WC 2023 Captains Day: ਨਰਿੰਦਰ ਮੋਦੀ ਸਟੇਡੀਅਮ 'ਚ ਇੱਕਜੁੱਟ ਹੋਏ 10 ਟੀਮਾਂ ਦੇ ਕਪਤਾਨ, ਰੋਹਿਤ ਸ਼ਰਮਾ ਬੋਲੇ- ਭਾਰਤ 'ਚ ਹਰ ਟੀਮ ਨੂੰ ਮਿਲੇਗਾ ਪਿਆਰ
World Cup 2023 Captains Day: ਵਿਸ਼ਵ ਕੱਪ 2023 ਸ਼ੁਰੂ ਹੋਣ ਤੋਂ ਠੀਕ ਇੱਕ ਦਿਨ ਪਹਿਲਾਂ, ਯਾਨੀ ਅੱਜ (4 ਅਕਤੂਬਰ) ਦੁਪਹਿਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਸਾਰੀਆਂ 10 ਟੀਮਾਂ ਦੇ ਕਪਤਾਨ ਇੱਕਜੁੱਟ ਹੋਏ
World Cup 2023 Captains Day: ਵਿਸ਼ਵ ਕੱਪ 2023 ਸ਼ੁਰੂ ਹੋਣ ਤੋਂ ਠੀਕ ਇੱਕ ਦਿਨ ਪਹਿਲਾਂ, ਯਾਨੀ ਅੱਜ (4 ਅਕਤੂਬਰ) ਦੁਪਹਿਰ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਸਾਰੀਆਂ 10 ਟੀਮਾਂ ਦੇ ਕਪਤਾਨ ਇੱਕਜੁੱਟ ਹੋਏ। ਇਸ ਸਮਾਗਮ ਨੂੰ ‘ਕੈਪਟਨ ਡੇ’ ਦਾ ਨਾਂ ਦਿੱਤਾ ਗਿਆ। ਇਸ ਈਵੈਂਟ ਵਿੱਚ ਰਵੀ ਸ਼ਾਸਤਰੀ ਅਤੇ ਇਓਨ ਮੋਰਗਨ ਨੇ ਸਾਰੇ ਕਪਤਾਨਾਂ ਨਾਲ ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਬਾਰੇ ਗੱਲਬਾਤ ਕੀਤੀ। ਇਸ ਦੌਰਾਨ ਜਦੋਂ ਰੋਹਿਤ ਸ਼ਰਮਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਟੀਮ ਇੰਡੀਆ ਦੀਆਂ ਤਿਆਰੀਆਂ ਨੂੰ ਠੋਸ ਦੱਸਿਆ। ਉਨ੍ਹਾਂ ਇਹ ਵੀ ਕਿਹਾ ਕਿ ਭਾਰਤ ਦੇ ਲੋਕ ਸਾਰੀਆਂ ਟੀਮਾਂ ਨੂੰ ਪਿਆਰ ਦੇਣਗੇ ਅਤੇ ਟੂਰਨਾਮੈਂਟ ਦੌਰਾਨ ਸਾਰੇ ਸਟੇਡੀਅਮ ਵੀ ਭਰੇ ਰਹਿਣਗੇ।
ਰੋਹਿਤ ਸ਼ਰਮਾ ਨੇ ਕਿਹਾ, 'ਵਿਸ਼ਵ ਕੱਪ 'ਚ ਟੀਮ ਇੰਡੀਆ ਦੀ ਕਪਤਾਨੀ ਕਰਨਾ ਮਾਣ ਵਾਲੀ ਗੱਲ ਹੈ। ਮੈਂ ਬਹੁਤ ਉਤਸ਼ਾਹਿਤ ਹਾਂ, ਬਹੁਤ ਦਬਾਅ ਵੀ ਹੈ। ਮੁਕਾਬਲਾ ਭਾਰਤ 'ਚ ਹੋਵੇ ਜਾਂ ਭਾਰਤ ਤੋਂ ਬਾਹਰ, ਹਮੇਸ਼ਾ ਦਬਾਅ ਰਹਿੰਦਾ ਹੈ। ਇਹ ਵਿਸ਼ਵ ਕੱਪ ਮੁਸ਼ਕਲ ਹੋਵੇਗਾ ਪਰ ਅਸੀਂ ਪੂਰੀ ਤਰ੍ਹਾਂ ਤਿਆਰ ਹਾਂ। ਅਸੀਂ ਬਹੁਤ ਮਿਹਨਤ ਕੀਤੀ ਹੈ। ਮੇਜ਼ਬਾਨ ਟੀਮ ਨੇ ਪਿਛਲੇ ਤਿੰਨ ਵਿਸ਼ਵ ਕੱਪ ਜਿੱਤੇ ਹਨ, ਪਰ ਅਸੀਂ ਇਕ ਵਾਰ 'ਚ ਇਕ ਮੈਚ 'ਤੇ ਧਿਆਨ ਕੇਂਦਰਿਤ ਕਰਕੇ ਇਸ ਟੂਰਨਾਮੈਂਟ 'ਚ ਅੱਗੇ ਵਧਾਂਗੇ। ਵਿਸ਼ਵ ਕੱਪ ਵਿੱਚ ਹਰ ਟੀਮ ਆਪਣੀ ਪੂਰੀ ਤਾਕਤ ਲਗਾਉਂਦੀ ਹੈ, ਅਸੀਂ ਵੀ ਅਜਿਹਾ ਹੀ ਕਰਨਾ ਹੈ। ਸਾਨੂੰ ਆਪਣੀ ਖੇਡ ਦਾ ਪੱਧਰ ਉੱਚਾ ਰੱਖਣਾ ਹੋਵੇਗਾ। ਇਸ ਨਾਲ ਗਤੀ ਨੂੰ ਨਿਰਧਾਰਤ ਹੋਵੇਗੀ।
'ਸਾਰੇ ਮੈਚਾਂ 'ਚ ਸਟੇਡੀਅਮ ਭਰੇ ਰਹਿਣਗੇ'
ਇਸ ਦੌਰਾਨ ਰੋਹਿਤ ਸ਼ਰਮਾ ਨੇ ਸਾਰੀਆਂ ਟੀਮਾਂ ਦੇ ਕਪਤਾਨਾਂ ਨੂੰ ਵੀ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ, 'ਇੱਥੇ ਬੈਠੇ ਸਾਰੇ ਕਪਤਾਨ ਆਪਣੇ ਦੇਸ਼ ਲਈ ਕੁਝ ਹਾਸਲ ਕਰਨਾ ਚਾਹੁੰਦੇ ਹਨ। ਹਰ ਕਿਸੇ ਦਾ ਸੁਪਨਾ ਵਨਡੇ ਵਿਸ਼ਵ ਕੱਪ 'ਚ ਚੈਂਪੀਅਨ ਬਣਨਾ ਹੁੰਦਾ ਹੈ। ਮੈਂ ਇੱਕ ਗੱਲ ਇਹ ਵੀ ਕਹਿਣਾ ਚਾਹਾਂਗਾ ਕਿ ਭਾਰਤ ਦੇ ਲੋਕ ਕ੍ਰਿਕਟ ਨੂੰ ਬਹੁਤ ਪਿਆਰ ਕਰਦੇ ਹਨ। ਭਾਰਤ ਵਿੱਚ ਸਾਰੀਆਂ ਟੀਮਾਂ ਨੂੰ ਬਹੁਤ ਪਿਆਰ ਮਿਲੇਗਾ ਅਤੇ ਹਰ ਮੈਚ ਵਿੱਚ ਸਟੇਡੀਅਮ ਭਰੇ ਰਹਿਣਗੇ।
'ਪ੍ਰੈਕਟਿਸ ਮੈਚ ਰੱਦ ਹੋਣ ਨਾਲ ਕੋਈ ਫਰਕ ਨਹੀਂ ਪੈਂਦਾ'
ਇਸ ਦੌਰਾਨ ਰੋਹਿਤ ਨੂੰ ਭਾਰਤ ਦੇ ਅਭਿਆਸ ਮੈਚ ਨੂੰ ਰੱਦ ਕਰਨ ਬਾਰੇ ਵੀ ਸਵਾਲ ਪੁੱਛਿਆ ਗਿਆ। ਇਸ 'ਤੇ ਰੋਹਿਤ ਨੇ ਕਿਹਾ, 'ਪ੍ਰੈਕਟਿਸ ਮੈਚ ਰੱਦ ਹੋਣ ਨਾਲ ਜ਼ਿਆਦਾ ਨੁਕਸਾਨ ਨਹੀਂ ਹੋਇਆ। ਅਸੀਂ ਹਾਲ ਹੀ ਵਿੱਚ ਬਹੁਤ ਸਾਰੇ ਮੈਚ ਖੇਡੇ ਹਨ। ਹਾਲਾਂਕਿ ਮੈਂ ਅਭਿਆਸ ਮੈਚ ਖੇਡਣਾ ਚਾਹੁੰਦਾ ਸੀ, ਅਜਿਹਾ ਨਹੀਂ ਹੋ ਸਕਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
