ਬੀਐਸ-6 ਨਿਯਮ ਲਾਗੂ ਹੋਣ ਮਗਰੋਂ ਵੀ ਮਿਲਣਗੀਆਂ ਟੋਇਟਾ ਦੀਆਂ ਡੀਜ਼ਲ ਕਾਰਾਂ

ਮਾਰੂਤੀ ਨੇ ਆਪਣੀ ਡੀਜ਼ਲ ਕਾਰਾਂ ਨੂੰ ਬੀਐਸ-6 ਨਿਯਮਾਂ ‘ਤੇ ਅਪਗ੍ਰੇਡ ਕਰਨ ਤੋਂ ਮਨਾ ਕਰ ਦਿੱਤਾ ਹੈ। ਮਾਰੂਤੀ ਦਾ ਕਹਿਣਾ ਹੈ ਕਿ ਜੇਕਰ ਗਾਹਕ ਡੀਜ਼ਲ ਕਾਰਾਂ ‘ਚ ਜ਼ਿਆਦਾ ਦਿਲਚਸਪੀ ਦਿਖਾਵਾਂਗੇ ਤਾਂ ਹੀ ਉਹ ਇਸ ‘ਤੇ ਫੇਰ ਤੋਂ ਵਿਚਾਰ ਕਰੇਗੀ।

ਟੋਇਟਾ ਨੇ ਅਜੇ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ, ਪਰ ਮਹਿੰਦਰਾ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਇਨ੍ਹਾਂ ਦੀਆਂ ਕੀਮਤਾਂ ‘ਚ ਕਿੰਨਾ ਵਾਧਾ ਹੋ ਸਕਦਾ ਹੈ।

ਮਹਿੰਦਰਾ ਨੇ ਕੁਝ ਸਮਾਂ ਪਹਿਲਾਂ ਕਿਹਾ ਸੀ ਕਿ ਮੌਜੂਦਾ ਕਾਰਾਂ ਦੇ ਡੀਜ਼ਲ ਇੰਜ਼ਨ ਨੂੰ ਬੀਐਸ-6 ਨਿਯਮਾਂ ਮੁਤਾਬਕ ਅਪਗ੍ਰੇਡ ਕਰਨ ‘ਤੇ ਇਸ ਦੀ ਕੀਮਤ ਇੱਕ ਲੱਖ ਰੁਪਏ ਤਕ ਵੱਧ ਜਾਵੇਗੀ।

ਕੰਪਨੀ ਮੁਤਾਬਕ ਜਨਵਰੀ ਤੋਂ ਜੁਲਾਈ 2019 ‘ਚ ਫਾਰਚੂਨਰ ਤੇ ਇਨੋਵਾ ਕ੍ਰਿਸਟਾ ਦੇ ਡੀਜ਼ਲ ਤੇ ਪੈਟਰੋਲ ਮਾਡਲ 82 (ਡੀਜ਼ਲ):18(ਪੈਟਰੋਲ) ਅਨੁਪਾਤ ‘ਚ ਵਿਕਣ ਦੇ ਅੰਕੜੇ ਮਿਲੇ ਹਨ।

ਟੋਇਟਾ ਕੰਪਨੀ ਨੇ ਉਪ ਪ੍ਰਧਾਨ ਸ਼ੇਖਰ ਵਿਸ਼ਵਨਾਥਨ ਨੇ ਕਿਹਾ, “ਸਾਨੂੰ ਗਾਹਕਾਂ ਤੋਂ ਡੀਜ਼ਲ ਕਾਰਾਂ ਪ੍ਰਤੀ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਅਸੀਂ ਅੱਗੇ ਵੀ ਡੀਜ਼ਲ ਕਾਰਾਂ ਦਾ ਪ੍ਰੋਡਕਸ਼ਨ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਹੈ।”

ਟੋਇਟਾ ਨੇ ਐਲਾਨ ਕੀਤਾ ਹੈ ਕਿ ਉਹ ਬੀਐਸ-6 ਨਿਯਮ ਦੇ ਲਾਗੂ ਹੋਣ ਤੋਂ ਬਾਅਦ ਵੀ ਡੀਜ਼ਲ ਕਾਰਾਂ ਦੀ ਵਿਕਰੀ ਜਾਰੀ ਰੱਖੇਗਾ। ਭਾਰਤ ‘ਚ ਇੱਕ ਅਪਰੈਲ 2020 ਤੋਂ ਬੀਐਸ-6 ਨਿਯਮ ਲਾਗੂ ਹੋਣਗੇ। ਟੋਇਟਾ ਤੋਂ ਪਹਿਲਾ ਹੁੰਡਾਈ, ਹੌਂਡਾ, ਫੋਰਡ ਤੇ ਮਹਿੰਦਰਾ ਨੇ ਵੀ ਡੀਜ਼ਲ ਕਾਰਾਂ ਦੀ ਵਿਕਰੀ ਜਾਰੀ ਰੱਖਣ ਦੀ ਗੱਲ ਕੀਤੀ ਸੀ।