IPL 2021 Player Retention List: ਆਈਪੀਐਲ 2021 ਤੋਂ ਵੱਡੀ ਖ਼ਬਰ, ਸੀਐਸਕੇ ਨੇ ਰੈਨਾ ਨੂੰ ਕੀਤਾ ਰਿਟੇਨ, ਧੋਨੀ ਅਗਲੇ ਸੀਜ਼ਨ 'ਚ ਕਰਨਗੇ ਟੀਮ ਦੀ ਅਗਵਾਈ

ਚੇਨਈ ਸੁਪਰ ਕਿੰਗਜ਼ ਨੇ ਸੁਰੇਸ਼ ਰੈਨਾ ਨੂੰ ਆਈਪੀਐਲ 2021 ਲਈ ਬਰਕਰਾਰ ਰੱਖਣ ਦਾ ਫੈਸਲਾ ਲਿਆ ਹੈ, ਜਦਕਿ ਐਮਐਸ ਧੋਨੀ ਟੀਮ ਦਾ ਕਪਤਾਨ ਬਣੇ ਰਹਿਣਗੇ। ਫਰੈਂਚਾਇਜ਼ੀ ਇੱਕ ਨਵੀਂ ਟੀਮ ਬਣਾ ਸਕਦੀ ਹੈ ਜੋ ਅਗਲੇ ਸੀਜ਼ਨ ਵਿੱਚ ਵਧੀਆ ਪ੍ਰਦਰਸ਼ਨ ਕਰ ਸਕਦੀ ਹੈ।

ਪੁਰਾਣੀ ਤਸਵੀਰ

ਨਵੀਂ ਦਿੱਲੀ: ਤਿੰਨ ਵਾਰ ਇੰਡੀਅਨ ਪ੍ਰੀਮੀਅਰ ਲੀਗ ਦਾ ਖਿਤਾਬ ਜਿੱਤਣ ਵਾਲੀ ਚੇਨਈ ਸੁਪਰ ਕਿੰਗਜ਼ ਨੇ ਫੈਸਲਾ ਕੀਤਾ ਹੈ ਕਿ ਉਹ ਅਗਲੇ ਸੈਸ਼ਨ ਲਈ ਸੀਨੀਅਰ ਖਿਡਾਰੀ ਤੇ ਆਲਰਾਉਂਡਰ ਸੁਰੇਸ਼ ਰੈਨਾ ਨੂੰ ਬਰਕਰਾਰ ਰੱਖੇਗਾ। ਸੁਰੇਸ਼ ਰੈਨਾ ਨੇ ਨਿੱਜੀ ਕਾਰਨਾਂ ਕਰਕੇ ਆਈਪੀਐਲ 2020 ਵਿੱਚ ਖੇਡਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਹਾਲਾਂਕਿ, ਸੁਰੇਸ਼ ਰੈਨਾ ਦੇ ਇਨਕਾਰ ਤੋਂ ਬਾਅਦ ਦਾ ਕਾਰਨ ਇਹ ਵੀ ਕਿਹਾ ਜਾ ਰਿਹਾ ਸੀ ਕਿ ਉਸ ਦਾ ਟੀਮ ਪ੍ਰਬੰਧਨ ਨਾਲ ਕੁਝ ਝਗੜਾ ਹੈ। ਸੁਰੇਸ਼ ਰੈਨਾ ਤੋਂ ਬਗੈਰ ਪਿਛਲੇ ਸੀਜ਼ਨ ਵਿੱਚ ਸੀਐਸਕੇ ਦਾ ਪ੍ਰਦਰਸ਼ਨ ਬਹੁਤ ਮਾੜਾ ਰਿਹਾ ਤੇ ਟੀਮ ਐਮਐਸਧੋਨੀ ਦੀ ਅਗਵਾਈ ਵਿਚ ਪਹਿਲੀ ਵਾਰ ਪਲੇਆਫ ਵਿੱਚ ਵੀ ਥਾਂ ਨਹੀਂ ਬਣਾ ਸਕੀ। ਸਾਈਦ ਮੁਸ਼ਤਾਕ ਅਲੀ ਟਰਾਫੀ ਵਿੱਚ ਸੁਰੇਸ਼ ਰੈਨਾ ਦੇ ਪ੍ਰਦਰਸ਼ਨ ਨੇ ਕੁਝ ਖਾਸ ਨਹੀਂ ਕੀਤਾ ਹਾਲਾਂਕਿ ਸੀਐਸਕੇ ਨੇ ਉਸ ਨੂੰ ਬਰਕਰਾਰ ਰੱਖਿਆ ਹੈ। ਸੀਐਸਕੇ ਪ੍ਰਬੰਧਨ ਇੱਕ ਵਾਰ ਫਿਰ ਧੋਨੀ ਦੀ ਕਪਤਾਨੀ ਵਿੱਚ ਟੀਮ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਤਾਂ ਜੋ ਟੀਮ 2021 ਵਿੱਚ ਵਧੀਆ ਪ੍ਰਦਰਸ਼ਨ ਕਰੇ। ਇਸ ਦੇ ਨਾਲ ਹੀ ਸੀਐਸਕੇ ਦੇ ਇੱਕ ਅਧਿਕਾਰੀ ਨੇ ਕਿਹਾ, "ਹਾਂ, ਅਸੀਂ ਸੁਰੇਸ਼ ਰੈਨਾ ਨੂੰ ਰਿਟੇਨ ਕਰ ਰਹੇ ਹਾਂ ਤੇ ਐਮਐਸ ਧੋਨੀ ਟੀਮ ਦਾ ਕਪਤਾਨ ਹੋਣਗੇ।" ਹਰਭਜਨ ਸਿੰਘ ਤੋਂ ਇਲਾਵਾ ਅਸੀਂ ਕੁਝ ਹੋਰ ਖਿਡਾਰੀਆਂ ਨੂੰ ਫਰੀ ਕਰਾਂਗੇ। ਨਾਲ ਹੀ ਸੂਤਰਾਂ ਦੀ ਮੰਨੀਏ ਤਾਂ ਸੀਐਸਕੇ ਕੇਦਾਰ ਜਾਧਵ, ਸਪਿਨਰ ਪਿਯੂਸ਼ ਚਾਵਲਾ ਤੇ ਮੁਰਲੀ ਵਿਜੇ ਨੂੰ ਫਰੀ ਕਰ ਸਕਦੀ ਹੈ। ਇਸ ਤੋਂ ਇਲਾਵਾ ਇਕ ਵੱਡੀ ਖਬਰ ਵੀ ਸਾਹਮਣੇ ਆਈ ਹੈ। ਏਬੀਪੀ ਸਾਂਝਾ ਨੂੰ ਮਿਲੀ ਜਾਣਕਾਰੀ ਮੁਤਾਬਕ ਰਾਜਸਥਾਨ ਰਾਇਲਜ਼ ਆਪਣੇ ਕਪਤਾਨ ਸਟੀਵ ਸਮਿਥ ਨੂੰ ਆਉਣ ਵਾਲੇ ਸੀਜ਼ਨ ਤੋਂ ਪਹਿਲਾਂ ਰਿਹਾ ਕਰ ਸਕਦਾ ਹੈ। ਨਾਲ ਹੀ, ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਸ਼ਿਵਮ ਦੂਬੇ ਅਤੇ ਕ੍ਰਿਸ ਮੌਰਿਸ ਨੂੰ ਰਿਹਾ ਕਰ ਸਕਦੀ ਹੈ, ਜਦਕਿ ਪਾਰਥਿਵ ਪਟੇਲ ਪਹਿਲਾਂ ਹੀ ਸੇਵਾ ਮੁਕਤ ਹੋ ਗਏ ਹਨ। ਇਸ ਤੋਂ ਇਲਾਵਾ ਕੋਲਕਾਤਾ ਨਾਈਟ ਰਾਈਡਰ ਦਿਨੇਸ਼ ਕਾਰਤਿਕ ਅਤੇ ਟੌਮ ਬੈਨਟਨ ਨੂੰ ਰਿਹਾ ਕਰ ਸਕਦੇ ਹਨ। ਇਸ ਦੇ ਨਾਲ ਹੀ ਕਿੰਗਜ਼ ਇਲੈਵਨ ਪੰਜਾਬ ਕ੍ਰਿਸ ਗੇਲ, ਕਰੁਣ ਨਾਇਰ ਅਤੇ ਸ਼ੈਲਡਨ ਕੌਟਰਲ ਨੂੰ ਰਿਹਾ ਕਰ ਸਕਦਾ ਹੈ। ਦਿੱਲੀ ਕੈਪੀਟਲਸ ਮਾਰਕਸ ਸਟੋਨੀਸ ਨੂੰ ਰਿਟੇਨ ਅਤੇ ਸ਼ਿਮਰਨ ਹੇਟਮੇਅਰ ਨੂੰ ਰਿਲੀਜ਼ ਕਰ ਸਕਦੀ ਹੈ। ਵੇਖੋ ਹੋਰ ਖਿਡਾਰੀਆਂ ਦੀ ਲਿਸਟ:  ਤਾਹਿਰ, ਫਾਫ, ਬ੍ਰਾਵੋ ਵੀ ਸੈਮ ਕੁਰਨ ਦੇ ਨਾਲ ਸੀਐਸਕੇ ਦਾ ਹਿੱਸਾ ਹੋਣਗੇ। ਆਰਆਰ ਸਟੀਵ ਸਮਿਥ ਨੂੰ ਛੱਡ ਸਕਦਾ ਹੈ। ਆਰਸੀਬੀ ਵੱਲੋਂ ਸ਼ਿਵਮ ਦੂਬੇ, ਕ੍ਰਿਸ ਮੌਰਿਸ, ਪਾਰਥਿਵ (ਸੇਵਾਮੁਕਤ) ਦੀ ਰਿਹਾਈ ਦੀ ਸੰਭਾਵਨਾ। ਕੇਕੇਆਰ ਦਿਨੇਸ਼ ਕਾਰਤਿਕ ਨੂੰ ਨਹੀਂ ਛੱਡੇਗਾ ਜਦਕਿ ਟੌਮ ਬੈਨਟਨ ਹੋ ਸਕਦੇ ਡ੍ਰੋਪ। KXIP ਗੇਲ ਨੂੰ ਬਰਕਰਾਰ ਰੱਖੇਗਾ, ਕਰੁਣ ਨਾਇਰ ਅਤੇ ਕੋਟਰਲ ਹੋ ਸਕਦੇ ਡ੍ਰੋਪ। DC ਸਟੌਨਿਸ ਨੂੰ ਰੱਖੇਗਾ ਬਰਕਰਾਰ, ਹੇਟਮੇਅਰ ਨੂੰ ਕੀਤਾ ਜਾ ਸਕਦਾ ਰਿਹਾ। ਸੰਦੀਪ ਲਾਮਿਚਨੇ ਐਲੇਕਸ ਕੈਰੀ ਜੇਸੋਨ ਰੌਏ ਇਹ ਵੀ ਪੜ੍ਹੋ: Harbhajan Singh quits CSK: ਹਰਭਜਨ ਸਿੰਘ ਨੇ ਚੇਨਈ ਸੁਪਰ ਕਿੰਗਜ਼ ਨੂੰ ਕਿਹਾ ਅਲਵਿਦਾ, ਸੀਐਸਕੇ ਦਾ ਕੀਤਾ ਧੰਨਵਾਦ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904