T20 World Cup 2022 ਦਾ ਅੱਜ ਹੋਵੇਗਾ ਆਗਾਜ਼, ਸ੍ਰੀਲੰਕਾ ਤੇ ਨਾਮੀਬੀਆ ਵਿਚਾਲੇ ਹੋਵੇਗਾ ਪਹਿਲਾ ਮੁਕਾਬਲਾ

Sri Lanka vs Namibia: ਟੀ-20 ਵਿਸ਼ਵ ਕੱਪ 2022 ਅੱਜ (16 ਅਕਤੂਬਰ) ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਦਾ ਪਹਿਲਾ ਮੈਚ ਸ਼੍ਰੀਲੰਕਾ ਅਤੇ ਨਾਮੀਬੀਆ ਵਿਚਾਲੇ ਖੇਡਿਆ ਜਾਵੇਗਾ।

ਸ੍ਰੀਲੰਕਾ ਤੇ ਨਾਮੀਬੀਆ ਵਿਚਾਲੇ ਹੋਵੇਗਾ ਪਹਿਲਾ ਮੁਕਾਬਲਾ

Sri Lanka vs Namibia T20 World Cup 2022: ਟੀ-20 ਵਿਸ਼ਵ ਕੱਪ 2022 ਐਤਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਇਸ ਦਾ ਪਹਿਲਾ ਮੈਚ ਸ੍ਰੀਲੰਕਾ ਅਤੇ ਨਾਮੀਬੀਆ ਵਿਚਾਲੇ ਖੇਡਿਆ ਜਾਵੇਗਾ। ਸ੍ਰੀਲੰਕਾ ਨੇ ਪਿਛਲੇ ਕੁਝ ਮਹੀਨਿਆਂ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਅਤੇ ਉਸ ਨੂੰ ਇਸ ਵਾਰ ਟੀ-20 ਵਿਸ਼ਵ ਕੱਪ ਖਿਤਾਬ ਦਾ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ। ਦੂਜੇ ਪਾਸੇ ਨਾਮੀਬੀਆ ਨੇ ਆਪਣੇ ਪਿਛਲੇ ਕੁਝ ਮੈਚਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਪਰ ਉਸ ਲਈ ਸ਼੍ਰੀਲੰਕਾ ਨਾਲ ਮੁਕਾਬਲਾ ਕਰਨਾ ਆਸਾਨ ਨਹੀਂ ਹੋਵੇਗਾ।

 ਸ਼੍ਰੀਲੰਕਾ ਦੀ ਟੀਮ: ਪਥੁਮ ਨਿਸਾਂਕਾ, ਕੁਸਲ ਮੇਂਡਿਸ (ਵਿਕੇਟਕੀਪਰ), ਧਨੰਜਯਾ ਡੀ ਸਿਲਵਾ, ਦਾਨੁਸ਼ਕਾ ਗੁਣਾਤਿਲਕਾ, ਭਾਨੁਕਾ ਰਾਜਪਕਸੇ, ਦਾਸੁਨ ਸ਼ਨਾਕਾ (ਕਪਤਾਨ), ਵਨਿੰਦੂ ਹਸਾਰੰਗਾ, ਚਮਿਕਾ ਕਰੁਣਾਰਤਨੇ, ਪ੍ਰਮੋਦ ਮਦੁਸ਼ਨ, ਮਹੇਸ਼ ਥੇਕਸ਼ਾਨਾ, ਦਿਲਸ਼ਾਨ ਮਦੁਸ਼ੰਕਾ, ਕੁਮਾਰ ਜੈਸੇਨਰਾ, ਜੇ. ਚਰਿਤ ਅਸਲੰਕਾ

ਨਾਮੀਬੀਆ ਟੀਮ: ਸਟੀਫਨ ਬਾਰਡ, ਡੇਵਿਡ ਵਾਈਜ਼, ਗੇਰਹਾਰਡ ਇਰਾਸਮਸ (ਕੈਪਟਨ), ਜੌਨ ਨਿਕੋਲ ਲੋਫਟੀ-ਈਟਨ, ਜੇਜੇ ਸਮਿਟ, ਜੌਨ ਫ੍ਰੀਲਿੰਕ, ਪਿਕੀ ਯਾ ਫਰਾਂਸ, ਜ਼ੈਨ ਗ੍ਰੀਨ (ਵਿਕਟਕੀਪਰ), ਰੂਬੇਨ ਟਰੰਪਲਮੈਨ, ਬਰਨਾਰਡ ਸ਼ੋਲਟਜ਼, ਟੈਂਗਨੀ ਲੁੰਗਮੇਨੀ, ਬੇਨ ਸ਼ਿਕਾਂਗੋ, ਮਾਈਕਲ ਵੈਨ ਲਿੰਗੇਨ, ਲੋਹੈਂਡਰੇ ਲੂਵਰੈਂਸ, ਕਾਰਲ ਬਿਰਕੇਨਸਟੌਕ, ਦੀਵਾਨ ਲਾ ਕਾਕ

ਇਹ ਵੀ ਪੜ੍ਹੋ: T20 World Cup 2022'ਚ ਭਾਰਤੀ ਟੀਮ ਗੇਂਦਬਾਜ਼ੀ ਦੇ ਮਾਮਲੇ 'ਚ ਹੋ ਸਕਦੀ ਹੈ ਕਮਜ਼ੋਰ, ਬੱਲੇਬਾਜ਼ੀ ਕਰਨ ਵਾਲੇ ਇਹ ਖਿਡਾਰੀ ਦਿਖਾਉਣਗੇ ਜਾਦੂ

ਆਸਟ੍ਰੇਲੀਆ ਨੇ ਅਸਲ ਵਿੱਚ 2020 ਵਿੱਚ ਆਈਸੀਸੀ ਪੁਰਸ਼ਾਂ ਦੇ ਟੀ-20 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰਨੀ ਸੀ, ਪਰ ਕੋਵਿਡ-19 ਕਾਰਨ ਇਸ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ ਅਤੇ ਇਸ ਸਾਲ 16 ਅਕਤੂਬਰ ਤੋਂ 13 ਨਵੰਬਰ ਨੂੰ ਮੁੜ ਤਹਿ ਕਰ ਦਿੱਤਾ ਗਿਆ ਸੀ। ਸ਼ੋਅਪੀਸ ਈਵੈਂਟ ਵਿੱਚ 16 ਟੀਮਾਂ 45 ਮੈਚ ਖੇਡਣਗੀਆਂ ਅਤੇ ਫਾਈਨਲ 13 ਨਵੰਬਰ ਨੂੰ ਮੈਲਬੌਰਨ ਕ੍ਰਿਕਟ ਗਰਾਊਂਡ (MCG) ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਐਡੀਲੇਡ (ਐਡੀਲੇਡ ਓਵਲ), ਬ੍ਰਿਸਬੇਨ (ਦਿ ਗਾਬਾ), ਜੀਲੋਂਗ (ਕਾਰਡੀਨੀਆ ਪਾਰਕ ਸਟੇਡੀਅਮ), ਹੋਬਾਰਟ (ਬੇਲੇਰੀਵ ਓਵਲ), ਮੈਲਬੋਰਨ (ਐਮਸੀਜੀ), ਪਰਥ (ਪਰਥ ਸਟੇਡੀਅਮ) ਅਤੇ ਸਿਡਨੀ (ਐਸਸੀਜੀ) ਵਿਖੇ ਖੇਡੇ ਜਾਣਗੇ।

ਇਹ ਪਹਿਲੀ ਵਾਰ ਹੈ ਜਦੋਂ ਆਸਟ੍ਰੇਲੀਆ ਫਰਵਰੀ-ਮਾਰਚ 2020 ਵਿੱਚ ਹੋਏ ਮਹਿਲਾ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਪੁਰਸ਼ਾਂ ਦੇ ਟੀ-20 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕਰੇਗਾ।

ਨੋਟ- ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।