ਯੁਵਰਾਜ ਤੇ ਜਡੇਜਾ ਤੋਂ ਬਾਅਦ ਹੁਣ ਇਸ ਕ੍ਰਿਕੇਟਰ ਨੇ ਜੜੇ 6 ਗੇਂਦਾਂ 'ਚ 6 ਛੱਕੇ

28 ਸਾਲ ਦੇ ਪ੍ਰਸੋਨਜੀਤ ਨੇ 38ਵਾਂ ਓਵਰ ਪਾਉਣ ਆਏ ਤੇਜ਼ ਗੇਂਦਬਾਜ਼ ਸਾਇਨ ਭੱਟਾਚਾਰਿਆ ਦੇ ਓਵਰ ਵਿੱਚ ਜ਼ਬਰਦਸਤ 6 ਛੱਕੇ ਜੜ ਦਿੱਤੇ। ਇਸ ਦੌਰਾਨ ਉਸ ਨੇ 96 ਦੌੜਾਂ ਦੀ ਪਾਰੀ ਖੇਡੀ, ਜਿਸ ਦੀ ਸਹਾਇਤਾ ਨਾਲ ਭਵਾਨੀਪੁਰ ਕਲੱਬ ਨੇ ਤੈਅ ਕੀਤੇ ਗਏ 38 ਓਵਰਾਂ ਵਿੱਚ 293 ਦੌੜਾਂ ਬਣਾਈਆਂ। ਇਸ ਦੇ ਜਵਾਬ ਵਿੱਚ ਵਿਰੋਧੀ ਟੀਮ 109 ਦੌੜਾਂ 'ਤੇ ਹੀ ਸਿਮਟ ਗਈ।

ਭਵਾਨੀਪੁਰ ਕਲੱਬ ਵੱਲੋਂ ਖੇਡਣ ਵਾਲੇ ਪ੍ਰਸੋਨਜੀਤ ਨੇਤਾਜੀ ਸੁਭਾਸ਼ ਇੰਸਟੀਚਿਊਟ ਵਿਰੁੱਧ ਬੰਗਾਲ ਕ੍ਰਿਕਟ ਸੰਘ (ਕੈਬ) ਦੇ ਪਹਿਲੀ ਸ਼੍ਰੇਣੀ ਦੇ ਸੀਨੀਅਰ ਨੌਕਆਊਟ ਟੂਰਨਾਮੈਂਟ ਦੇ ਗਰੁੱਪ ਭਾਗ ਦੇ ਮੈਚ ਦੌਰਾਨ 1 ਓਵਰ ਵਿੱਚ 6 ਛੱਕੇ ਮਾਰਨ ਦਾ ਕਾਰਨਾਮਾ ਕਰ ਦਿੱਤਾ।