ODI World Cup 2023: ਜਦੋਂ ਇਕੱਲੇ ਹੀ ਕੁੰਬਲੇ ਨੇ ਪਾਕਿਸਤਾਨ ਨੂੰ ਦਿੱਤੀ ਸੀ ਕਰਾਰੀ ਮਾਤ, ਭਾਰਤ ਨੇ 212 ਦੌੜਾਂ ਤੋਂ ਦਿੱਤੀ ਸੀ ਸ਼ਿਕਸਤ
India vs Pakistan: ਅਨਿਲ ਕੁੰਬਲੇ ਨੇ ਕਈ ਮੌਕਿਆਂ 'ਤੇ ਟੀਮ ਇੰਡੀਆ ਲਈ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਉਸ ਨੇ ਪਾਕਿਸਤਾਨ ਦੇ ਖਿਲਾਫ ਦਿੱਲੀ ਟੈਸਟ ਦੀ ਇੱਕ ਪਾਰੀ ਵਿੱਚ 10 ਵਿਕਟਾਂ ਲਈਆਂ ਸਨ।
Anil Kumble India vs Pakistan: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਅਨਿਲ ਕੁੰਬਲੇ ਨੇ ਆਪਣੇ ਕਰੀਅਰ ਦੌਰਾਨ ਕਈ ਵਾਰ ਯਾਦਗਾਰ ਪ੍ਰਦਰਸ਼ਨ ਕੀਤੇ ਹਨ। ਕੁੰਬਲੇ ਨੇ ਟੀਮ ਇੰਡੀਆ ਲਈ ਮੈਚ ਜੇਤੂ ਪ੍ਰਦਰਸ਼ਨ ਦਿੱਤਾ ਹੈ। ਅੱਜ (17 ਅਕਤੂਬਰ, 2023) ਕੁੰਬਲੇ ਆਪਣਾ 53ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਮੌਕੇ 'ਤੇ ਪੜ੍ਹੋ ਪਾਕਿਸਤਾਨ ਖਿਲਾਫ ਦਿੱਲੀ ਟੈਸਟ 'ਚ ਉਸ ਦੇ ਪ੍ਰਦਰਸ਼ਨ ਦੀ ਦਿਲਚਸਪ ਕਹਾਣੀ...
ਦਰਅਸਲ 1999 'ਚ ਪਾਕਿਸਤਾਨ ਕ੍ਰਿਕਟ ਟੀਮ ਭਾਰਤ ਦੌਰੇ 'ਤੇ ਆਈ ਸੀ। ਇਸ ਦੌਰਾਨ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਦਿੱਲੀ 'ਚ ਟੈਸਟ ਸੀਰੀਜ਼ ਦਾ ਦੂਜਾ ਮੈਚ ਖੇਡਿਆ ਗਿਆ। ਟੀਮ ਇੰਡੀਆ ਨੇ ਇਸ ਨੂੰ 212 ਦੌੜਾਂ ਨਾਲ ਜਿੱਤ ਲਿਆ। ਕੁੰਬਲੇ ਨੇ ਟੀਮ ਇੰਡੀਆ ਲਈ ਖਤਰਨਾਕ ਗੇਂਦਬਾਜ਼ੀ ਕੀਤੀ। ਉਸ ਨੇ ਇਕੱਲੇ ਹੀ ਪਾਕਿਸਤਾਨ ਨੂੰ ਹਰਾਇਆ। ਮੈਚ 'ਚ ਭਾਰਤੀ ਕਪਤਾਨ ਮੁਹੰਮਦ ਅਜ਼ਹਰੂਦੀਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਦੌਰਾਨ ਭਾਰਤ ਨੇ ਪਹਿਲੀ ਪਾਰੀ ਵਿੱਚ 252 ਦੌੜਾਂ ਬਣਾਈਆਂ। ਜਦਕਿ ਪਾਕਿਸਤਾਨ ਦੀ ਟੀਮ 172 ਦੌੜਾਂ ਦੇ ਸਕੋਰ 'ਤੇ ਢਹਿ ਗਈ। ਕੁੰਬਲੇ ਨੇ ਪਹਿਲੀ ਪਾਰੀ 'ਚ 4 ਵਿਕਟਾਂ ਲਈਆਂ ਸਨ। ਉਸ ਨੇ 24.3 ਓਵਰਾਂ ਵਿੱਚ 75 ਦੌੜਾਂ ਦਿੱਤੀਆਂ।
ਪਾਕਿਸਤਾਨ ਦੇ ਆਲ ਆਊਟ ਹੋਣ ਤੋਂ ਬਾਅਦ ਭਾਰਤੀ ਟੀਮ ਦੂਜੀ ਪਾਰੀ ਵਿੱਚ ਬੱਲੇਬਾਜ਼ੀ ਲਈ ਉਤਰੀ। ਇਸ ਦੌਰਾਨ ਟੀਮ ਨੇ 339 ਦੌੜਾਂ ਬਣਾਈਆਂ। ਭਾਰਤ ਲਈ ਗਾਂਗੁਲੀ ਨੇ 62 ਦੌੜਾਂ ਬਣਾਈਆਂ ਸਨ। ਭਾਰਤ ਵੱਲੋਂ ਦਿੱਤੇ ਟੀਚੇ ਦਾ ਪਿੱਛਾ ਕਰਨ ਆਈ ਪਾਕਿਸਤਾਨ ਦੀ ਟੀਮ ਦੂਜੀ ਪਾਰੀ ਵਿੱਚ 207 ਦੌੜਾਂ ਦੇ ਸਕੋਰ ’ਤੇ ਆਲ ਆਊਟ ਹੋ ਗਈ। ਕੁੰਬਲੇ ਪਾਕਿਸਤਾਨ ਲਈ ਘਾਤਕ ਸਾਬਤ ਹੋਏ। ਉਸ ਨੇ 26.3 ਓਵਰਾਂ ਵਿੱਚ 74 ਦੌੜਾਂ ਦੇ ਕੇ 10 ਵਿਕਟਾਂ ਲਈਆਂ। ਕੁੰਬਲੇ ਦਾ ਇਹ ਪ੍ਰਦਰਸ਼ਨ ਯਾਦਗਾਰ ਰਿਹਾ। ਉਸ ਨੇ 69 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਸਈਦ ਅਨਵਰ ਨੂੰ ਆਊਟ ਕੀਤਾ। ਇਸ ਮੈਚ ਵਿੱਚ ਭਾਰਤ ਨੇ ਪਾਕਿਸਤਾਨ ਨੂੰ 212 ਦੌੜਾਂ ਨਾਲ ਹਰਾਇਆ ਸੀ।
A 10/10 performance doesn’t exi…
— Rajasthan Royals (@rajasthanroyals) October 17, 2023
Happy birthday, @anilkumble1074! 🇮🇳pic.twitter.com/OXjrkZkkGA
ਜ਼ਿਕਰਯੋਗ ਹੈ ਕਿ ਅਨਿਲ ਕੁੰਬਲੇ ਨੇ ਆਪਣੇ ਕਰੀਅਰ 'ਚ 132 ਟੈਸਟ ਮੈਚ ਖੇਡਦੇ ਹੋਏ 619 ਵਿਕਟਾਂ ਹਾਸਲ ਕੀਤੀਆਂ ਹਨ । ਇਸ ਦੌਰਾਨ ਉਸ ਨੇ 35 ਵਾਰ ਪੰਜ ਜਾਂ ਵੱਧ ਵਿਕਟਾਂ ਲਈਆਂ। ਕੁੰਬਲੇ ਨੇ 271 ਵਨਡੇ ਮੈਚਾਂ 'ਚ 337 ਵਿਕਟਾਂ ਲਈਆਂ ਹਨ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
