IPL 2021: ਇੰਡੀਅਨ ਪ੍ਰੀਮੀਅਰ ਲੀਗ (IPL) ਟੂਰਨਾਮੈਂਟ ਦੀ ਇੱਕ ਖ਼ਾਸ ਗੱਲ ਇਹ ਹੈ ਕਿ ਇਸ 'ਚ ਦੋਸਤ ਤੇ ਹਮਵਤਨ ਖਿਡਾਰੀ ਵੀ ਇੱਕ-ਦੂਜੇ ਖਿਲਾਫ ਮੈਦਾਨ ਵਿੱਚ ਉਤਰਦੇ ਹਨ। ਟੀਮ ਤੇ ਹੋਰ ਖਿਡਾਰੀ ਵਿਰੋਧੀ ਟੀਮ ਨੂੰ ਹਰਾਉਣ ਲਈ ਸਖ਼ਤ ਮਿਹਨਤ ਕਰਦੇ ਹਨ, ਪਰ ਮੈਚ ਤੋਂ ਬਾਅਦ ਵਿਰੋਧੀ ਟੀਮ ਦਾ ਆਪਣੇ ਖਾਸ ਖਿਡਾਰੀਆਂ ਨਾਲ ਦੋਸਤੀ ਵਾਲਾ ਰਵੱਈਆ ਕਾਇਮ ਰਹਿੰਦਾ ਹੈ।
ਅਜਿਹਾ ਹੀ ਨਜ਼ਰੀਆ ਕਲਕੱਤਾ ਨਾਈਟ ਰਾਈਡਰਜ਼ ਖਿਲਾਫ ਦਿੱਲੀ ਰਾਜਧਾਨੀ ਦੀ 7 ਵਿਕਟਾਂ ਦੀ ਜਿੱਤ ਦੌਰਾਨ ਦੇਖਣ ਨੂੰ ਮਿਲਿਆ। ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਨੇ ਪਹਿਲੇ ਓਵਰ ਵਿੱਚ ਸ਼ਿਵਮ ਮਾਵੀ ਨੂੰ ਭੰਨਿਆ ਤੇ ਛੇ ਚੌਕੇ ਜੜ ਕੇ ਦਿੱਲੀ ਨੂੰ ਚੰਗੀ ਸ਼ੁਰੂਆਤ ਦਿੱਤੀ।
ਮਾਵੀ ਨੇ ਵਾਈਡ ਗੇਂਦ ਸੁੱਟ ਕੇ ਆਪਣੇ ਓਵਰ ਦੀ ਸ਼ੁਰੂਆਤ ਕੀਤੀ ਫਿਰ ਪ੍ਰਿਥਵੀ ਸ਼ਾਅ ਨੇ ਸਾਰੀਆਂ ਗੇਂਦਾਂ 'ਤੇ ਚੌਕੇ ਮਾਰੇ। ਦੋਵੇਂ ਪਹਿਲਾਂ ਵੀ ਇਕੱਠੇ ਖੇਡਦੇ ਰਹੇ ਹਨ। ਮਾਵੀ ਤੇ ਸ਼ਾਅ ਨੇ ਸਾਲ 2018 ਵਿੱਚ ਮਿਲ ਕੇ ਅੰਡਰ-19 ਵਰਲਡ ਕੱਪ ਜਿੱਤਿਆ ਸੀ। ਮਾਵੀ ਨੇ ਮੈਚ ਤੋਂ ਬਾਅਦ ਸ਼ਾਅ ਨੂੰ ਫੜਿਆ ਤੇ ਮਜ਼ਾਕੀਆ ਅੰਦਾਜ਼ ਨਾਲ ਉਸ ਦੀ ਗਰਦਨ ਫੜਕੇ ਉਸ ਨੂੰ ਦੂਰ ਤਕ ਲੈ ਗਿਆ।
ਇਸ ਦਾ ਵੀਡੀਓ ਖੂਬ ਵਾਇਰਲ ਹੋ ਰਿਹਾ ਹੈ ਤੇ ਫੈਨਸ ਨੂੰ ਇਹ ਦੋਸਤੀ ਖੂਬ ਪਸੰਦ ਵੀ ਆ ਰਹੀ ਹੈ। ਦੱਸ ਦਈਏ ਕਿ ਮੈੱਚ ਦੌਰਾਨ ਕੋਲਕਾਤਾ ਵੱਲੋਂ ਮਿਲੇ 154 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਦਿੱਲੀ ਨੇ 16.3 ਓਵਰਾਂ ਵਿਚ ਸਿਰਫ ਤਿੰਨ ਵਿਕਟਾਂ ਗੁਆ ਕੇ ਮੈਚ ਆਸਾਨੀ ਨਾਲ ਜਿੱਤ ਲਿਆ।
ਪ੍ਰਿਥਵੀ ਸ਼ਾਅ ਇਸ ਜਿੱਤ ਦਾ ਹੀਰੇ ਸੀ ਉਸਨੇ ਦਿੱਲੀ ਲਈ ਸਿਰਫ 41 ਗੇਂਦਾਂ ਵਿੱਚ 200 ਦੇ ਸਟ੍ਰਾਈਕ ਰੇਟ ਨਾਲ 82 ਦੌੜਾਂ ਦੀ ਧਮਾਕੇਦਾਰ ਪਾਰੀ ਖੇਡੀ। ਇਸ ਸਮੇਂ ਦੌਰਾਨ ਉਸ ਦੇ ਬੱਲੇ ਤੋਂ 11 ਚੌਕੇ ਤੇ ਤਿੰਨ ਛੱਕੇ ਨਿਕਲੇ। ਸ਼ਾਅ ਨੇ ਆਪਣਾ ਅਰਧ ਸੈਂਕੜਾ ਸਿਰਫ 18 ਗੇਂਦਾਂ ਵਿੱਚ ਪੂਰਾ ਕੀਤਾ, ਜੋ ਇਸ ਸੀਜ਼ਨ ਦਾ ਸਭ ਤੋਂ ਤੇਜ਼ ਅਰਧ ਸੈਂਕੜਾ ਹੈ।
ਸ਼ਾਅ ਤੋਂ ਇਲਾਵਾ ਦਿੱਲੀ ਲਈ ਸ਼ਿਖਰ ਧਵਨ ਨੇ 47 ਗੇਂਦਾਂ ਵਿੱਚ 46 ਦੌੜਾਂ ਬਣਾਈਆਂ। ਇਸ ਪਾਰੀ ਵਿੱਚ ਉਸਨੇ ਚਾਰ ਚੌਕੇ ਤੇ ਇੱਕ ਛੱਕਾ ਮਾਰਿਆ। ਇਸ ਦੇ ਨਾਲ ਹੀ ਕਪਤਾਨ ਰਿਸ਼ਭ ਪੰਤ ਨੇ ਅੱਠ ਗੇਂਦਾਂ ਵਿੱਚ ਦੋ ਚੌਕਿਆਂ ਤੇ ਇੱਕ ਛੱਕੇ ਦੀ ਬਦੌਲਤ 16 ਦੌੜਾਂ ਬਣਾਈਆਂ।
ਇਹ ਵੀ ਪੜ੍ਹੋ: Soli Sorabjee Death: ਸਾਬਕਾ ਅਟਾਰਨੀ ਜਨਰਲ Soli Sorabjee ਦਾ ਦੇਹਾਂਤ, 91 ਸਾਲ ਦੀ ਉਮਰ 'ਚ ਲਏ ਆਖਰੀ ਸਾਹ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904