Sports News: 2024 'ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਤੇ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਟਾਪ-5 ਭਾਰਤੀ, ਜਾਣੋ ਬੁਮਰਾਹ ਤੇ ਕੋਹਲੀ ਦਾ ਹਾਲ ?
ਆਓ, ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ 2024 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਤੇ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਚੋਟੀ ਦੇ 5 ਭਾਰਤੀ ਖਿਡਾਰੀ ਕੌਣ ਹਨ? ਤਿੰਨ ਬੱਲੇਬਾਜ਼ਾਂ ਨੇ ਇੱਕ ਹਜ਼ਾਰ ਦੌੜਾਂ ਦੇ ਅੰਕੜੇ ਨੂੰ ਛੂਹਿਆ।
Sports News: ਭਾਰਤੀ ਕ੍ਰਿਕਟ ਟੀਮ ਨੇ 2024 ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਸੀ ਪਰ ਇਸ ਦਾ ਅੰਤ ਇੰਝ ਨਹੀਂ ਹੋਇਆ। ਭਾਰਤ ਨੂੰ ਇਸ ਸਾਲ ਆਪਣੇ ਆਖ਼ਰੀ ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਭਾਰਤ ਹਾਲ ਹੀ ਵਿੱਚ ਮੈਲਬੋਰਨ ਵਿੱਚ ਆਸਟ੍ਰੇਲੀਆ ਤੋਂ ਚੌਥਾ ਟੈਸਟ 184 ਦੌੜਾਂ ਨਾਲ ਹਾਰ ਗਿਆ ਸੀ। ਹਾਲਾਂਕਿ 2024 ਬਹੁਤ ਸਾਰੇ ਭਾਰਤੀ ਖਿਡਾਰੀਆਂ ਲਈ ਯਾਦਗਾਰ ਰਿਹਾ, ਕੁਝ ਉਮੀਦਾਂ ਅਨੁਸਾਰ ਛਾਪ ਨਹੀਂ ਛੱਡ ਸਕੇ।
ਆਓ, ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ 2024 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਤੇ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਚੋਟੀ ਦੇ 5 ਭਾਰਤੀ ਖਿਡਾਰੀ ਕੌਣ ਹਨ? ਤਿੰਨ ਬੱਲੇਬਾਜ਼ਾਂ ਨੇ ਇੱਕ ਹਜ਼ਾਰ ਦੌੜਾਂ ਦੇ ਅੰਕੜੇ ਨੂੰ ਛੂਹਿਆ।
ਨੌਜਵਾਨ ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ (yashasvi jaiswal) ਨੇ 2024 ਵਿੱਚ ਭਾਰਤ ਲਈ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਸ ਨੇ 23 ਮੈਚਾਂ ਵਿੱਚ 52.08 ਦੀ ਔਸਤ ਨਾਲ 1771 ਦੌੜਾਂ ਜੋੜੀਆਂ। ਉਹ 15 ਟੈਸਟ ਅਤੇ 7 ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਨਜ਼ਰ ਆਏ। ਉਸ ਨੇ ਅਜੇ ਤੱਕ ਵਨਡੇ ਕ੍ਰਿਕਟ 'ਚ ਡੈਬਿਊ ਨਹੀਂ ਕੀਤਾ ਹੈ।
ਦੂਜੇ ਸਥਾਨ 'ਤੇ ਸ਼ੁਭਮਨ ਗਿੱਲ (Shubman Gill) ਹਨ, ਜਿਨ੍ਹਾਂ ਨੇ 23 ਮੈਚਾਂ 'ਚ 39.63 ਦੀ ਔਸਤ ਨਾਲ 1189 ਦੌੜਾਂ ਬਣਾਈਆਂ ਹਨ। ਕਪਤਾਨ ਰੋਹਿਤ ਸ਼ਰਮਾ (Rohit Sharma) ਨੇ 28 ਮੈਚਾਂ ਵਿੱਚ 31.18 ਦੀ ਔਸਤ ਨਾਲ 1154 ਦੌੜਾਂ ਜੋੜੀਆਂ। ਰੋਹਿਤ ਦਾ ਬੱਲਾ ਲੰਬੇ ਸਮੇਂ ਤੋਂ ਖਾਮੋਸ਼ ਹੈ। ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ (Rishab Pant) ਨੇ 20 ਮੈਚਾਂ 'ਚ 32.16 ਦੀ ਔਸਤ ਨਾਲ 804 ਦੌੜਾਂ ਬਣਾਈਆਂ।
ਕੋਹਲੀ (Virat Kohli) ਪੰਜਵੇਂ ਨੰਬਰ 'ਤੇ ਮੌਜੂਦ ਹਨ। ਉਸਨੇ 2024 ਵਿੱਚ 23 ਅੰਤਰਰਾਸ਼ਟਰੀ ਮੈਚਾਂ ਵਿੱਚ 21.83 ਦੀ ਔਸਤ ਨਾਲ 655 ਦੌੜਾਂ ਬਣਾਈਆਂ। ਕੋਹਲੀ ਨਿਊਜ਼ੀਲੈਂਡ ਤੋਂ ਬਾਅਦ ਆਸਟ੍ਰੇਲੀਆ ਸੀਰੀਜ਼ 'ਚ ਵੀ ਧਮਾਕੇਦਾਰ ਪ੍ਰਦਰਸ਼ਨ ਕਰਨ 'ਚ ਨਾਕਾਮ ਰਹੇ। ਉਸ ਨੇ ਪਰਥ ਵਿੱਚ ਸੈਂਕੜਾ ਜੜਿਆ ਸੀ ਪਰ ਉਸ ਵਿੱਚ ਨਿਰੰਤਰਤਾ ਦੀ ਘਾਟ ਸੀ।
ਦੂਜੇ ਪਾਸੇ ਜਸਪ੍ਰੀਤ ਬੁਮਰਾਹ 2024 ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੇ ਟਾਪ-5 ਭਾਰਤੀ ਗੇਂਦਬਾਜ਼ਾਂ ਦੀ ਸੂਚੀ ਵਿੱਚ ਸਿਖਰ ’ਤੇ ਹਨ। ਇਸ ਸਾਲ ਉਸ ਨੇ ਭਾਰਤ ਲਈ ਹੀ ਨਹੀਂ ਸਗੋਂ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵੀ ਸਭ ਤੋਂ ਵੱਧ ਵਿਕਟਾਂ ਲਈਆਂ। ਇਸ ਤੇਜ਼ ਗੇਂਦਬਾਜ਼ ਨੇ 21 ਮੈਚਾਂ 'ਚ 86 ਵਿਕਟਾਂ ਲਈਆਂ। ਉਸਨੇ 13 ਟੈਸਟ ਅਤੇ ਟੀ-20 ਖੇਡੇ।
ਬੁਮਰਾਹ ਨੇ ਟੈਸਟ ਵਿੱਚ 71 ਵਿਕਟਾਂ ਲਈਆਂ, ਜੋ 2024 ਵਿੱਚ ਰੈੱਡ-ਬਾਲ ਫਾਰਮੈਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਹਨ। ਉਨ੍ਹਾਂ ਨੇ ਆਸਟ੍ਰੇਲੀਆ ਖਿਲਾਫ ਚੱਲ ਰਹੀ ਟੈਸਟ ਸੀਰੀਜ਼ 'ਚ 30 ਵਿਕਟਾਂ ਲਈਆਂ ਹਨ। ਬੁਮਰਾਹ ਤੋਂ ਬਾਅਦ 2024 'ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਭਾਰਤੀ ਖਿਡਾਰੀ ਰਵਿੰਦਰ ਜਡੇਜਾ ਹਨ। ਆਲਰਾਊਂਡਰ ਜਡੇਜਾ ਨੇ 20 ਮੈਚਾਂ 'ਚ 49 ਵਿਕਟਾਂ ਲਈਆਂ। ਅਨੁਭਵੀ ਸਪਿਨਰ ਰਵੀਚੰਦਰਨ ਅਸ਼ਵਿਨ ਨੇ 11 ਮੈਚਾਂ 'ਚ 47 ਵਿਕਟਾਂ ਲਈਆਂ। ਉਸ ਨੇ ਆਸਟ੍ਰੇਲੀਆ ਦੌਰੇ ਦੌਰਾਨ ਅਚਾਨਕ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ 19 ਮੈਚਾਂ 'ਚ 40 ਵਿਕਟਾਂ ਲਈਆਂ। ਪੰਜਵੇਂ ਨੰਬਰ 'ਤੇ ਹੈਰਾਨੀਜਨਕ ਨਾਂ ਹੈ। ਨੌਜਵਾਨ ਆਲਰਾਊਂਡਰ ਵਾਸ਼ਿੰਗਟਨ ਸੁੰਦਰ ਨੇ ਵੀ 19 ਮੈਚਾਂ 'ਚ 40 ਵਿਕਟਾਂ ਲਈਆਂ।
Before You Go
'ਮੈਨੂੰ ਫਿਰ ਧਮਕੀਆਂ ਮਿਲੀਆਂ' ਗਿਆਨੀ ਹਰਪ੍ਰੀਤ ਸਿੰਘ ਨੇ ਖੋਲੇ ਰਾਜ਼
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
