T20 World Cup 2024: ਵਿਸ਼ਵ ਕੱਪ ਲਈ ਫਾਈਨਲ ਹੋਈ ਟੀਮ ਇੰਡੀਆ? ਰੋਹਿਤ ਸ਼ਰਮਾ ਬੋਲੇ- 'ਧਿਆਨ 'ਚ 8-10 ਖਿਡਾਰੀ...'
Indian Cricket Team For T20 World Cup 2024: ਟੀ-20 ਵਿਸ਼ਵ ਕੱਪ 2024 ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਅਫਗਾਨਿਸਤਾਨ ਦੇ ਖਿਲਾਫ ਆਖਰੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਖੇਡਣੀ ਸੀ, ਜੋ ਪੂਰੀ ਹੋ ਗਈ ਹੈ। ਹੁਣ ਭਾਰਤੀ ਖਿਡਾਰੀਆਂ
Indian Cricket Team For T20 World Cup 2024: ਟੀ-20 ਵਿਸ਼ਵ ਕੱਪ 2024 ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਅਫਗਾਨਿਸਤਾਨ ਦੇ ਖਿਲਾਫ ਆਖਰੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਖੇਡਣੀ ਸੀ, ਜੋ ਪੂਰੀ ਹੋ ਗਈ ਹੈ। ਹੁਣ ਭਾਰਤੀ ਖਿਡਾਰੀਆਂ ਕੋਲ ਵਿਸ਼ਵ ਕੱਪ ਦੀ ਤਿਆਰੀ ਲਈ ਸਿਰਫ਼ IPL 2024 ਬਚਿਆ ਹੈ। ਅਜਿਹੇ 'ਚ ਕੀ ਟੀਮ ਪ੍ਰਬੰਧਨ ਨੇ ਵਿਸ਼ਵ ਕੱਪ ਲਈ ਖਿਡਾਰੀਆਂ ਦੀ ਚੋਣ ਕਰ ਲਈ ਹੈ? ਜਾਂ ਫਿਰ ਵਿਸ਼ਵ ਨੂੰ ਲੈ ਕੇ ਭਾਰਤੀ ਟੀਮ ਦੀ ਸਥਿਤੀ ਕੀ ਹੈ, ਇਸ 'ਤੇ ਕਪਤਾਨ ਰੋਹਿਤ ਸ਼ਰਮਾ ਨੇ ਜਵਾਬ ਦਿੱਤਾ ਹੈ।
ਭਾਰਤੀ ਕਪਤਾਨ ਨੇ 'ਜੀਆ ਸਿਨੇਮਾ' 'ਤੇ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਵਿਸ਼ਵ ਕੱਪ ਲਈ ਪੂਰੀ ਟੀਮ ਨਹੀਂ ਹੈ, ਪਰ 8-10 ਖਿਡਾਰੀ ਧਿਆਨ 'ਚ ਹਨ। ਰੋਹਿਤ ਨੇ ਕਿਹਾ, "ਅਸੀਂ 15 ਮੈਂਬਰੀ ਟੀਮ ਨੂੰ ਫਾਈਨਲ ਨਹੀਂ ਕੀਤਾ ਹੈ, ਪਰ ਸਾਡੇ ਕੋਲ 8-10 ਖਿਡਾਰੀ ਹਨ। ਇਸ ਲਈ ਅਸੀਂ ਕੰਨਡੀਸ਼ਨ ਦੇ ਹਿਸਾਬ ਨਾਲ ਆਪਣਾ ਜੋੜ ਬਣਾਵਾਂਗੇ। ਵੈਸਟਇੰਡੀਜ਼ ਵਿੱਚ ਕੰਨਡੀਸ਼ਨ ਸਲੋਅ ਹੈ, ਇਸ ਲਈ ਅਸੀਂ ਉਸ ਮੁਤਾਬਕ ਚੋਣ ਕਰਾਂਗੇ।"
ਅਫਗਾਨਿਸਤਾਨ ਖਿਲਾਫ ਰੋਹਿਤ ਸ਼ਰਮਾ ਦਾ ਸੈਂਕੜਾ
ਭਾਰਤੀ ਟੀਮ ਨੇ ਅਫਗਾਨਿਸਤਾਨ ਖਿਲਾਫ ਟੀ-20 ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਮੈਚ ਬੈਂਗਲੁਰੂ ਦੇ ਐੱਮ ਚਿੰਨਾਸਵਾਮੀ ਸਟੇਡੀਅਮ 'ਚ ਖੇਡਿਆ, ਜਿੱਥੇ ਕਪਤਾਨ ਰੋਹਿਤ ਸ਼ਰਮਾ ਦਾ ਬੱਲਾ ਖੂਬ ਚੱਲਿਆ। ਮੈਚ ਵਿੱਚ ਰੋਹਿਤ ਨੇ 69 ਗੇਂਦਾਂ ਵਿੱਚ 11 ਚੌਕਿਆਂ ਅਤੇ 8 ਛੱਕਿਆਂ ਦੀ ਮਦਦ ਨਾਲ 121* ਦੌੜਾਂ ਬਣਾਈਆਂ। ਰੋਹਿਤ ਦੇ ਬੱਲੇ ਤੋਂ ਇਹ ਸੈਂਕੜਾ ਪਾਰੀ ਉਸ ਸਮੇਂ ਆਇਆ ਜਦੋਂ ਟੀਮ ਇੰਡੀਆ ਦੀ ਹਾਲਤ ਕਾਫੀ ਖਰਾਬ ਸੀ। ਟੀ-20 ਇੰਟਰਨੈਸ਼ਨਲ 'ਚ ਹਿਟਮੈਨ ਦਾ ਇਹ 5ਵਾਂ ਸੈਂਕੜਾ ਸੀ। ਰੋਹਿਤ ਸ਼ਰਮਾ ਟੀ-20 ਇੰਟਰਨੈਸ਼ਨਲ 'ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਵਾਲੇ ਖਿਡਾਰੀ ਬਣ ਗਏ ਹਨ।
ਭਾਰਤ ਨੇ ਦੋ ਸੁਪਰ ਓਵਰਾਂ ਤੋਂ ਬਾਅਦ ਮੈਚ ਜਿੱਤ ਲਿਆ
ਦੱਸ ਦੇਈਏ ਕਿ ਭਾਰਤ ਅਤੇ ਅਫਗਾਨਿਸਤਾਨ ਵਿਚਾਲੇ ਖੇਡਿਆ ਗਿਆ ਮੈਚ ਇੱਕ ਨਹੀਂ ਸਗੋਂ ਦੋ ਸੁਪਰ ਓਵਰਾਂ ਤੋਂ ਬਾਅਦ ਖਤਮ ਹੋਇਆ। ਪਹਿਲਾਂ ਦੋਵਾਂ ਟੀਮਾਂ ਨੇ 212-212 ਦੌੜਾਂ ਬਣਾਈਆਂ ਅਤੇ ਮੈਚ ਬਰਾਬਰੀ 'ਤੇ ਰਿਹਾ, ਜਿਸ ਤੋਂ ਬਾਅਦ ਪਹਿਲਾ ਸੁਪਰ ਓਵਰ ਖੇਡਿਆ ਗਿਆ। ਪਹਿਲਾ ਸੁਪਰ ਓਵਰ ਵੀ ਬਰਾਬਰੀ 'ਤੇ ਖਤਮ ਹੋਇਆ, ਜਿਸ 'ਚ ਦੋਵੇਂ ਟੀਮਾਂ ਨੇ 16-16 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਦੂਜੇ ਸੁਪਰ ਓਵਰ 'ਚ ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 11 ਦੌੜਾਂ ਬਣਾਈਆਂ ਅਤੇ ਅਫਗਾਨਿਸਤਾਨ ਨੂੰ ਸਿਰਫ 1 ਦੌੜਾਂ 'ਤੇ ਆਲ ਆਊਟ ਕਰਕੇ ਮੈਚ ਜਿੱਤ ਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
