![ABP Premium](https://cdn.abplive.com/imagebank/Premium-ad-Icon.png)
Champions Trophy 2025: ਆਖਿਰ ਝੁਕ ਗਿਆ ਪਾਕਿਸਤਾਨ, ਹਾਈਬ੍ਰਿਡ ਮਾਡਲ 'ਚ ਹੋਵੇਗਾ ਟੂਰਨਾਮੈਂਟ, ਜਾਣੋ ਭਾਰਤ ਕਿੱਥੇ ਖੇਡੇਗਾ ਮੈਚ!
India vs Pakistan: ਚੈਂਪੀਅਨਸ ਟਰਾਫੀ 2025 ਦੇ ਆਯੋਜਨ ਨੂੰ ਲੈ ਕੇ ਕਾਫੀ ਹੰਗਾਮਾ ਹੋਇਆ ਸੀ। ਪਰ ਹੁਣ ਇਹ ਮਸਲਾ ਹੱਲ ਹੋ ਗਿਆ ਹੈ। ਇਕ ਰਿਪੋਰਟ ਮੁਤਾਬਕ ਟੀਮ ਇੰਡੀਆ ਚੈਂਪੀਅਨਸ ਟਰਾਫੀ ਲਈ ਪਾਕਿਸਤਾਨ ਨਹੀਂ ਜਾਵੇਗੀ।
![Champions Trophy 2025: ਆਖਿਰ ਝੁਕ ਗਿਆ ਪਾਕਿਸਤਾਨ, ਹਾਈਬ੍ਰਿਡ ਮਾਡਲ 'ਚ ਹੋਵੇਗਾ ਟੂਰਨਾਮੈਂਟ, ਜਾਣੋ ਭਾਰਤ ਕਿੱਥੇ ਖੇਡੇਗਾ ਮੈਚ! Report India's Champions Trophy Matches Likely in Dubai as ICC Considers Hybrid Model details inside Champions Trophy 2025: ਆਖਿਰ ਝੁਕ ਗਿਆ ਪਾਕਿਸਤਾਨ, ਹਾਈਬ੍ਰਿਡ ਮਾਡਲ 'ਚ ਹੋਵੇਗਾ ਟੂਰਨਾਮੈਂਟ, ਜਾਣੋ ਭਾਰਤ ਕਿੱਥੇ ਖੇਡੇਗਾ ਮੈਚ!](https://feeds.abplive.com/onecms/images/uploaded-images/2024/07/15/1d0aff96c2760446ad139bc6d068fe631721037189215709_original.jpg?impolicy=abp_cdn&imwidth=1200&height=675)
India vs Pakistan: ਚੈਂਪੀਅਨਸ ਟਰਾਫੀ 2025 ਦੇ ਆਯੋਜਨ ਨੂੰ ਲੈ ਕੇ ਕਾਫੀ ਹੰਗਾਮਾ ਹੋਇਆ ਸੀ। ਪਰ ਹੁਣ ਇਹ ਮਸਲਾ ਹੱਲ ਹੋ ਗਿਆ ਹੈ। ਇਕ ਰਿਪੋਰਟ ਮੁਤਾਬਕ ਟੀਮ ਇੰਡੀਆ ਚੈਂਪੀਅਨਸ ਟਰਾਫੀ ਲਈ ਪਾਕਿਸਤਾਨ ਨਹੀਂ ਜਾਵੇਗੀ। ਆਈਸੀਸੀ ਟੂਰਨਾਮੈਂਟ ਨੂੰ ਹਾਈਬ੍ਰਿਡ ਮਾਡਲ ਵਿੱਚ ਆਯੋਜਿਤ ਕਰੇਗੀ। ਉਥੇ ਹੀ ਟੀਮ ਇੰਡੀਆ ਆਪਣੇ ਮੈਚ ਦੁਬਈ 'ਚ ਖੇਡ ਸਕਦੀ ਹੈ। ਹਾਲਾਂਕਿ ਇਸ ਬਾਰੇ ਅਧਿਕਾਰਤ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਪਾਕਿਸਤਾਨ ਨੇ ਚੈਂਪੀਅਨਸ ਟਰਾਫੀ ਦਾ ਡਰਾਫਟ ਆਈਸੀਸੀ ਨੂੰ ਸੌਂਪਿਆ ਸੀ। ਪਰ ਹੁਣ ਇਸ 'ਚ ਬਦਲਾਅ ਹੋਵੇਗਾ।
ਦਿ ਐਕਸਪ੍ਰੈਸ ਟ੍ਰਿਬਿਊਨ ਮੁਤਾਬਕ ਆਈਸੀਸੀ ਨੇ ਬੀਸੀਸੀਆਈ ਨਾਲ ਚੈਂਪੀਅਨਜ਼ ਟਰਾਫੀ ਨੂੰ ਲੈ ਕੇ ਗੱਲਬਾਤ ਕੀਤੀ ਸੀ। ਪਰ ਬੀਸੀਸੀਆਈ ਨੇ ਟੀਮ ਇੰਡੀਆ ਨੂੰ ਪਾਕਿਸਤਾਨ ਭੇਜਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਬੀਸੀਸੀਆਈ ਨੇ ਕਿਹਾ ਕਿ ਟੀਮ ਇੰਡੀਆ ਦੇ ਮੈਚ ਦੁਬਈ ਜਾਂ ਸ੍ਰੀਲੰਕਾ ਵਿੱਚ ਹੋਣੇ ਚਾਹੀਦੇ ਹਨ। ਇਸ ਲਈ ਇਸ ਵਾਰ ਚੈਂਪੀਅਨਜ਼ ਟਰਾਫੀ ਹਾਈਬ੍ਰਿਡ ਮਾਡਲ ਤਹਿਤ ਕਰਵਾਈ ਜਾ ਸਕਦੀ ਹੈ। ਟੀਮ ਇੰਡੀਆ ਦੇ ਮੈਚ ਦੁਬਈ 'ਚ ਹੋ ਸਕਦੇ ਹਨ।
ਚੈਂਪੀਅਨਸ ਟਰਾਫੀ ਦੇ ਹੋਰ ਮੈਚ ਕਰਾਚੀ ਅਤੇ ਦੁਬਈ ਵਿੱਚ ਖੇਡੇ ਜਾ ਸਕਦੇ ਹਨ। ਕੁਝ ਮੈਚ ਲਾਹੌਰ ਅਤੇ ਰਾਵਲਪਿੰਡੀ ਵਿਚ ਵੀ ਹੋ ਸਕਦੇ ਹਨ। ਪਰ ਭਾਰਤੀ ਟੀਮ ਦੇ ਸਾਰੇ ਮੈਚ ਦੁਬਈ ਵਿੱਚ ਖੇਡੇ ਜਾ ਸਕਦੇ ਹਨ। ਇਸ ਤੋਂ ਪਹਿਲਾਂ ਟੀਮ ਇੰਡੀਆ ਏਸ਼ੀਆ ਕੱਪ ਲਈ ਪਾਕਿਸਤਾਨ ਵੀ ਨਹੀਂ ਗਈ ਸੀ। ਭਾਰਤੀ ਟੀਮ ਨੇ ਆਪਣੇ ਸਾਰੇ ਮੈਚ ਸ਼੍ਰੀਲੰਕਾ ਵਿੱਚ ਖੇਡੇ।
ਧਿਆਨ ਯੋਗ ਹੈ ਕਿ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਟੀ-20 ਵਿਸ਼ਵ ਕੱਪ 2024 ਤੋਂ ਬਾਅਦ ਡਰਾਫਟ ਆਈਸੀਸੀ ਨੂੰ ਸੌਂਪਿਆ ਸੀ। ਇਸ 'ਚ ਚੈਂਪੀਅਨਸ ਟਰਾਫੀ ਦੀ ਯੋਜਨਾ ਸੀ। ਪੀਸੀਬੀ ਨੇ ਲਾਹੌਰ ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਦਾ ਆਯੋਜਨ ਕੀਤਾ ਸੀ। ਟੀਮ ਇੰਡੀਆ ਦੇ ਸਾਰੇ ਮੈਚ ਲਾਹੌਰ ਵਿੱਚ ਹੋਏ ਸਨ। ਪਰ ਹੁਣ ਪੀਸੀਬੀ ਦੀ ਇਹ ਯੋਜਨਾ ਬਰਬਾਦ ਹੋਣ ਵਾਲੀ ਹੈ। ਟੀਮ ਇੰਡੀਆ ਅਤੇ ਪਾਕਿਸਤਾਨ ਵਿਚਾਲੇ ਕਈ ਸਾਲਾਂ ਤੋਂ ਦੁਵੱਲੀ ਸੀਰੀਜ਼ ਨਹੀਂ ਖੇਡੀ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)