IPL 2024: ਧੋਨੀ ਨੂੰ ਦੇਖਣ ਲਈ ਫੈਨ ਨੇ ਖਰਚੇ 64 ਹਜ਼ਾਰ, ਪਰ ਬੇਟੀ ਦੀ ਨਹੀਂ ਭਰੀ ਸਕੂਲ ਫੀਸ
IPL 2024: ਮਹਿੰਦਰ ਸਿੰਘ ਧੋਨੀ ਅਤੇ CSK ਦੇ ਪ੍ਰਸ਼ੰਸਕਾਂ ਨੂੰ ਅਕਸਰ ਅਜੀਬ ਹਰਕਤਾਂ ਕਰਦੇ ਦੇਖਿਆ ਗਿਆ ਹੈ। ਪਰ ਹੁਣ ਇੱਕ ਪ੍ਰਸ਼ੰਸਕ ਨੇ ਅਜਿਹਾ ਕਾਰਨਾਮਾ ਕਰ ਦਿੱਤਾ ਹੈ, ਜਿਸ ਨੂੰ ਸੁਣ ਕੇ ਸ਼ਾਇਦ ਤੁਹਾਡੇ ਹੋਸ਼
IPL 2024: ਮਹਿੰਦਰ ਸਿੰਘ ਧੋਨੀ ਅਤੇ CSK ਦੇ ਪ੍ਰਸ਼ੰਸਕਾਂ ਨੂੰ ਅਕਸਰ ਅਜੀਬ ਹਰਕਤਾਂ ਕਰਦੇ ਦੇਖਿਆ ਗਿਆ ਹੈ। ਪਰ ਹੁਣ ਇੱਕ ਪ੍ਰਸ਼ੰਸਕ ਨੇ ਅਜਿਹਾ ਕਾਰਨਾਮਾ ਕਰ ਦਿੱਤਾ ਹੈ, ਜਿਸ ਨੂੰ ਸੁਣ ਕੇ ਸ਼ਾਇਦ ਤੁਹਾਡੇ ਹੋਸ਼ ਉੱਡ ਜਾਣਗੇ। ਸਪੋਰਟਸਵਾਕ ਚੇਨਈ ਨਾਂ ਦੇ ਚੈਨਲ 'ਤੇ ਇੱਕ ਪ੍ਰਸ਼ੰਸਕ ਨੇ ਆਪਣੀ ਮਾਂ-ਬੋਲੀ 'ਚ ਦੱਸਿਆ ਕਿ ਉਸ ਨੇ ਸੀਐੱਸਕੇ ਦਾ ਮੈਚ ਦੇਖਣ ਲਈ 64 ਹਜ਼ਾਰ ਰੁਪਏ ਖਰਚ ਕੀਤੇ ਸਨ। ਅਜਿਹਾ ਨਹੀਂ ਹੈ ਕਿ ਗਰਾਊਂਡ ਵਿੱਚ ਇੱਕ ਟਿਕਟ ਦੀ ਕੀਮਤ 64 ਹਜ਼ਾਰ ਰੁਪਏ ਸੀ। ਪ੍ਰਸ਼ੰਸਕ ਨੇ ਦੱਸਿਆ ਕਿ ਉਸ ਨੂੰ ਟਿਕਟ ਨਹੀਂ ਮਿਲ ਸਕੀ, ਇਸ ਲਈ ਉਸ ਨੇ ਬਲੈਕ ਮਾਰਕੀਟ ਦਾ ਸਹਾਰਾ ਲਿਆ ਅਤੇ ਸਿਰਫ ਇਕ ਟਿਕਟ ਲਈ ਇੰਨੀ ਵੱਡੀ ਰਕਮ ਅਦਾ ਕੀਤੀ।
ਇਸ ਪ੍ਰਸ਼ੰਸਕ ਨੇ ਦੱਸਿਆ, "ਮੈਨੂੰ ਟਿਕਟ ਨਹੀਂ ਮਿਲ ਰਹੀ ਸਕੀ ਸੀ, ਇਸ ਲਈ ਮੈਂ ਬਲੈਕ ਮਾਰਕੀਟ ਦਾ ਸਹਾਰਾ ਲਿਆ। ਮੈਨੂੰ ਇਸ ਦੇ ਲਈ 64 ਹਜ਼ਾਰ ਰੁਪਏ ਦੇਣੇ ਪਏ ਅਤੇ ਹੁਣ ਮੇਰੀ ਬੇਟੀ ਦੀ ਫੀਸ ਅਦਾ ਕਰਨੀ ਬਾਕੀ ਹੈ, ਪਰ ਐਮਐਸ ਧੋਨੀ ਨੂੰ ਘੱਟੋ ਘੱਟ ਇੱਕ ਵਾਰ ਵੇਖਣਾ ਚਾਹੁੰਦੇ ਸੀ" ਇਹ ਫੈਨ ਅਤੇ ਉਸ ਦੀਆਂ ਤਿੰਨ ਬੇਟੀਆਂ ਮੈਦਾਨ 'ਤੇ ਖੇਡਦੇ ਹੋਏ ਧੋਨੀ ਦੀ ਇਕ ਝਲਕ ਪਾਉਣਾ ਚਾਹੁੰਦੇ ਸਨ, ਜੋ ਉਨ੍ਹਾਂ ਨੂੰ ਮਿਲ ਵੀ ਗਈ। ਪਰ ਉਸ ਵੱਲੋਂ ਆਪਣੀ ਬੇਟੀ ਦੀ ਸਕੂਲ ਫੀਸ ਨਾ ਭਰਨ ਦੇ ਖੁਲਾਸੇ ਨੇ ਸੋਸ਼ਲ ਮੀਡੀਆ 'ਤੇ ਚਰਚਾ ਸ਼ੁਰੂ ਕਰ ਦਿੱਤੀ ਹੈ। ਕਈ ਲੋਕਾਂ ਨੇ ਉਸ ਨੂੰ ਆਪਣੀਆਂ ਧੀਆਂ ਦੀ ਫੀਸ ਨਾ ਦੇਣ ਅਤੇ ਇਸ ਦੀ ਬਜਾਏ ਮੈਚ ਦੇਖਣ ਆਉਣ ਦੇ ਫੈਸਲੇ ਨੂੰ ਗਲਤ ਕਰਾਰ ਦਿੱਤਾ ਹੈ।
I don't have money to pay the School Fees of my children, but spent Rs 64,000 to get black tickets to watch Dhoni, says this father. I am at a loss for words to describe this stupidity. pic.twitter.com/korSgfxcUy
— Dr Jaison Philip. M.S., MCh (@Jasonphilip8) April 11, 2024
ਦੂਜੇ ਪਾਸੇ ਉਸ ਸ਼ਖਸ ਦੀ ਧੀ ਨੇ ਕਿਹਾ, "ਮੇਰੇ ਪਿਤਾ ਨੇ ਇਹ ਟਿਕਟਾਂ ਖਰੀਦਣ ਲਈ ਬਹੁਤ ਮਿਹਨਤ ਕੀਤੀ ਹੈ। ਜਦੋਂ ਐਮਐਸ ਧੋਨੀ ਖੇਡਣ ਆਏ ਤਾਂ ਅਸੀਂ ਬਹੁਤ ਖੁਸ਼ ਹੋਏ।" ਪਿਤਾ ਅਤੇ 3 ਧੀਆਂ ਦੀ ਇਹ ਜੋੜੀ ਸੀਐਸਕੇ ਦੀਆਂ ਟੀ-ਸ਼ਰਟਾਂ ਪਾ ਕੇ ਆਈ ਅਤੇ ਸੀਐਸਕੇ ਦੇ ਸਮਰਥਨ ਵਿੱਚ ਸੀਟੀ ਵੀ ਵਜਾਈ। ਧੋਨੀ ਦੇ ਕ੍ਰੇਜ਼ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਜਦੋਂ ਵੀ ਉਹ ਆਈਪੀਐਲ 2024 'ਚ ਹੁਣ ਤੱਕ ਬੱਲੇਬਾਜ਼ੀ ਕਰਨ ਆਇਆ ਹੈ ਤਾਂ ਪੂਰਾ ਸਟੇਡੀਅਮ ਦਰਸ਼ਕਾਂ ਦੀਆਂ ਚੀਕਾਂ ਦੀ ਆਵਾਜ਼ ਨਾਲ ਗੂੰਜ ਉੱਠਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
