਨੂੰ Beast ਦੇ ਨਾਂ ਤੋਂ ਵੀ ਸੱਦਿਆ ਜਾਂਦਾ ਹੈ ਤੇ ਇਸ ਦਾ ਵਜ਼ਨ ਅੱਠ ਟਨ ਹੈ ਤੇ ਇਸ 'ਤੇ ਬਾਰੂਦੀ ਸੁਰੰਗ ਦਾ ਧਮਾਕਾ ਵੀ ਬੇਅਸਰ ਹੈ। ਬੀਸਟ ਦੇ ਨਾਈਟ ਵਿਜ਼ਨ ਦੀ ਸਹਾਇਤਾ ਨਾਲ ਇਸ ਨੂੰ ਹਨੇਰੇ ਵਿੱਚ ਬਗੈਰ ਹੈੱਡਲਾਈਟਾਂ ਬਾਲੇ ਵੀ ਚਲਾਇਆ ਜਾ ਸਕਦਾ ਹੈ।