T20 World Cup 2024: T20 ਵਿਸ਼ਵ ਕੱਪ ਤੋਂ ਪਹਿਲਾਂ ਭਾਰਤੀ ਖਿਡਾਰੀ ਸੁਸਤ, IPL ਨੇ ਕੀਤੇ ਆਸਟ੍ਰੇਲੀਅਨ ਖਿਡਾਰੀ ਕੀਤੇ ਚੁਸਤ !
IPL 2024: IPL 2024 'ਚ ਖੇਡਣ ਵਾਲੇ ਭਾਰਤੀ ਖਿਡਾਰੀ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਫਲਾਪ ਹੁੰਦੇ ਨਜ਼ਰ ਆ ਰਹੇ ਹਨ। ਦੂਜੇ ਪਾਸੇ ਟੀ-20 ਵਿਸ਼ਵ ਕੱਪ ਨੇੜੇ ਆਉਂਦਾ ਦੇਖ ਆਸਟ੍ਰੇਲੀਆਈ ਖਿਡਾਰੀ ਫਾਰਮ 'ਚ ਵਾਪਸੀ ਕਰ ਰਹੇ ਹਨ।
Indian Ans Australian Players In IPL 2024: ਕਈ ਟੀਮਾਂ ਨੇ T20 ਵਿਸ਼ਵ ਕੱਪ 2024 ਲਈ ਆਪਣੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦਾ ਵੀ ਐਲਾਨ ਕਰ ਦਿੱਤਾ ਗਿਆ ਹੈ ਪਰ ਜਿਵੇਂ ਹੀ ਟੀਮ ਦਾ ਐਲਾਨ ਹੋਇਆ, ਭਾਰਤੀ ਖਿਡਾਰੀ ਫਲਾਪ ਹੁੰਦੇ ਨਜ਼ਰ ਆ ਰਹੇ ਹਨ।
ਦੂਜੇ ਪਾਸੇ ਵਿਸ਼ਵ ਕੱਪ ਨੇੜੇ ਆਉਂਦੇ ਦੇਖ ਆਸਟ੍ਰੇਲੀਆਈ ਖਿਡਾਰੀ ਫਾਰਮ 'ਚ ਵਾਪਸੀ ਕਰ ਰਹੇ ਹਨ। ਵਿਸ਼ਵ ਕੱਪ ਤੋਂ ਪਹਿਲਾਂ ਭਾਰਤੀ ਖਿਡਾਰੀਆਂ ਦਾ ਫਲਾਪ ਹੋਣਾ ਵੱਡੀ ਸਮੱਸਿਆ ਸਾਬਤ ਹੋ ਸਕਦਾ ਹੈ।
ਆਸਟ੍ਰੇਲੀਆਈ ਖਿਡਾਰੀਆਂ ਦੀ ਫਾਰਮ 'ਚ ਵਾਪਸੀ ਨਾ ਸਿਰਫ ਭਾਰਤ ਲਈ ਸਗੋਂ ਟੀ-20 ਵਿਸ਼ਵ ਕੱਪ ਖੇਡਣ ਵਾਲੀਆਂ ਟੀਮਾਂ ਲਈ ਵੀ ਵੱਡੀ ਖ਼ਤਰੇ ਦੀ ਘੰਟੀ ਸਾਬਤ ਹੋ ਸਕਦੀ ਹੈ। ਆਸਟ੍ਰੇਲੀਆ ਨੇ ਭਾਰਤ ਵਿੱਚ ਖੇਡੇ ਗਏ ਇੱਕ ਰੋਜ਼ਾ ਵਿਸ਼ਵ ਕੱਪ 2023 ਦਾ ਖਿਤਾਬ ਜਿੱਤਿਆ ਸੀ। ਹੁਣ ਅਜਿਹੀ ਸਥਿਤੀ 'ਚ ਕੰਗਾਰੂ ਟੀਮ ਟੀ-20 ਵਿਸ਼ਵ ਕੱਪ ਲਈ ਮਜ਼ਬੂਤ ਦਾਅਵੇਦਾਰਾਂ 'ਚੋਂ ਇੱਕ ਹੋ ਸਕਦੀ ਹੈ।
ਭਾਰਤੀ ਨਾਕਾਮ, ਕੰਗਾਰੂ ਖਿਡਾਰੀ ਫਾਰਮ 'ਚ ਪਰਤੇ
ਭਾਰਤੀ ਖਿਡਾਰੀ: ਟੀ-20 ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦੇ ਐਲਾਨ ਤੋਂ ਬਾਅਦ ਆਈਪੀਐਲ ਵਿੱਚ ਟੀਮ ਵਿੱਚ ਚੁਣੇ ਗਏ ਖਿਡਾਰੀਆਂ ਦਾ ਫਲਾਪ ਸ਼ੋਅ ਸ਼ੁਰੂ ਹੋ ਗਿਆ ਹੈ। ਸਭ ਤੋਂ ਪਹਿਲਾਂ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਫਲਾਪ ਨਜ਼ਰ ਆਏ। ਹਾਲਾਂਕਿ ਰੋਹਿਤ ਪਹਿਲਾਂ ਵੀ ਆਈਪੀਐਲ ਵਿੱਚ ਫਲਾਪ ਨਜ਼ਰ ਆ ਰਹੇ ਸਨ। ਵਿਸ਼ਵ ਕੱਪ ਲਈ ਟੀਮ ਚੁਣੇ ਜਾਣ ਤੋਂ ਬਾਅਦ ਕੇਕੇਆਰ ਖ਼ਿਲਾਫ਼ ਖੇਡੇ ਗਏ ਮੈਚ ਵਿੱਚ ਸਿਰਫ਼ ਰੋਹਿਤ ਸ਼ਰਮਾ ਹੀ 11 ਦੌੜਾਂ ਬਣੇ ਸਕੇ। ਇਸ ਤੋਂ ਪਹਿਲਾਂ ਲਖਨਊ ਦੇ ਖ਼ਿਲਾਫ਼ ਮੈਚ 'ਚ ਭਾਰਤੀ ਕਪਤਾਨ ਨੇ ਸਿਰਫ 4 ਦੌੜਾਂ ਬਣਾਈਆਂ ਸਨ। ਇਸ ਤੋਂ ਇਲਾਵਾ ਟੀ-20 ਵਿਸ਼ਵ ਕੱਪ ਦੇ ਐਲਾਨ ਤੋਂ ਬਾਅਦ ਸੰਜੂ ਸੈਮਸਨ, ਹਾਰਦਿਕ ਪੰਡਯਾ ਅਤੇ ਸ਼ਿਵਮ ਦੂਬੇ ਜ਼ੀਰੋ 'ਤੇ ਆਊਟ ਹੋ ਗਏ ਸਨ। ਜਦਕਿ ਸੂਰਿਆਕੁਮਾਰ ਯਾਦਵ ਨੇ ਲਖਨਊ ਦੇ ਖਿਲਾਫ ਸਿਰਫ 10 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਤੋਂ ਇਲਾਵਾ ਹਰਫਨਮੌਲਾ ਰਵਿੰਦਰ ਜਡੇਜਾ ਵੀ ਫਲਾਪ ਰਿਹਾ, ਜੋ ਪੰਜਾਬ ਖਿਲਾਫ ਸਿਰਫ 2 ਦੌੜਾਂ ਬਣਾ ਕੇ ਆਊਟ ਹੋ ਗਿਆ ਅਤੇ ਗੇਂਦਬਾਜ਼ੀ 'ਚ ਕੋਈ ਵਿਕਟ ਨਹੀਂ ਲੈ ਸਕਿਆ।
ਆਸਟ੍ਰੇਲੀਆਈ ਖਿਡਾਰੀ: ਵਿਸ਼ਵ ਕੱਪ ਲਈ ਟੀਮ ਦੀ ਘੋਸ਼ਣਾ ਤੋਂ ਬਾਅਦ, ਮਿਸ਼ੇਲ ਸਟਾਰਕ ਸਭ ਤੋਂ ਪਹਿਲਾਂ ਫਾਰਮ ਵਿੱਚ ਨਜ਼ਰ ਆਏ। ਹੁਣ ਤੱਕ ਪੂਰੇ ਸੀਜ਼ਨ ਵਿੱਚ ਫਲਾਪ ਸਾਬਤ ਹੋਏ ਕੇਕੇਆਰ ਦੇ ਮਿਸ਼ੇਲ ਸਟਾਰਕ ਨੇ ਮੁੰਬਈ ਖ਼ਿਲਾਫ਼ ਮੈਚ ਵਿੱਚ ਸਿਰਫ਼ 33 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ ਸਨ।
ਇਸ ਤੋਂ ਇਲਾਵਾ ਲਖਨਊ ਲਈ ਖੇਡ ਰਹੇ ਮਾਰਕਸ ਸਟੋਇਨਿਸ ਨੇ ਮੁੰਬਈ ਖਿਲਾਫ 62 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਇਸੇ ਸੀਜ਼ਨ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਕਪਤਾਨੀ ਕਰ ਰਹੇ ਪੈਟ ਕਮਿੰਸ ਨੇ ਰਾਜਸਥਾਨ ਰਾਇਲਜ਼ ਖ਼ਿਲਾਫ਼ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਅਤੇ 34 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
