ਵਿਰਾਟ ਕੋਹਲੀ ਨੇ ਕਪਤਾਨੀ ਛੱਡਣ ਦੀ ਦੱਸੀ ਇਹ ਵਜ੍ਹਾ , ਇਨ੍ਹਾਂ ਗੱਲਾਂ ਦਾ ਕੀਤਾ ਜ਼ਿਕਰ , ਪੜ੍ਹੋ ਪੂਰਾ ਬਿਆਨ

ਟੈਸਟ ਕ੍ਰਿਕਟ 'ਚ ਭਾਰਤ ਨੂੰ ਅਰਸ 'ਤੇ ਪਹੁੰਚਾਉਣ ਵਾਲੇ ਭਾਰਤੀ ਕ੍ਰਿਕਟ ਟੀਮ (Indian Cricket Team) ਦੇ ਕਪਤਾਨ ਵਿਰਾਟ ਕੋਹਲੀ (Virat Kohli Test Captaincy) ਨੇ ਪੂਰੀ ਤਰ੍ਹਾਂ ਨਾਲ ਕਪਤਾਨੀ ਛੱਡ ਦਿੱਤੀ ਹੈ।

Virat Kohli

ਮੁੰਬਈ : ਟੈਸਟ ਕ੍ਰਿਕਟ 'ਚ ਭਾਰਤ ਨੂੰ ਅਰਸ 'ਤੇ ਪਹੁੰਚਾਉਣ ਵਾਲੇ ਭਾਰਤੀ ਕ੍ਰਿਕਟ ਟੀਮ (Indian Cricket Team) ਦੇ ਕਪਤਾਨ ਵਿਰਾਟ ਕੋਹਲੀ (Virat Kohli Test Captaincy) ਨੇ ਪੂਰੀ ਤਰ੍ਹਾਂ ਨਾਲ ਕਪਤਾਨੀ ਛੱਡ ਦਿੱਤੀ ਹੈ। ਉਹ ਦੱਖਣੀ ਅਫਰੀਕਾ ਦੌਰੇ ਤੋਂ ਪਹਿਲਾਂ ਹੀ ਟੀ-20 ਅਤੇ ਵਨਡੇ ਕਪਤਾਨੀ ਤੋਂ ਹਟ ਚੁੱਕੇ ਸਨ ਅਤੇ ਹੁਣ ਉਨ੍ਹਾਂ ਨੇ ਟੈਸਟ ਕਪਤਾਨੀ ਨੂੰ ਵੀ ਅਲਵਿਦਾ ਕਹਿ ਦਿੱਤਾ ਹੈ। ਇਸ ਨਾਲ ਕੋਹਲੀ ਹੁਣ ਤਿੰਨੋਂ ਫਾਰਮੈਟਾਂ ਵਿੱਚ ਭਾਰਤੀ ਟੀਮ ਦੀ ਕਪਤਾਨੀ ਤੋਂ ਬਾਹਰ ਹੋ ਗਏ ਹਨ।

 

ਕੋਹਲੀ ਦੀ ਕਪਤਾਨੀ ਵਿੱਚ ਭਾਰਤੀ ਟੀਮ ਨੇ ਟੈਸਟ ਕ੍ਰਿਕਟ ਵਿੱਚ ਲਗਾਤਾਰ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਨੰਬਰ ਇੱਕ ਦੀ ਕੁਰਸੀ ਹਾਸਲ ਕੀਤੀ ਸੀ। ਸ਼ਨੀਵਾਰ 15 ਜਨਵਰੀ ਨੂੰ ਕੋਹਲੀ ਨੇ ਟਵਿਟਰ 'ਤੇ ਬਿਆਨ ਜਾਰੀ ਕਰਕੇ ਆਪਣੇ ਫੈਸਲੇ ਦੀ ਜਾਣਕਾਰੀ ਦਿੱਤੀ ਅਤੇ ਇਕ ਵਾਰ ਫਿਰ ਕ੍ਰਿਕਟ ਜਗਤ ਨੂੰ ਹੈਰਾਨ ਕਰ ਦਿੱਤਾ। ਕੋਹਲੀ ਨੇ ਆਪਣੇ ਬਿਆਨ 'ਚ ਕਿਹਾ ਕਿ ਹਰ ਚੰਗੀ ਚੀਜ਼ ਦਾ ਅੰਤ ਹੁੰਦਾ ਹੈ ਅਤੇ ਉਨ੍ਹਾਂ ਲਈ ਇਹ ਅੰਤ ਅੱਜ ਹੈ।

 

ਜਿਸ ਤਰ੍ਹਾਂ ਕੋਹਲੀ ਨੇ ਪਿਛਲੇ ਸਾਲ ਸਤੰਬਰ 'ਚ ਇਕ ਬਿਆਨ ਜਾਰੀ ਕਰਕੇ ਅਚਾਨਕ ਟੀ-20 ਟੀਮ ਦੀ ਕਪਤਾਨੀ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ ਸੀ, ਉਸੇ ਤਰ੍ਹਾਂ ਉਨ੍ਹਾਂ ਨੇ ਆਪਣੇ ਅਕਾਊਂਟ 'ਤੇ ਲੰਬਾ ਬਿਆਨ ਜਾਰੀ ਕਰਕੇ ਟੈਸਟ ਦੀ ਕਪਤਾਨੀ ਤੋਂ ਛੁੱਟੀ ਲਈ। ਕੋਹਲੀ ਨੇ ਆਪਣੇ ਬਿਆਨ 'ਚ ਕਿਹਾ, ''ਪਿਛਲੇ 7 ਸਾਲਾਂ ਤੋਂ ਸਖਤ ਮਿਹਨਤ, ਸੰਘਰਸ਼ ਅਤੇ ਹਰ ਦਿਨ ਸੰਘਰਸ਼ ਕਰਕੇ ਅਸੀਂ ਟੀਮ ਨੂੰ ਸਹੀ ਦਿਸ਼ਾ 'ਚ ਲੈ ਕੇ ਜਾਣ ਦਾ ਕੰਮ ਕੀਤਾ ਹੈ। ਮੈਂ ਆਪਣਾ ਕੰਮ ਪੂਰੀ ਇਮਾਨਦਾਰੀ ਨਾਲ ਕੀਤਾ ਅਤੇ ਕੁਝ ਵੀ ਨਹੀਂ ਛੱਡਿਆ। ਹਰ ਚੀਜ਼ ਦੇ ਰੁਕਣ ਦਾ ਸਮਾਂ ਆਉਂਦਾ ਹੈ ਅਤੇ ਮੇਰੇ ਲਈ ਭਾਰਤ ਦੇ ਟੈਸਟ ਕਪਤਾਨ ਵਜੋਂ ਇਹ ਵਕਤ ਹੁਣ ਹੈ।

🇮🇳 pic.twitter.com/huBL6zZ7fZ

— Virat Kohli (@imVkohli) January 15, 2022

 

ਮੇਰਾ ਦਿਲ ਸਾਫ਼ ਹੈ, ਟੀਮ ਨਾਲ ਨਹੀਂ ਕਰ ਸਕਦਾ ਬੇਈਮਾਨ  

ਕੋਹਲੀ ਨੇ ਇਹ ਵੀ ਕਿਹਾ ਕਿ ਉਸ ਨੇ ਕਈ ਉਤਰਾਅ-ਚੜ੍ਹਾਅ ਦੇਖੇ ਪਰ ਮੈਦਾਨ 'ਤੇ ਹਮੇਸ਼ਾ ਆਪਣਾ 120 ਫੀਸਦੀ ਦਿੱਤਾ। ਸਾਬਕਾ ਭਾਰਤੀ ਕਪਤਾਨ ਨੇ ਕਿਹਾ,“ਇਸ ਸਫ਼ਰ ਵਿੱਚ ਉਤਰਾਅ-ਚੜ੍ਹਾਅ ਆਏ ਹਨ ਪਰ ਕੋਸ਼ਿਸ਼ ਜਾਂ ਵਿਸ਼ਵਾਸ ਦੀ ਕਦੇ ਕਮੀ ਨਹੀਂ ਆਈ। ਮੈਂ ਹਮੇਸ਼ਾ ਆਪਣੇ ਹਰ ਕੰਮ ਵਿੱਚ 120 ਪ੍ਰਤੀਸ਼ਤ ਦੇਣ ਵਿੱਚ ਵਿਸ਼ਵਾਸ ਕੀਤਾ ਹੈ ਅਤੇ ਜੇਕਰ ਮੈਂ ਅਜਿਹਾ ਨਹੀਂ ਕਰ ਸਕਦਾ ਤਾਂ ਮੈਂ ਜਾਣਦਾ ਹਾਂ ਕਿ ਇਹ ਸਹੀ ਨਹੀਂ ਹੈ। ਮੇਰਾ ਦਿਲ ਸਾਫ਼ ਹੈ ਅਤੇ ਮੈਂ ਆਪਣੀ ਟੀਮ ਨਾਲ ਬੇਈਮਾਨ ਨਹੀਂ ਹੋ ਸਕਦਾ।

 

 ਬੀਸੀਸੀਆਈ ਅਤੇ ਸਾਥੀ ਖਿਡਾਰੀਆਂ 'ਤੇ ਬੋਲੇ ਕੋਹਲੀ 

 

ਇਸ ਦੇ ਨਾਲ ਹੀ ਵਿਰਾਟ ਨੇ ਬੀਸੀਸੀਆਈ ਅਧਿਕਾਰੀਆਂ ਅਤੇ ਸਾਥੀ ਖਿਡਾਰੀਆਂ ਦਾ ਲੰਬੇ ਸਹਿਯੋਗ ਲਈ ਧੰਨਵਾਦ ਵੀ ਕੀਤਾ। ਕੋਹਲੀ ਨੇ ਕਿਹਾ, “ਮੈਂ BCCI ਦਾ ਧੰਨਵਾਦ ਕਰਦਾ ਹਾਂ ਕਿ ਮੈਨੂੰ ਇੰਨੇ ਲੰਬੇ ਸਮੇਂ ਤੱਕ ਮੇਰੇ ਦੇਸ਼ ਦੀ ਅਗਵਾਈ ਕਰਨ ਦਾ ਮੌਕਾ ਦਿੱਤਾ ਅਤੇ ਸਭ ਤੋਂ ਵੱਧ ਮੈਂ ਆਪਣੇ ਸਾਥੀਆਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ, ਜਿਨ੍ਹਾਂ ਨੇ ਪਹਿਲੇ ਦਿਨ ਤੋਂ ਹੀ ਇਸ ਟੀਮ ਲਈ ਮੇਰੇ ਵਿਜ਼ਨ ਨੂੰ ਅਪਣਾਇਆ ਅਤੇ ਕਿਸੇ ਵੀ ਸਥਿਤੀ ਵਿੱਚ ਹਾਰ ਨਹੀਂ ਮੰਨੀ। ਤੁਸੀਂ ਲੋਕਾਂ ਨੇ ਇਸ ਯਾਤਰਾ ਨੂੰ ਬਹੁਤ ਯਾਦਗਾਰੀ ਅਤੇ ਸੁੰਦਰ ਬਣਾਇਆ ਹੈ।"