IND vs NZ: ਬੈਂਗਲੁਰੂ ਟੈਸਟ 'ਚ ਰੋਹਿਤ ਸ਼ਰਮਾ ਨੇ ਭਾਰਤ ਦੀ ਹਾਰ ਦੇ ਦੱਸੇ ਕਾਰਨ, ਕਿਹਾ- ਅਜੇ ਵੀ ਇੱਕ ਗ਼ਲਤੀ 'ਤੇ ਪਛਤਾਵਾ
Rohit Sharma: ਬੈਂਗਲੁਰੂ ਵਿੱਚ ਨਿਊਜ਼ੀਲੈਂਡ ਖ਼ਿਲਾਫ਼ ਟੀਮ ਇੰਡੀਆ ਦੀ ਹਾਰ ਤੋਂ ਬਾਅਦ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੈਚ ਕਿਉਂ ਹਾਰਨਾ ਪਿਆ।
Rohit Sharma Reaction On Indian Team lost In Bengaluru Test: ਨਿਊਜ਼ੀਲੈਂਡ ਨੇ ਬੇਂਗਲੁਰੂ ਟੈਸਟ 'ਚ ਟੀਮ ਇੰਡੀਆ ਨੂੰ ਹਰਾ ਕੇ 36 ਸਾਲ ਪੁਰਾਣਾ ਇਤਿਹਾਸ ਦੁਹਰਾਇਆ। ਐਤਵਾਰ, 20 ਅਕਤੂਬਰ (2024) ਨੂੰ ਟੀਮ ਇੰਡੀਆ ਨੂੰ ਨਿਊਜ਼ੀਲੈਂਡ ਖਿਲਾਫ ਟੈਸਟ 'ਚ 8 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਤੋਂ ਪਹਿਲਾਂ ਟੀਮ ਇੰਡੀਆ ਨੂੰ 36 ਸਾਲ ਪਹਿਲਾਂ ਯਾਨੀ 1988 'ਚ ਘਰੇਲੂ ਧਰਤੀ 'ਤੇ ਟੈਸਟ 'ਚ ਨਿਊਜ਼ੀਲੈਂਡ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। 1988 'ਚ ਟੀਮ ਇੰਡੀਆ ਦੇ ਮੌਜੂਦਾ ਕਪਤਾਨ ਰੋਹਿਤ ਸ਼ਰਮਾ ਸਿਰਫ ਇੱਕ ਸਾਲ ਦੇ ਸਨ। ਕਪਤਾਨ ਰੋਹਿਤ ਸ਼ਰਮਾ ਨੇ 36 ਸਾਲ ਬਾਅਦ ਟੀਮ ਇੰਡੀਆ ਦੀ ਹਾਰ ਦੇ ਕਾਰਨ ਦੱਸੇ।
🗣️ This team is wanting to fight back, wanting to stay in the game as long as possible, and not give it easy to the opposition
— BCCI (@BCCI) October 20, 2024
Captain Rohit Sharma talks about #TeamIndia's strong fightback in the Bengaluru Test.#INDvNZ | @IDFCFIRSTBank | @ImRo45 pic.twitter.com/VJGCkwid3V
ਮੈਚ 'ਚ ਟੀਮ ਇੰਡੀਆ ਨੇ ਟਾਸ ਹਾਸਲ ਕਰਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ, ਜੋ ਉਸ ਲਈ ਸਭ ਤੋਂ ਵੱਡੀ ਗ਼ਲਤੀ ਸਾਬਤ ਹੋਈ। ਪਹਿਲੀ ਪਾਰੀ 'ਚ ਭਾਰਤੀ ਟੀਮ ਸਿਰਫ 46 ਦੌੜਾਂ 'ਤੇ ਆਲ ਆਊਟ ਹੋ ਗਈ ਸੀ। ਪਹਿਲੀ ਪਾਰੀ 'ਚ ਜਲਦੀ ਆਲ ਆਊਟ ਹੋਣ ਦੀ ਗ਼ਲਤੀ 'ਤੇ ਰੋਹਿਤ ਸ਼ਰਮਾ ਨੇ ਕਿਹਾ, "ਅਸੀਂ ਪਹਿਲੀ ਪਾਰੀ 'ਚ ਚੰਗੀ ਬੱਲੇਬਾਜ਼ੀ ਨਹੀਂ ਕੀਤੀ। ਇਸ ਲਈ ਸਾਨੂੰ ਪਤਾ ਸੀ ਕਿ ਅੱਗੇ ਕੀ ਹੈ। ਜਦੋਂ ਤੁਸੀਂ 350 ਦੌੜਾਂ ਤੋਂ ਪਿੱਛੇ ਹੋ, ਤਾਂ ਤੁਸੀਂ ਇਸ ਬਾਰੇ ਜ਼ਿਆਦਾ ਸੋਚ ਨਹੀਂ ਸਕਦੇ।
ਰੋਹਿਤ ਸ਼ਰਮਾ ਮੈਚ ਦੀ ਸ਼ੁਰੂਆਤ 'ਚ ਮੀਂਹ ਕਾਰਨ ਬਣੀ ਬੱਦਲਵਾਈ ਵਾਲੀ ਸਥਿਤੀ ਨੂੰ ਠੀਕ ਤਰ੍ਹਾਂ ਨਾਲ ਨਹੀਂ ਪੜ੍ਹ ਸਕੇ। ਬੱਦਲਵਾਈ ਵਾਲੀ ਸਥਿਤੀ ਬਾਰੇ ਭਾਰਤੀ ਕਪਤਾਨ ਨੇ ਕਿਹਾ, ''ਮੈਂ ਦੂਜੇ ਦਿਨ ਤੋਂ ਬਾਅਦ ਆਪਣੀ ਪ੍ਰੈੱਸ ਕਾਨਫਰੰਸ 'ਚ ਕਿਹਾ ਸੀ ਕਿ ਸ਼ੁਰੂਆਤ 'ਚ ਹਾਲਾਤ ਮੁਸ਼ਕਲ ਹੋਣਗੇ ਤੇ ਬੱਦਲ ਛਾਏ ਰਹਿਣਗੇ ਪਰ ਸਾਨੂੰ ਉਮੀਦ ਨਹੀਂ ਸੀ ਕਿ 50 ਤੋਂ ਘੱਟ ਸਕੋਰ 'ਤੇ ਆਲ ਆਊਟ ਹੋ ਜਾਵਾਂਗੇ।
ਨਿਊਜ਼ੀਲੈਂਡ ਦੀ ਸ਼ਾਨਦਾਰ ਗੇਂਦਬਾਜ਼ੀ
ਹਾਰ ਦਾ ਕਾਰਨ ਦੱਸਦੇ ਹੋਏ ਰੋਹਿਤ ਸ਼ਰਮਾ ਨੇ ਨਿਊਜ਼ੀਲੈਂਡ ਦੇ ਗੇਂਦਬਾਜ਼ਾਂ ਦੀ ਤਾਰੀਫ ਕੀਤੀ। ਭਾਰਤੀ ਕਪਤਾਨ ਨੇ ਕਿਹਾ, "ਨਿਊਜ਼ੀਲੈਂਡ ਨੇ ਬਹੁਤ ਚੰਗੀ ਗੇਂਦਬਾਜ਼ੀ ਕੀਤੀ ਤੇ ਸਾਡੇ ਬੱਲੇ ਦੇ ਹਰ ਕੋਨੇ ਨੂੰ ਚੁਣੌਤੀ ਦਿੱਤੀ ਤੇ ਅਸੀਂ ਇਸਦਾ ਜਵਾਬ ਦੇਣ ਵਿੱਚ ਅਸਫਲ ਰਹੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
