Mahashivrati 2022: ਮਹਾਂਸ਼ਿਵਰਾਤਰੀ ਮੌਕੇ 20 ਸਾਲਾਂ ਬਾਅਦ ਬਣਿਆ ਅਜਿਹਾ ਸੰਜੋਗ, ਖਾਸ ਹੋਵੇਗੀ ਪੂਜਾ
Mahashivrati 2022: ਅੱਜ ਸੋਮ ਪ੍ਰਦੋਸ਼ ਵਰਤ ਹੈ, ਜਦਕਿ ਮੰਗਲਵਾਰ 1 ਮਾਰਚ ਨੂੰ ਮਹਾਂਸ਼ਿਵਰਾਤਰੀ ਦਾ ਤਿਓਹਾਰ ਮਨਾਇਆ ਜਾਵੇਗਾ। ਸ਼ਿਵਰਾਤਰੀ 'ਤੇ ਇਸ ਵਾਰ ਦੋ ਦਿਨ ਦੇ ਸ਼ਿਵ ਪਰਵ ਦਾ ਮਹਾਂਸੰਜੋਗ ਬਣ ਰਿਹਾ ਹੈ।
Mahashivrati 2022: ਅੱਜ ਸੋਮ ਪ੍ਰਦੋਸ਼ ਵਰਤ ਹੈ, ਜਦਕਿ ਮੰਗਲਵਾਰ 1 ਮਾਰਚ ਨੂੰ ਮਹਾਂਸ਼ਿਵਰਾਤਰੀ ਦਾ ਤਿਓਹਾਰ ਮਨਾਇਆ ਜਾਵੇਗਾ। ਸ਼ਿਵਰਾਤਰੀ 'ਤੇ ਇਸ ਵਾਰ ਦੋ ਦਿਨ ਦੇ ਸ਼ਿਵ ਪਰਵ ਦਾ ਮਹਾਂਸੰਜੋਗ ਬਣ ਰਿਹਾ ਹੈ। ਭਗਵਾਨ ਸ਼ਿਵ ਨੂੰ ਸਮਰਪਿਤ ਇਹ ਦੋਨੋਂ ਹੀ ਦਿਨ ਪੂਜਾ ਲਈ ਬਹੁਤ ਸ਼ੁਭ ਮੰਨੇ ਜਾ ਰਹੇ ਹਨ। ਜੋਤਸ਼ੀਆਂ ਦਾ ਕਹਿਣਾ ਹੈ ਕਿ ਇਸ ਤੋਂ ਪਹਿਲਾਂ 12-13 ਫਰਵਰੀ 2018 ਨੂੰ ਅਜਿਹਾ ਸੰਜੋਗ ਬਣਿਆ ਸੀ ਅਤੇ ਹੁਣ 20 ਸਾਲ ਬਾਅਦ ਯਾਨੀ 2042 'ਚ ਅਜਿਹਾ ਮਹਾਂਸੰਜੋਗ ਬਣੇਗਾ।
ਅੱਜ ਫੱਗਣ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਤ੍ਰਯੋਦਸ਼ੀ ਤਿਥੀ ਨੂੰ ਪ੍ਰਦੋਸ਼ ਵਰਤ ਰੱਖਿਆ ਜਾਂਦਾ ਹੈ। ਇਸ ਦਿਨ ਸੋਮਵਾਰ ਹੋਣ ਕਰਕੇ ਇਸ ਨੂੰ ਸੋਮ ਪ੍ਰਦੋਸ਼ ਵ੍ਰਤ ਵੀ ਕਿਹਾ ਜਾਂਦਾ ਹੈ। ਫੱਗਣ ਮਹੀਨੇ ਦੇ ਪਹਿਲੇ ਸੋਮ ਪ੍ਰਦੋਸ਼ 'ਤੇ ਭਗਵਾਨ ਮਹਾਦੇਵ ਨੂੰ ਪ੍ਰਸੰਨ ਕਰਨ ਲਈ ਉਹਨਾਂ ਦੀ ਪੂਜਾ ਅਤੇ ਵਰਤ ਰੱਖਿਆ ਜਾਂਦਾ ਹੈ। ਇਸ ਦਿਨ ਭਗਵਾਨ ਸ਼ਿਵ ਦੀ ਪੂਜਾ ਕਰਨ ਨਾਲ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੁੰਦੀਆਂ ਹਨ।
ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਸੱਚੇ ਮਨ ਨਾਲ ਭੋਲੇਨਾਥ ਦੀ ਪੂਜਾ ਕਰਨ ਨਾਲ ਮਨਚਾਹੇ ਫਲ ਮਿਲਦਾ ਹੈ। ਵਿਆਹ ਵਿੱਚ ਆਉਣ ਵਾਲੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ।
ਫੱਗਣ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਤ੍ਰਯੋਦਸ਼ੀ ਅੱਜ ਸਵੇਰੇ 05:42 ਵਜੇ ਸ਼ੁਰੂ ਹੋ ਗਈ ਹੈ, ਇਹ 01 ਮਾਰਚ ਨੂੰ ਸਵੇਰੇ 03:16 ਵਜੇ ਤੱਕ ਯੋਗ ਹੈ। ਇਸ ਤੋਂ ਬਾਅਦ ਮਹਾਸ਼ਿਵਰਾਤਰੀ ਸ਼ੁਰੂ ਹੋਵੇਗੀ। ਇਸ ਵਾਰ ਪ੍ਰਦੋਸ਼ ਵਰਤ ਦੇ ਦਿਨ ਸਰਵਰਥ ਸਿੱਧੀ ਯੋਗ ਬਣਦਾ ਹੈ।
ਮਹਾਂਸ਼ਿਵਰਾਤਰੀ ਦੀ ਪੂਜਾ ਲਈ ਸ਼ੁਭ ਸਮਾਂ -
ਮਹਾਸ਼ਿਵਰਾਤਰੀ ਪੂਜਾ ਨੂੰ ਚਾਰ ਪੜਾਵਾਂ ਵਿੱਚ ਵੰਡਿਆ ਗਿਆ ਹੈ। ਪੂਜਾ ਕਰਨ ਦਾ ਸ਼ੁਭ ਸਮਾਂ ਹੈ:
ਪਹਿਲਾ ਪੜਾਅ: 1 ਮਾਰਚ ਸ਼ਾਮ 6.21 ਤੋਂ ਰਾਤ 9.27 ਤੱਕ
ਦੂਜਾ ਪੜਾਅ: 1 ਮਾਰਚ ਰਾਤ 9.27 ਤੋਂ 12.33 ਵਜੇ ਤੱਕ
ਤੀਜਾ ਪੜਾਅ: 2 ਮਾਰਚ ਨੂੰ ਸਵੇਰੇ 12:33 ਵਜੇ ਤੋਂ ਸਵੇਰੇ 3.39 ਵਜੇ ਤੱਕ
ਚੌਥਾ ਪੜਾਅ: 2 ਮਾਰਚ ਸਵੇਰੇ 3:39 ਵਜੇ ਤੋਂ ਸਵੇਰੇ 6:45 ਵਜੇ ਤੱਕ
ਇਹ ਵੀ ਪੜ੍ਹੋ: ਅਮਰੀਕਾ ਨੇ ਵਿਦਿਆਰਥੀਆਂ ਤੇ ਕਰਮਚਾਰੀਆਂ ਨੂੰ ਵੀਜ਼ਾ ਸ਼ਰਤਾਂ 'ਚ ਦਿੱਤੀ ਢਿੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
