![ABP Premium](https://cdn.abplive.com/imagebank/Premium-ad-Icon.png)
Team India Captaincy: MI ਦੇ ਫੈਸਲੇ ਤੋਂ ਬਾਅਦ ਰੋਹਿਤ ਸ਼ਰਮਾ ਨੂੰ ਲੈ ਫੈਨਜ਼ ਪਰੇਸ਼ਾਨ, ਕੀ ਟੀ-20 ਵਿਸ਼ਵ ਕੱਪ 'ਚ ਬਣੇ ਰਹਿਣਗੇ ਕਪਤਾਨ?
Team India Captaincy: ਆਈ.ਪੀ.ਐੱਲ. ਦੀ ਮੁੰਬਈ ਫਰੈਂਚਾਇਜ਼ੀ 'ਚ ਪਿਛਲੇ ਹਫਤੇ ਵੱਡਾ ਬਦਲਾਅ ਹੋਇਆ ਹੈ। ਫ੍ਰੈਂਚਾਇਜ਼ੀ ਨੇ ਆਪਣੀ ਟੀਮ ਦੀ ਕਮਾਨ ਸੌਂਪੀ ਰੋਹਿਤ ਸ਼ਰਮਾ ਦੀ ਜਗ੍ਹਾ ਹਾਰਦਿਕ ਪਾਂਡਿਆ ਨੂੰ ਦਿੱਤੀ।
![Team India Captaincy: MI ਦੇ ਫੈਸਲੇ ਤੋਂ ਬਾਅਦ ਰੋਹਿਤ ਸ਼ਰਮਾ ਨੂੰ ਲੈ ਫੈਨਜ਼ ਪਰੇਸ਼ਾਨ, ਕੀ ਟੀ-20 ਵਿਸ਼ਵ ਕੱਪ 'ਚ ਬਣੇ ਰਹਿਣਗੇ ਕਪਤਾਨ? Rohit Sharma 'First Choice' For India's Captaincy In T20 World Cup 2024 Know Details Team India Captaincy: MI ਦੇ ਫੈਸਲੇ ਤੋਂ ਬਾਅਦ ਰੋਹਿਤ ਸ਼ਰਮਾ ਨੂੰ ਲੈ ਫੈਨਜ਼ ਪਰੇਸ਼ਾਨ, ਕੀ ਟੀ-20 ਵਿਸ਼ਵ ਕੱਪ 'ਚ ਬਣੇ ਰਹਿਣਗੇ ਕਪਤਾਨ?](https://feeds.abplive.com/onecms/images/uploaded-images/2023/12/18/4cc37a20595e09f1ef58bebf1f3ca76b1702886089750709_original.jpg?impolicy=abp_cdn&imwidth=1200&height=675)
Team India Captaincy: ਆਈ.ਪੀ.ਐੱਲ. ਦੀ ਮੁੰਬਈ ਫਰੈਂਚਾਇਜ਼ੀ 'ਚ ਪਿਛਲੇ ਹਫਤੇ ਵੱਡਾ ਬਦਲਾਅ ਹੋਇਆ ਹੈ। ਫ੍ਰੈਂਚਾਇਜ਼ੀ ਨੇ ਆਪਣੀ ਟੀਮ ਦੀ ਕਮਾਨ ਸੌਂਪੀ ਰੋਹਿਤ ਸ਼ਰਮਾ ਦੀ ਜਗ੍ਹਾ ਹਾਰਦਿਕ ਪਾਂਡਿਆ ਨੂੰ ਦਿੱਤੀ। ਇਸ ਤੋਂ ਬਾਅਦ ਫਿਰ ਤੋਂ ਉਨ੍ਹਾਂ ਅਟਕਲਾਂ ਦੀ ਚਰਚਾ ਸ਼ੁਰੂ ਹੋ ਗਈ ਹੈ, ਜਿਸ 'ਚ ਟੀ-20 ਵਿਸ਼ਵ ਕੱਪ 2024 'ਚ ਟੀਮ ਇੰਡੀਆ ਦਾ ਕਪਤਾਨ ਬਦਲਣ ਦੀ ਸੰਭਾਵਨਾ ਵੀ ਜਤਾਈ ਜਾ ਰਹੀ ਹੈ। ਹਾਲਾਂਕਿ ਇੱਕ ਰਿਪੋਰਟ ਮੁਤਾਬਕ ਮੁੰਬਈ ਇੰਡੀਅਨਜ਼ ਦੇ ਇਸ ਫੈਸਲੇ ਦਾ ਟੀਮ ਇੰਡੀਆ 'ਤੇ ਕੋਈ ਅਸਰ ਨਹੀਂ ਪੈ ਰਿਹਾ ਹੈ ਅਤੇ ਟੀ-20 ਵਿਸ਼ਵ ਕੱਪ ਲਈ ਭਾਰਤ ਦੇ ਕਪਤਾਨ ਦੇ ਰੂਪ 'ਚ ਰੋਹਿਤ ਸ਼ਰਮਾ ਪਹਿਲੀ ਪਸੰਦ ਹੋਣਗੇ।
ਦੈਨਿਕ ਜਾਗਰਣ ਨੇ ਬੀਸੀਸੀਆਈ ਦੇ ਇਕ ਸੂਤਰ ਦੇ ਹਵਾਲੇ ਨਾਲ ਇਸ ਮਾਮਲੇ 'ਤੇ ਸਥਿਤੀ ਸਪੱਸ਼ਟ ਕੀਤੀ ਹੈ। ਜਦੋਂ ਇੱਥੇ ਸੂਤਰ ਤੋਂ ਪੁੱਛਿਆ ਗਿਆ ਕਿ ਕੀ ਹਾਰਦਿਕ ਟੀ-20 ਵਿਸ਼ਵ ਕੱਪ 2024 ਵਿੱਚ ਰੋਹਿਤ ਸ਼ਰਮਾ ਦੀ ਥਾਂ ਭਾਰਤ ਦੇ ਕਪਤਾਨ ਹੋਣਗੇ, ਤਾਂ ਉਨ੍ਹਾਂ ਨੇ ਸਪੱਸ਼ਟ ਤੌਰ 'ਤੇ 'ਨਹੀਂ' ਕਿਹਾ। ਉਨ੍ਹਾਂ ਨੇ ਕਿਹਾ, 'ਉਹ (ਰੋਹਿਤ ਦੀ ਜਗ੍ਹਾ ਹਾਰਦਿਕ ਨੂੰ ਕਪਤਾਨ ਬਣਾਉਣਾ) ਇੱਕ ਫਰੈਂਚਾਇਜ਼ੀ ਦਾ ਫੈਸਲਾ ਸੀ ਅਤੇ ਇਸ ਨਾਲ ਟੀਮ ਇੰਡੀਆ ਲਈ ਹੋਣ ਵਾਲੇ ਫੈਸਲਿਆਂ 'ਤੇ ਕੋਈ ਫਰਕ ਨਹੀਂ ਪੈਣਾ ਚਾਹੀਦਾ ਹੈ। ਰੋਹਿਤ ਤਿੰਨਾਂ ਫਾਰਮੈਟਾਂ ਵਿੱਚ ਟੀਮ ਇੰਡੀਆ ਦੇ ਕਪਤਾਨ ਬਣੇ ਰਹਿਣਗੇ।
ਸਮੀਖਿਆ ਮੀਟਿੰਗ ਤੋਂ ਬਾਅਦ, ਭਵਿੱਖ ਵਿੱਚ ਵੀ ਰੋਹਿਤ ਦੀ ਕਪਤਾਨੀ ਦੀ ਪੁਸ਼ਟੀ ਹੋਈ!
ਅਖਬਾਰ ਨੇ ਇਸ ਤੋਂ ਪਹਿਲਾਂ ਟੀ-20 ਵਿਸ਼ਵ ਕੱਪ 2024 ਦੀ ਕਪਤਾਨੀ ਬਾਰੇ ਵੀ ਖੁਲਾਸਾ ਕੀਤਾ ਸੀ। ਕਿਹਾ ਗਿਆ ਕਿ ਵਿਸ਼ਵ ਕੱਪ 2023 ਤੋਂ ਬਾਅਦ ਜਦੋਂ ਬੀਸੀਸੀਆਈ ਦੀ ਸਮੀਖਿਆ ਮੀਟਿੰਗ ਹੋਈ ਤਾਂ ਉਸ ਵਿੱਚ ਟੀਮ ਇੰਡੀਆ ਦੀਆਂ ਭਵਿੱਖ ਦੀਆਂ ਯੋਜਨਾਵਾਂ 'ਤੇ ਵੀ ਚਰਚਾ ਕੀਤੀ ਗਈ। ਇਸ ਦੌਰਾਨ ਰੋਹਿਤ ਸ਼ਰਮਾ ਨੇ ਬੀ.ਸੀ.ਸੀ.ਆਈ. ਦੇ ਅਧਿਕਾਰੀਆਂ ਤੋਂ ਸਾਫ ਤੌਰ 'ਤੇ ਪੁੱਛਿਆ ਸੀ ਕਿ ਕੀ ਬੋਰਡ ਉਨ੍ਹਾਂ ਨੂੰ ਟੀ-20 ਵਿਸ਼ਵ ਕੱਪ 2024 'ਚ ਦੇਖਦਾ ਹੈ? ਰੋਹਿਤ ਨੇ ਬੋਰਡ ਅਧਿਕਾਰੀਆਂ ਨੂੰ ਇਹ ਵੀ ਕਿਹਾ ਸੀ ਕਿ ਜੇਕਰ ਉਨ੍ਹਾਂ ਨੂੰ ਟੀ-20 ਵਿਸ਼ਵ ਕੱਪ 2024 ਦੀਆਂ ਯੋਜਨਾਵਾਂ 'ਚ ਗਿਣਿਆ ਜਾ ਰਿਹਾ ਹੈ ਤਾਂ ਉਨ੍ਹਾਂ ਨੂੰ ਇਸ ਬਾਰੇ ਹੁਣ ਤੋਂ ਹੀ ਸੂਚਿਤ ਕੀਤਾ ਜਾਵੇ। ਰੋਹਿਤ ਦੇ ਇਸ ਸਵਾਲ 'ਤੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ, ਚੋਣ ਕਮੇਟੀ ਅਤੇ ਬੋਰਡ ਅਧਿਕਾਰੀਆਂ ਨੇ ਸਹਿਮਤੀ ਜਤਾਈ। ਸਾਰਿਆਂ ਨੇ ਸਰਬਸੰਮਤੀ ਨਾਲ ਕਿਹਾ ਸੀ ਕਿ ਫਿਲਹਾਲ ਸਿਰਫ ਰੋਹਿਤ ਹੀ ਤਿੰਨਾਂ ਫਾਰਮੈਟਾਂ 'ਚ ਭਾਰਤੀ ਟੀਮ ਦੀ ਅਗਵਾਈ ਕਰਨਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)