Mithali Raj ਨੇ ਕੀਤਾ ਖੁਲਾਸਾ, ਦੱਸਿਆ ਪਹਿਲੀ ਵਾਰ ਕਦੋਂ ਆਇਆ ਸੀ ਰਿਟਾਇਰਮੈਂਟ ਦਾ ਖ਼ਿਆਲ
ਮਿਤਾਲੀ ਰਾਜ (Mithali Raj) ਨੇ ਕਿਹਾ ਕਿ ਉਸ ਦੌਰਾਨ ਮੈਂ ਦੇਖਿਆ ਕਿ ਰਾਹੁਲ ਦ੍ਰਾਵਿੜ ਦੀਆਂ ਅੱਖਾਂ ਨਮ ਹੋ ਗਈਆਂ ਸਨ। ਉਹ ਬਹੁਤ ਭਾਵੁਕ ਹੋ ਗਏ ਸੀ। ਰਾਹੁਲ ਦ੍ਰਵਿੜ ਨੂੰ ਭਾਵੁਕ ਦੇਖ ਕੇ ਮੇਰੇ ਦਿਮਾਗ 'ਚ ਸੰਨਿਆਸ ਲੈਣ ਦਾ ਖਿਆਲ ਆਇਆ।
ਸਾਬਕਾ ਭਾਰਤੀ ਮਹਿਲਾ ਕ੍ਰਿਕਟਰ ਮਿਤਾਲੀ ਰਾਜ ਨੇ ਹਾਲ ਹੀ ਵਿੱਚ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਮਿਤਾਲੀ ਰਾਜ ਨੂੰ ਮਹਿਲਾ ਕ੍ਰਿਕਟ ਦੀ ਮਹਾਨ ਖਿਡਾਰਨਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਵਨਡੇ 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਰਿਕਾਰਡ ਸਾਬਕਾ ਭਾਰਤੀ ਕਪਤਾਨ ਦੇ ਨਾਂ ਹੈ। ਮਿਤਾਲੀ ਨੇ ਆਪਣੇ ਕਰੀਅਰ 'ਚ 232 ਵਨਡੇ ਮੈਚ ਖੇਡੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ 7 ਸੈਂਕੜਿਆਂ ਤੋਂ ਇਲਾਵਾ 7805 ਦੌੜਾਂ ਬਣਾਈਆਂ। ਹੁਣ ਇਸ ਮਹਾਨ ਖਿਡਾਰੀ ਨੇ ਆਪਣੀ ਸੰਨਿਆਸ 'ਤੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਰਾਹੁਲ ਦ੍ਰਾਵਿੜ ਨੇ ਸਾਲ 2012 'ਚ ਕ੍ਰਿਕਟ ਨੂੰ ਅਲਵਿਦਾ ਕਿਹਾ ਸੀ, ਉਸ ਸਮੇਂ ਮੇਰੇ ਦਿਮਾਗ 'ਚ ਵੀ ਸੰਨਿਆਸ ਦਾ ਖਿਆਲ ਆਇਆ ਸੀ।
ਮਿਤਾਲੀ ਨੇ ਦ੍ਰਵਿੜ ਨੂੰ ਯਾਦ ਕੀਤਾ
ਮਿਤਾਲੀ ਰਾਜ ਨੇ ਸਾਲ 2012 ਦੇ ਉਸ ਪਲ ਨੂੰ ਯਾਦ ਕੀਤਾ, ਜਦੋਂ ਮਹਾਨ ਭਾਰਤੀ ਖਿਡਾਰੀ ਰਾਹੁਲ ਦ੍ਰਾਵਿੜ ਨੇ ਕ੍ਰਿਕਟ ਨੂੰ ਅਲਵਿਦਾ ਕਿਹਾ ਸੀ। ਮਿਤਾਲੀ ਨੇ ਕਿਹਾ ਕਿ ਉਸ ਦੌਰਾਨ ਮੈਂ ਦੇਖਿਆ ਕਿ ਰਾਹੁਲ ਦ੍ਰਾਵਿੜ ਦੀਆਂ ਅੱਖਾਂ ਨਮ ਹੋ ਗਈਆਂ ਸਨ। ਉਹ ਬਹੁਤ ਭਾਵੁਕ ਹੋ ਗਏ ਸੀ। ਰਾਹੁਲ ਦ੍ਰਵਿੜ ਨੂੰ ਭਾਵੁਕ ਦੇਖ ਕੇ ਮੇਰੇ ਦਿਮਾਗ 'ਚ ਸੰਨਿਆਸ ਲੈਣ ਦਾ ਖਿਆਲ ਆਇਆ। ਦਰਅਸਲ, ਮੈਂ ਸੋਚਿਆ ਕਿ ਕ੍ਰਿਕਟ ਨੂੰ ਅਲਵਿਦਾ ਕਹਿਣ ਤੋਂ ਬਾਅਦ ਕਿਹੋ ਜਿਹਾ ਮਹਿਸੂਸ ਹੋਵੇਗਾ। ਸਾਬਕਾ ਭਾਰਤੀ ਕਪਤਾਨ ਨੇ ਕਿਹਾ ਕਿ ਰਾਹੁਲ ਦ੍ਰਾਵਿੜ ਦੇ ਸੰਨਿਆਸ ਤੋਂ ਬਾਅਦ ਕਈ ਹੋਰ ਖਿਡਾਰੀਆਂ ਨੇ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ।
ਮਿਤਾਲੀ ਨੇ ਸਾਲ 1999 'ਚ ਡੈਬਿਊ ਕੀਤਾ ਸੀ
ਕਾਬਿਲੇਗੌਰ ਹੈ ਕਿ ਮਿਤਾਲੀ ਰਾਜ ਨੇ ਸਾਲ 1999 ਵਿੱਚ ਆਇਰਲੈਂਡ ਦੇ ਖਿਲਾਫ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਮਿਤਾਲੀ ਨੇ 232 ਵਨਡੇ ਤੋਂ ਇਲਾਵਾ 12 ਟੈਸਟ ਅਤੇ 89 ਟੀ-20 ਮੈਚਾਂ 'ਚ ਭਾਰਤੀ ਟੀਮ ਦੀ ਨੁਮਾਇੰਦਗੀ ਕੀਤੀ ਹੈ। ਮਿਤਾਲੀ ਰਾਜ ਨੇ 12 ਟੈਸਟ ਮੈਚਾਂ ਵਿੱਚ 43.68 ਦੀ ਔਸਤ ਨਾਲ 699 ਦੌੜਾਂ ਬਣਾਈਆਂ। ਜਦਕਿ ਮਿਤਾਲੀ ਨੇ 89 ਟੀ-20 ਮੈਚਾਂ 'ਚ 2364 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਪਹਿਲਾਂ ਸਾਲ 2019 'ਚ ਮਿਤਾਲੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣੀ ਸੀ, ਜਿਸ ਨੇ ਵਨਡੇ ਕ੍ਰਿਕਟ 'ਚ 2 ਦਹਾਕੇ ਪੂਰੇ ਕੀਤੇ ਸਨ।ਇਸ ਤੋਂ ਇਲਾਵਾ ਮਿਤਾਲੀ ਨੇ ਆਖਰੀ ਵਾਰ ਇਸ ਸਾਲ ਮਾਰਚ 'ਚ ਦੱਖਣੀ ਅਫਰੀਕਾ 'ਚ ਵਨਡੇ ਵਿਸ਼ਵ ਕੱਪ 'ਚ ਬਾਰ ਭਾਰਤੀ ਟੀਮ ਦੀ ਅਗਵਾਈ ਕੀਤੀ ਸੀ। ਇਸ ਵਿਸ਼ਵ ਕੱਪ 'ਚ ਭਾਰਤੀ ਟੀਮ ਸੈਮੀਫਾਈਨਲ 'ਚ ਜਗ੍ਹਾ ਬਣਾਉਣ 'ਚ ਨਾਕਾਮ ਰਹੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
