(Source: ECI/ABP News)
Legends League Cricket: ਫਾਈਨਲ ਮੈਚ 'ਚ ਛੱਕਿਆਂ ਦੀ ਬਾਰਸ਼, ਇਨ੍ਹਾਂ ਦਿੱਗਜਾਂ ਨੇ ਵਰਲਡ ਜਾਇੰਟਸ ਨੂੰ ਬਣਾਇਆ ਜੇਤੂ
ਲੀਗ ਕ੍ਰਿਕਟ (LLC) ਦੇ ਫਾਈਨਲ ਮੈਚ ਵਿੱਚ, ਵਰਲਡ ਜਾਇੰਟਸ (World Giants) ਨੇ ਏਸ਼ੀਆ ਲਾਇਨਜ਼ (Asia Lions) ਨੂੰ 25 ਦੌੜਾਂ ਨਾਲ ਹਰਾ ਕੇ ਟਰਾਫੀ ਜਿੱਤ ਲਈ।
World Giants vs Asia Lions: Legends ਲੀਗ ਕ੍ਰਿਕਟ (LLC) ਦੇ ਫਾਈਨਲ ਮੈਚ ਵਿੱਚ, ਵਰਲਡ ਜਾਇੰਟਸ (World Giants) ਨੇ ਏਸ਼ੀਆ ਲਾਇਨਜ਼ (Asia Lions) ਨੂੰ 25 ਦੌੜਾਂ ਨਾਲ ਹਰਾ ਕੇ ਟਰਾਫੀ ਜਿੱਤ ਲਈ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਵਰਲਡ ਜਾਇੰਟਸ ਨੇ 5 ਵਿਕਟਾਂ ਦੇ ਨੁਕਸਾਨ 'ਤੇ 256 ਦੌੜਾਂ ਦਾ ਸਕੋਰ ਬਣਾਇਆ। ਜਵਾਬ 'ਚ ਏਸ਼ੀਆ ਲਾਇਨਜ਼ ਨੇ ਵੀ ਬੱਲੇਬਾਜ਼ੀ ਕਰਦੇ ਹੋਏ 231 ਦੌੜਾਂ ਬਣਾਈਆਂ ਪਰ ਉਹ ਟੀਚੇ ਤੋਂ 26 ਦੌੜਾਂ ਦੂਰ ਰਹੀ।
ਇਸ ਮੈਚ 'ਚ ਦੋਵਾਂ ਟੀਮਾਂ ਦੇ ਬੱਲੇਬਾਜ਼ਾਂ ਨੇ ਕਾਫੀ ਦੌੜਾਂ ਬਣਾਈਆਂ। ਇਸ ਟੀ-20 ਮੈਚ 'ਚ 40 ਓਵਰਾਂ 'ਚ ਕੁੱਲ 487 ਦੌੜਾਂ ਬਣਾਈਆਂ ਗਈਆਂ। ਦੋਵਾਂ ਟੀਮਾਂ ਦੇ ਬੱਲੇਬਾਜ਼ਾਂ ਨੇ ਜ਼ੋਰਦਾਰ ਛੱਕੇ ਵੀ ਲਾਏ। ਪੂਰੇ ਮੈਚ ਵਿੱਚ ਕੁੱਲ 38 ਛੱਕੇ ਲੱਗੇ। ਇਸ ਵਿੱਚ ਵਰਲਡ ਜਾਇੰਟਸ ਦੇ ਖਿਡਾਰੀਆਂ ਵੱਲੋਂ 22 ਛੱਕੇ ਤੇ ਏਸ਼ੀਆ ਲਾਇਨਜ਼ ਦੇ ਬੱਲੇਬਾਜ਼ਾਂ ਵੱਲੋਂ 16 ਛੱਕੇ ਲਗਾਏ ਗਏ।
ਸ਼ਾਨਦਾਰ ਮੁਕਾਬਲਾ
ਵਰਲਡ ਜਾਇੰਟਸ ਨੇ ਕੇਵਿਨ ਪੀਟਰਸਨ ਨੂੰ ਜ਼ਬਰਦਸਤ ਸ਼ੁਰੂਆਤ ਦਿੱਤੀ। ਹਾਲਾਂਕਿ ਦੂਜੇ ਸਿਰੇ 'ਤੇ ਫਿਲ ਮਸਟਰਡ ਅਤੇ ਕੇਵਿਨ ਓ ਬ੍ਰਾਇਨ ਕੋਈ ਖਾਸ ਦੌੜਾਂ ਨਹੀਂ ਬਣਾ ਸਕੇ। ਪੀਟਰਸਨ ਨੇ 22 ਗੇਂਦਾਂ 'ਚ 2 ਚੌਕਿਆਂ ਤੇ 5 ਛੱਕਿਆਂ ਦੀ ਮਦਦ ਨਾਲ 48 ਦੌੜਾਂ ਬਣਾਈਆਂ। ਪੀਟਰਸਨ ਦੇ ਆਊਟ ਹੋਣ ਤੋਂ ਬਾਅਦ ਕੋਰੀ ਐਂਡਰਸਨ ਨੇ ਛੱਕਿਆਂ ਦੀ ਬਾਰਿਸ਼ ਜਾਰੀ ਰੱਖੀ ਤੇ 43 ਗੇਂਦਾਂ 'ਤੇ 94 ਦੌੜਾਂ ਦੀ ਪਾਰੀ ਖੇਡੀ। ਉਨ੍ਹਾਂ ਨੇ 7 ਚੌਕੇ ਤੇ 8 ਛੱਕੇ ਲਗਾਏ। ਬ੍ਰੈਡ ਹੈਡਿਨ (37), ਡੈਰੇਨ ਸੈਮੀ (38) ਅਤੇ ਐਲਬੀ ਮੋਰਕਲ (17) ਨੇ ਉਸ ਦਾ ਚੰਗਾ ਸਾਥ ਦਿੱਤਾ ਤੇ ਵਰਲਡ ਜਾਇੰਟਸ ਨੂੰ 250 ਦੇ ਪਾਰ ਪਹੁੰਚਾਇਆ।
257 ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਏਸ਼ੀਆ ਲਾਇਨਜ਼ ਨੇ ਵੀ ਦਮਦਾਰ ਸ਼ੁਰੂਆਤ ਕੀਤੀ। ਸ੍ਰੀਲੰਕਾ ਵੱਲੋਂ ਤਿਲਕਰਤਨੇ ਦਿਲਸ਼ਾਨ (25) ਅਤੇ ਸਨਥ ਜੈਸੂਰੀਆ (38) ਨੇ ਪਹਿਲੀ ਵਿਕਟ ਲਈ 57 ਦੌੜਾਂ ਜੋੜੀਆਂ। ਇਸ ਤੋਂ ਬਾਅਦ ਉਪਲ ਥਰੰਗਾ (25), ਅਸਗਰ ਅਫਗਾਨ (24), ਮੁਹੰਮਦ ਯੂਸਫ (39), ਮੁਹੰਮਦ ਰਫੀਕ (22) ਸਮੇਤ ਹੇਠਲੇ ਕ੍ਰਮ ਦੇ ਬੱਲੇਬਾਜ਼ਾਂ ਨੇ ਵੀ ਘੱਟ ਗੇਂਦਾਂ 'ਤੇ ਬੱਲੇਬਾਜ਼ੀ ਕਰਦੇ ਹੋਏ ਕੁਝ ਦੌੜਾਂ ਜੋੜੀਆਂ ਅਤੇ ਟੀਮ ਨੂੰ ਦੋ ਸੌ ਤੱਕ ਲੈ ਗਏ ਹਾਲਾਂਕਿ। ਨਿਰਧਾਰਿਤ ਓਵਰਾਂ 'ਚ ਟੀਮ 8 ਵਿਕਟਾਂ 'ਤੇ 231 ਦੌੜਾਂ ਹੀ ਬਣਾ ਸਕੀ ਅਤੇ 25 ਦੌੜਾਂ ਨਾਲ ਮੈਚ ਹਾਰ ਗਈ।
ਮੋਰਨੇ ਮੋਰਕਲ 'ਮੈਨ ਆਫ ਦਾ ਸੀਰੀਜ਼'
ਦੱਖਣੀ ਅਫਰੀਕਾ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮੋਰਨੇ ਮੋਰਕਲ ਨੂੰ ਲੀਜੈਂਡਜ਼ ਲੀਗ ਕ੍ਰਿਕਟ ਲਈ 'ਮੈਨ ਆਫ ਦਾ ਸੀਰੀਜ਼' ਚੁਣਿਆ ਗਿਆ। ਉਨ੍ਹਾਂ ਨੇ ਪੂਰੀ ਸੀਰੀਜ਼ 'ਚ ਸਿਰਫ 21 ਦੌੜਾਂ ਬਣਾਈਆਂ ਅਤੇ 8 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਫਾਈਨਲ ਮੈਚ ਦਾ ਹੀਰੋ ਕੋਰੀ ਐਂਡਰਸਨ ਰਿਹਾ। ਉਸ ਨੂੰ 'ਮੈਨ ਆਫ਼ ਦਾ ਮੈਚ' ਚੁਣਿਆ ਗਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
