Shreyas Iyer: ਸ਼੍ਰੇਅਸ ਅਈਅਰ ਲਈ ਟੀਮ ਦੇ ਦਰਵਾਜ਼ੇ ਹੋਏ ਬੰਦ ? BCCI ਨੇ ਸੁਣਾਇਆ ਅਜਿਹਾ ਫਰਮਾਨ

Shreyas Iyer Indian Tes Team: ਸ਼੍ਰੇਅਸ ਅਈਅਰ ਨੂੰ ਬੰਗਲਾਦੇਸ਼ ਦੇ ਖਿਲਾਫ ਚੇਨਈ 'ਚ  ਹੋਣ ਵਾਲੀ ਸੀਰੀਜ਼ ਦੇ ਪਹਿਲੇ ਟੈਸਟ ਲਈ ਟੀਮ ਇੰਡੀਆ 'ਚ ਨਹੀਂ ਚੁਣਿਆ ਗਿਆ। ਇਨ੍ਹੀਂ ਦਿਨੀਂ ਅਈਅਰ ਦਲੀਪ ਟਰਾਫੀ 'ਚ ਇੰਡੀਆ ਡੀ

Shreyas Iyer Indian Tes Team

Source : Google

Shreyas Iyer Indian Tes Team: ਸ਼੍ਰੇਅਸ ਅਈਅਰ ਨੂੰ ਬੰਗਲਾਦੇਸ਼ ਦੇ ਖਿਲਾਫ ਚੇਨਈ 'ਚ  ਹੋਣ ਵਾਲੀ ਸੀਰੀਜ਼ ਦੇ ਪਹਿਲੇ ਟੈਸਟ ਲਈ ਟੀਮ ਇੰਡੀਆ 'ਚ ਨਹੀਂ ਚੁਣਿਆ ਗਿਆ। ਇਨ੍ਹੀਂ ਦਿਨੀਂ ਅਈਅਰ ਦਲੀਪ ਟਰਾਫੀ 'ਚ ਇੰਡੀਆ ਡੀ ਦੀ ਕਮਾਨ ਸੰਭਾਲ ਰਹੇ ਹਨ। ਦਲੀਪ ਟਰਾਫੀ 'ਚ ਅਈਅਰ ਦਾ ਬੱਲਾ ਖਾਸ ਕਮਾਲ ਨਹੀਂ ਦਿਖਾ ਸਕਿਆ। ਇਸ ਦੌਰਾਨ ਬੀਸੀਸੀਆਈ ਦਾ ਇੱਕ ਨਵਾਂ ਆਦੇਸ਼ ਸਾਹਮਣੇ ਆਇਆ, ਜਿਸ ਵਿੱਚ ਕਿਹਾ ਗਿਆ ਕਿ ਫਿਲਹਾਲ ਭਾਰਤੀ ਟੈਸਟ ਟੀਮ ਵਿੱਚ ਅਈਅਰ ਲਈ ਕੋਈ ਥਾਂ ਨਹੀਂ ਹੈ।

ਬੀਸੀਸੀਆਈ ਦੇ ਇੱਕ ਅਧਿਕਾਰੀ ਨੇ ਸ਼੍ਰੇਅਸ ਅਈਅਰ ਬਾਰੇ ਟੈਲੀਗ੍ਰਾਫ ਨਾਲ ਗੱਲਬਾਤ ਕਰਦਿਆਂ ਕਿਹਾ, "ਇਸ ਸਮੇਂ ਟੈਸਟ ਟੀਮ ਵਿੱਚ ਸ਼੍ਰੇਅਸ ਲਈ ਕੋਈ ਥਾਂ ਨਹੀਂ ਹੈ। ਉਹ ਕਿਸ ਦੀ ਥਾਂ ਲਵੇਗਾ? ਇਸ ਤੋਂ ਇਲਾਵਾ ਦਲੀਪ ਟਰਾਫੀ ਵਿੱਚ ਉਸ ਦੀ ਸ਼ਾਟ ਦੀ ਚੋਣ ਚਿੰਤਾ ਦਾ ਵਿਸ਼ਾ ਰਹੀ ਹੈ। ਉਹ ਸੈੱਟ ਸੀ ਅਤੇ ਫਿਰ ਅਚਾਨਕ ਉਸ ਨੇ ਇਹ ਸ਼ਾਟ ਖੇਡਿਆ। ਜਦੋਂ ਤੁਸੀਂ ਸੈੱਟ ਹੁੰਦੇ ਹੋ ਅਤੇ ਫਲੈਟ ਟਰੈਕ 'ਤੇ ਬੱਲੇਬਾਜ਼ੀ ਕਰਦੇ ਹੋ, ਤਾਂ ਤੁਹਾਨੂੰ ਉਸ ਮੌਕੇ ਦਾ ਸਰਵੋਤਮ ਫਾਇਦਾ ਉਠਾਉਣ ਦੀ ਲੋੜ ਹੁੰਦੀ ਹੈ।"

ਇਸ ਤੋਂ ਪਹਿਲਾਂ ਟੈਸਟ ਟੀਮ ਦਾ ਰਹੇ ਹਿੱਸਾ 

ਦੱਸ ਦੇਈਏ ਕਿ ਟੀਮ ਇੰਡੀਆ ਨੇ ਇਸ ਤੋਂ ਪਹਿਲਾਂ ਇੰਗਲੈਂਡ ਖਿਲਾਫ 5 ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਸੀ। ਅਈਅਰ ਨੂੰ ਸੀਰੀਜ਼ ਦੇ ਪਹਿਲੇ ਦੋ ਟੈਸਟ ਮੈਚਾਂ 'ਚ ਖੇਡਦੇ ਦੇਖਿਆ ਗਿਆ ਸੀ। ਹਾਲਾਂਕਿ ਦੋਵਾਂ ਮੈਚਾਂ 'ਚ ਅਈਅਰ ਕੋਈ ਖਾਸ ਪਾਰੀ ਨਹੀਂ ਖੇਡ ਸਕੇ। ਇੰਗਲੈਂਡ ਖਿਲਾਫ ਟੈਸਟ ਸੀਰੀਜ਼ ਖੇਡਣ ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਦੱਖਣੀ ਅਫਰੀਕਾ ਦੌਰੇ 'ਤੇ 2 ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਸੀ। ਅਈਅਰ ਨੂੰ ਅਫਰੀਕਾ ਖਿਲਾਫ ਟੈਸਟ 'ਚ ਵੀ ਖੇਡਦੇ ਦੇਖਿਆ ਗਿਆ ਸੀ।

ਹੁਣ ਤੱਕ ਅਜਿਹਾ ਹੀ ਰਿਹਾ ਸ਼੍ਰੇਅਸ ਅਈਅਰ ਦਾ ਟੈਸਟ ਕਰੀਅਰ 

ਜ਼ਿਕਰਯੋਗ ਹੈ ਕਿ ਸ਼੍ਰੇਅਸ ਅਈਅਰ ਨੇ ਆਪਣੇ ਕਰੀਅਰ 'ਚ ਹੁਣ ਤੱਕ 14 ਟੈਸਟ ਮੈਚ ਖੇਡੇ ਹਨ। ਇਨ੍ਹਾਂ ਮੈਚਾਂ ਦੀਆਂ 24 ਪਾਰੀਆਂ 'ਚ ਬੱਲੇਬਾਜ਼ੀ ਕਰਦੇ ਹੋਏ ਉਸ ਨੇ 36.86 ਦੀ ਔਸਤ ਨਾਲ 811 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਅਈਅਰ ਨੇ 1 ਸੈਂਕੜਾ ਅਤੇ 5 ਅਰਧ ਸੈਂਕੜੇ ਲਗਾਏ ਹਨ। ਉਸਨੇ 2021 ਵਿੱਚ ਭਾਰਤ ਲਈ ਆਪਣਾ ਟੈਸਟ ਡੈਬਿਊ ਕੀਤਾ ਸੀ।