ਇਸ ਭਾਰਤੀ ਖਿਡਾਰੀ 'ਤੇ ਵੱਡੀ ਕਾਰਵਾਈ; ਤਿੰਨ ਸਾਲਾਂ ਲਈ ਬੈਨ, ਜਾਣੋ ਕਿਉਂ ਨਹੀਂ ਖੇਡ ਸਕੇਗਾ
ਖੇਡ ਜਗਤ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਰਾਸ਼ਟਰੀ ਖੇਡਾਂ ਵਿੱਚ ਡਿਸਕਸ ਥਰੋਅ ਵਿੱਚ ਸੋਨੇ ਦਾ ਤਮਗਾ ਜਿੱਤਣ ਵਾਲੇ ਗਗਨਦੀਪ ਸਿੰਘ ਸਮੇਤ ਕਈ ਖਿਡਾਰੀਆਂ ਨੂੰ National Anti-Doping Agency ਵੱਲੋਂ ਤਿੰਨ ਸਾਲਾਂ..
ਰਾਸ਼ਟਰੀ ਖੇਡਾਂ ਵਿੱਚ ਡਿਸਕਸ ਥਰੋਅ ਵਿੱਚ ਸੋਨੇ ਦਾ ਤਮਗਾ ਜਿੱਤਣ ਵਾਲੇ ਗਗਨਦੀਪ ਸਿੰਘ ਸਮੇਤ ਕਈ ਖਿਡਾਰੀਆਂ ਨੂੰ National Anti-Doping Agency (ਨਾਡਾ) ਵੱਲੋਂ ਤਿੰਨ ਸਾਲਾਂ ਲਈ ਬੈਨ ਲਾਇਆ ਗਿਆ ਹੈ। ਇਹਨਾਂ ਖਿਡਾਰੀਆਂ ਨੇ ਡੋਪਿੰਗ ਦੇ ਆਰੋਪ ਲੱਗਣ ਦੇ 20 ਦਿਨਾਂ ਅੰਦਰ ਆਪਣਾ ਅਪਰਾਧ ਮੰਨ ਲਿਆ ਸੀ, ਜਿਸ ਕਰਕੇ ਉਹਨਾਂ ਦੀ ਸਜ਼ਾ ਚਾਰ ਸਾਲਾਂ ਦੀ ਬਜਾਏ ਤਿੰਨ ਸਾਲਾਂ ਕਰ ਦਿੱਤੀ ਗਈ।
ਸੈਨਾ ਦੀ ਨੁਮਾਇੰਦਗੀ ਕਰਨ ਵਾਲੇ ਗਗਨਦੀਪ ਨੇ 12 ਫਰਵਰੀ ਨੂੰ ਉੱਤਰਾਖੰਡ ਰਾਸ਼ਟਰੀ ਖੇਡਾਂ ਵਿੱਚ ਪੁਰਸ਼ਾਂ ਦੀ ਚੱਕਾ ਫੇਂਕ ਯਾਨੀਕਿ ਡਿਸਕਸ ਥ੍ਰੋਅ ਮੁਕਾਬਲੇ ਵਿੱਚ 55.01 ਮੀਟਰ ਦੇ ਸਰਵੋਤਮ ਥ੍ਰੋ ਨਾਲ ਸੋਨੇ ਦਾ ਤਗਮਾ ਜਿੱਤਿਆ ਸੀ। ਇਸ ਤੋਂ ਬਾਅਦ ਉਹ ਡੋਪਿੰਗ ਜਾਂਚ ਵਿੱਚ ਪਾਜ਼ਿਟਿਵ ਪਾਏ ਗਏ। ਉਨ੍ਹਾਂ ਦੇ ਨਮੂਨੇ ਵਿੱਚ 'ਟੈਸਟੋਸਟੀਰੋਨ ਮੈਟਾਬੋਲਾਈਟਸ' ਦੀ ਪੁਸ਼ਟੀ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਅਸਥਾਈ ਤੌਰ 'ਤੇ ਮੁਅੱਤਲ ਕਰ ਦਿੱਤਾ ਗਿਆ।
ਇਸ 30 ਸਾਲਾ ਖਿਡਾਰੀ ਦੀ ਪਾਬੰਦੀ ਦੀ ਮਿਆਦ 19 ਫਰਵਰੀ 2025 ਤੋਂ ਸ਼ੁਰੂ ਹੋਵੇਗੀ
ਖਿਡਾਰੀ ਦੇ ਪਹਿਲੇ ਅਪਰਾਧ ਲਈ ਵੱਧ ਤੋਂ ਵੱਧ ਪਾਬੰਦੀ ਦੀ ਮਿਆਦ ਚਾਰ ਸਾਲ ਹੈ, ਪਰ ਨਾਡਾ ਦੇ ਨਿਯਮਾਂ ਦੇ ਅਨੁਚੇਦ 10.8 (ਨਤੀਜੇ ਪ੍ਰਬੰਧਨ ਸਮਝੌਤਾ) ਅਧੀਨ ਜੇ ਖਿਡਾਰੀ ਆਪਣਾ ਅਪਰਾਧ ਜਲਦੀ ਮੰਨ ਲੈਂਦਾ ਹੈ ਤਾਂ ਉਸ ਦੀ ਸਜ਼ਾ ਘੱਟ ਹੋ ਸਕਦੀ ਹੈ।
ਗਗਨਦੀਪ ਤੋਂ ਰਾਸ਼ਟਰੀ ਖੇਡਾਂ ਦਾ ਤਗਮਾ ਵਾਪਸ ਲੈ ਲਿਆ ਜਾਵੇਗਾ। ਸੰਭਾਵਨਾ ਹੈ ਕਿ ਹਰਿਆਣਾ ਦੇ ਖਿਡਾਰੀ ਨਿਰਭੈ ਸਿੰਘ ਦਾ ਚਾਂਦੀ ਦਾ ਤਗਮਾ ਹੁਣ ਸੋਨੇ ਦੇ ਤਗਮੇ ਵਿੱਚ ਬਦਲ ਜਾਵੇਗਾ।
ਟ੍ਰੈਕ ਅਤੇ ਫੀਲਡ ਦੇ ਦੋ ਹੋਰ ਐਥਲੀਟ ਸਚਿਨ ਕੁਮਾਰ ਅਤੇ ਜੈਨੂ ਕੁਮਾਰ ਨੂੰ ਵੀ ਇਸ provisions ਦਾ ਫਾਇਦਾ ਮਿਲਿਆ ਹੈ। ਇਸ ਅਧੀਨ ਉਹਨਾਂ ਦੀ ਪਾਬੰਦੀ ਦੀ ਮਿਆਦ ਨੂੰ ਇੱਕ ਸਾਲ ਘਟਾ ਦਿੱਤਾ ਗਿਆ ਹੈ। ਸਚਿਨ ਦਾ ਤਿੰਨ ਸਾਲਾਂ ਦਾ ਬੈਨ 10 ਫਰਵਰੀ ਤੋਂ ਸ਼ੁਰੂ ਹੋ ਚੁੱਕਾ ਹੈ, ਜਦਕਿ ਜੈਨੂ ਲਈ ਇਹ ਤਾਰੀਖ 20 ਫਰਵਰੀ ਹੈ।
ਇਸ ਪ੍ਰਾਵਧਾਨ ਦਾ ਫਾਇਦਾ ਜੁਡੋ ਖਿਡਾਰੀ ਮੋਨਿਕਾ ਚੌਧਰੀ ਅਤੇ ਨੰਦਨੀ ਵਤਸ, ਪੈਰਾ ਪਾਵਰਲਿਫਟਰ ਉਮੇਸ਼ਪਾਲ ਸਿੰਘ ਅਤੇ ਸੈਮੂਅਲ ਵਨਲਾਲਤਨਪੁਇਆ, ਭਾਰੋਤੋਲਕ ਕਵਿੰਦਰ, ਕਬੱਡੀ ਖਿਡਾਰੀ ਸ਼ੁਭਮ ਕੁਮਾਰ, ਪਹਿਲਵਾਨ ਮੁਗਾਲੀ ਸ਼ਰਮਾ, ਵੁਸ਼ੂ ਖਿਡਾਰੀ ਅਮਨ ਅਤੇ ਰਹੁਲ ਤੋਮਰ ਦੇ ਨਾਲ-ਨਾਲ ਇੱਕ ਨਾਬਾਲਿਗ ਪਹਿਲਵਾਨ ਨੂੰ ਵੀ ਮਿਲਿਆ ਹੈ।ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਨੂੰ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਨਾਡਾ ਵੱਲੋਂ ਅਸਥਾਈ ਤੌਰ 'ਤੇ ਨਿਲੰਬਿਤ ਕਰ ਦਿੱਤਾ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
