ਸਰਕਾਰੀ ਗਊਸ਼ਾਲਾ ’ਚ ਭੁੱਖਮਰੀ ਨਾਲ ਮਰੀਆਂ ਗਾਵਾਂ, ਕੁੱਤਿਆਂ ਨੇ ਖਾਧੇ ਪਿੰਜਰ

ਗਊ ਸੇਵਕਾਂ ਨੇ ਦੱਸਿਆ ਕਿ ਗਊਸ਼ਾਲਾ ਵਿੱਚ ਪ੍ਰਸ਼ਾਸਨ ਦੀ ਅਣਦੇਖੀ ਕਾਰਨ ਕਈ ਗਾਵਾਂ ਮਰ ਰਹੀਆਂ ਹਨ, ਜ਼ਿਆਦਾਤਰ ਗਾਵਾਂ ਦੇ ਮਰਨ ਦਾ ਕਾਰਨ ਭੁੱਖਮਰੀ ਦੱਸਿਆ ਹੈ। ਇਨ੍ਹਾਂ ਦੇ ਪਿੰਜਰਾਂ ਨੂੰ ਕੁੱਤੇ ਨੋਚ-ਨੋਚ ਕੇ ਖਾ ਰਹੇ ਹਨ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਗਾਵਾਂ ਲਈ ਦਾਣਾ-ਪਾਣੀ ਮੁਹੱਈਆ ਕਰਵਾਉਣ ਅਤੇ ਬਿਮਾਰ ਗਾਵਾਂ ਲਈ ਦਵਾਈਆਂ ਦੇ ਬੰਦੋਬਸਤ ਦੀ ਮੰਗ ਕੀਤੀ।

ਗਊ ਸੇਵਕ ਪਿੰਡ ਰੱਤਾ ਟਿੱਬਾ ਵਿੱਚ ਗਾਵਾਂ ਦੀ ਸੇਵਾ ਕਰਨ ਗਏ ਤਾਂ ਗਾਵਾਂ ਦੀ ਤਰਸਯੋਗ ਹਾਲਤ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਮਗਰੋਂ ਸਾਰੇ ਗਊ ਸੇਵਕ ਡਿਪਟੀ ਕਮਿਸ਼ਨਰ ਐਮ ਕੇ ਅਰਵਿੰਦ ਕੁਮਾਰ ਨੂੰ ਮਿਲੇ ਅਤੇ ਉਨ੍ਹਾਂ ਨੂੰ ਪਿੰਡ ਰੱਤਾ ਟਿੱਬਾ ਵਿਖੇ ਗਊਆਂ ਦੀ ਤਰਸਯੋਗ ਹਾਲਤ ਬਾਰੇ ਜਾਣੂ ਕਰਵਾਇਆ।