ਨਾ ਵਿਰਾਟ ਕੋਹਲੀ ਤੇ ਨਾ ਹੀ MS Dhoni, ਸਾਲ 2022 'ਚ ਇਸ 51 ਸਾਲਾ ਭਾਰਤੀ ਕ੍ਰਿਕਟਰ ਨੂੰ ਲੋਕਾਂ ਨੇ ਕੀਤਾ Google 'ਤੇ ਸਭ ਤੋਂ ਵੱਧ ਸਰਚ
ਸਾਲ 2022 ਖ਼ਤਮ ਹੋਣ ਦੀ ਕਗਾਰ 'ਤੇ ਹੈ ਅਤੇ ਹੁਣ ਅਸੀਂ ਤੁਹਾਡੇ ਲਈ ਕੁਝ ਅਜਿਹੀਆਂ ਖਬਰਾਂ ਲੈ ਕੇ ਆਵਾਂਗੇ ਜਿੱਥੇ ਤੁਹਾਨੂੰ ਪਤਾ ਲੱਗੇਗਾ ਕਿ ਖੇਡਾਂ ਦੇ ਲਿਹਾਜ਼ ਨਾਲ ਸਾਲ 2022 ਕਿੰਨਾ ਖਾਸ ਰਿਹਾ ਅਤੇ ਇਸ ਸਾਲ ਕੀ-ਕੀ ਸਪੈਸ਼ਲ ਹੋਵੇਗਾ।
ਰਜਨੀਸ਼ ਕੌਰ ਦੀ ਰਿਪੋਰਟ
Most Searched Person On Google In The Year 2022 : ਸਾਲ 2022 ਖ਼ਤਮ ਹੋਣ ਦੀ ਕਗਾਰ 'ਤੇ ਹੈ ਅਤੇ ਹੁਣ ਅਸੀਂ ਤੁਹਾਡੇ ਲਈ ਕੁਝ ਅਜਿਹੀਆਂ ਖਬਰਾਂ ਲੈ ਕੇ ਆਵਾਂਗੇ ਜਿੱਥੇ ਤੁਹਾਨੂੰ ਪਤਾ ਲੱਗੇਗਾ ਕਿ ਖੇਡਾਂ ਦੇ ਲਿਹਾਜ਼ ਨਾਲ ਸਾਲ 2022 ਕਿੰਨਾ ਖਾਸ ਰਿਹਾ ਅਤੇ ਇਸ ਸਾਲ ਕੀ-ਕੀ ਸਪੈਸ਼ਲ ਹੋਵੇਗਾ। ਗੂਗਲ ਨੇ ਸਾਲ 2022 'ਚ ਸਭ ਤੋਂ ਜ਼ਿਆਦਾ ਸਰਚ ਕਰਨ ਵਾਲੇ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ। ਇਸ ਵਿੱਚ ਸਿਰਫ਼ ਇੱਕ ਖਿਡਾਰੀ ਦਾ ਨਾਮ ਸ਼ਾਮਲ ਹੈ। ਇਹ ਨਾਂ ਨਾ ਤਾਂ ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਐੱਮਐੱਸ ਧੋਨੀ (MS Dhoni) ਦਾ ਹੈ ਅਤੇ ਨਾ ਹੀ ਵਿਰਾਟ ਕੋਹਲੀ (Virat Kohli) ਦਾ। ਸਗੋਂ ਇਹ 51 ਸਾਲਾ ਭਾਰਤੀ ਕ੍ਰਿਕਟਰ ਹੈ ਜਿਸ ਲਈ ਇਹ ਸਾਲ ਬਹੁਤ ਖਾਸ ਰਿਹਾ। ਇੱਥੇ ਅਸੀਂ ਗੱਲ ਕਰ ਰਹੇ ਹਾਂ ਟੀਮ ਇੰਡੀਆ ਦੇ ਸਾਬਕਾ ਕ੍ਰਿਕਟਰ ਪ੍ਰਵੀਨ ਤੰਬੇ (Praveen Tambe) ਦੀ।
ਕੌਣ ਹੈ ਪ੍ਰਵੀਨ ਤੰਬੇ
ਲੈੱਗ ਸਪਿਨਰ ਪ੍ਰਵੀਨ ਤੰਬੇ ਨੇ ਇਸ ਸਾਲ ਨਾ ਤਾਂ ਆਈਪੀਐਲ ਅਤੇ ਨਾ ਹੀ ਕਿਸੇ ਹੋਰ ਤਰ੍ਹਾਂ ਦੀ ਕ੍ਰਿਕਟ ਖੇਡੀ ਹੈ। ਹਾਲਾਂਕਿ ਇਸ ਦੇ ਬਾਵਜੂਦ ਪ੍ਰਵੀਨ ਨੂੰ ਦੁਨੀਆ 'ਚ ਸਭ ਤੋਂ ਜ਼ਿਆਦਾ ਸਰਚ ਕੀਤਾ ਗਿਆ। ਅਜਿਹਾ ਇਸ ਲਈ ਹੋਇਆ ਕਿਉਂਕਿ ਪ੍ਰਵੀਨ ਤੰਬੇ ਦੀ ਬਾਇਓਪਿਕ 'ਕੌਨ ਪ੍ਰਵੀਨ ਤੰਬੇ' ਇਸ ਸਾਲ ਰਿਲੀਜ਼ ਹੋਈ ਸੀ। ਇਸ ਬਾਇਓਪਿਕ 'ਚ ਸ਼੍ਰੇਅਸ ਤਲਪੜੇ ਨੇ ਵੱਡੇ ਪਰਦੇ 'ਤੇ ਪ੍ਰਵੀਨ ਦੀ ਭੂਮਿਕਾ ਨਿਭਾਈ ਹੈ।
9ਵੇਂ ਸਭ ਤੋਂ ਵੱਧ ਸਰਚ ਕੀਤੇ ਜਾਣ ਵਾਲੇ ਵਿਅਕਤੀ
ਦੱਸਣਯੋਗ ਹੈ ਕਿ ਤੰਬੇ ਨਾ ਸਿਰਫ ਇੱਥੇ ਟਵਿੱਟਰ 'ਤੇ ਸਭ ਤੋਂ ਵੱਧ ਸਰਚ ਕੀਤੇ ਜਾਣ ਵਾਲੇ ਖਿਡਾਰੀ ਹਨ, ਬਲਕਿ ਉਹ ਭਾਰਤ ਵਿੱਚ 9ਵੇਂ ਸਭ ਤੋਂ ਵੱਧ ਸਰਚ ਕੀਤੇ ਜਾਣ ਵਾਲੇ ਵਿਅਕਤੀ ਵੀ ਹਨ। ਪ੍ਰਵੀਨ ਦਾ ਕ੍ਰਿਕਟ ਸਫਰ ਬਹੁਤ ਖਾਸ ਰਿਹਾ ਹੈ। ਇਸ ਖਿਡਾਰੀ ਨੇ ਇੱਕ ਵੀ ਪਹਿਲੀ ਸ਼੍ਰੇਣੀ ਕ੍ਰਿਕਟ ਖੇਡ ਨਹੀਂ ਖੇਡੀ ਹੈ। 41 ਸਾਲ ਦੀ ਉਮਰ ਵਿੱਚ, ਪ੍ਰਵੀਨ ਨੂੰ ਆਈਪੀਐਲ ਦਾ ਇਕਰਾਰਨਾਮਾ ਮਿਲਿਆ ਜਦੋਂ ਰਾਜਸਥਾਨ ਰਾਇਲਜ਼ ਨੇ ਸਾਲ 2013 ਵਿੱਚ ਉਹਨਾਂ ਨੂੰ ਆਪਣੀ ਟੀਮ ਵਿੱਚ ਸ਼ਾਮਲ ਕੀਤਾ। ਉਹ ਆਈਪੀਐਲ ਇਤਿਹਾਸ ਵਿੱਚ ਡੈਬਿਊ ਕਰਨ ਵਾਲੇ ਸਭ ਤੋਂ ਵੱਡੀ ਉਮਰ ਦਾ ਖਿਡਾਰੀ ਬਣ ਗਏ।
ਪ੍ਰਵੀਨ ਨੂੰ ਅਸਲੀ ਪਛਾਣ ਉਦੋਂ ਮਿਲੀ ਜਦੋਂ ਉਨ੍ਹਾਂ ਨੇ ਸਾਲ 2014 ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਖ਼ਿਲਾਫ਼ ਹੈਟ੍ਰਿਕ ਲਈ। ਇਸ ਤੋਂ ਬਾਅਦ ਤੰਬੇ ਨੂੰ ਮੁੰਬਈ ਦੇ ਖਿਲਾਫ਼ ਫਸਟ ਕਲਾਸ ਮੈਚ ਖੇਡਣ ਦਾ ਮੌਕਾ ਮਿਲਿਆ। ਇਸ ਨਾਲ ਹੀ ਉਨ੍ਹਾਂ ਨੇ ਕਈ ਵਿਦੇਸ਼ੀ ਲੀਗਾਂ ਵਿੱਚ ਵੀ ਹਿੱਸਾ ਲਿਆ। ਪ੍ਰਵੀਨ ਇਸ ਸਮੇਂ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਜੁੜਿਆ ਹੋਇਆ ਹੈ ਅਤੇ ਸਪਿਨ ਗੇਂਦਬਾਜ਼ੀ ਕੋਚ ਹੈ। ਸਾਲ 2010 'ਚ ਟੀ-10 ਲੀਗ 'ਚ ਹਿੱਸਾ ਲੈਣ ਕਾਰਨ ਉਨ੍ਹਾਂ 'ਤੇ ਕ੍ਰਿਕਟ ਦੇ ਹਰ ਫਾਰਮੈਟ 'ਤੇ ਪਾਬੰਦੀ ਲਾ ਦਿੱਤੀ ਗਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
