IND vs WI Playing XI: ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ 3 ਵਨਡੇ ਸੀਰੀਜ਼ ਦਾ ਆਖਰੀ ਮੈਚ ਤ੍ਰਿਨੀਡਾਡ 'ਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ 'ਚ ਵੈਸਟਇੰਡੀਜ਼ ਦੇ ਕਪਤਾਨ ਸ਼ਾਈ ਹੋਪ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਸ ਤਰ੍ਹਾਂ ਭਾਰਤੀ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰੇਗੀ। ਇਸ ਦੇ ਨਾਲ ਹੀ ਭਾਰਤੀ ਟੀਮ ਇਕ ਵਾਰ ਫਿਰ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਤੋਂ ਬਿਨਾਂ ਮੈਦਾਨ 'ਚ ਉਤਰੀ ਹੈ। ਭਾਰਤੀ ਟੀਮ ਨੇ ਆਪਣੀ ਪਲੇਇੰਗ ਇਲੈਵਨ 'ਚ 2 ਬਦਲਾਅ ਕੀਤੇ ਹਨ।
ਉਮਰਾਨ ਮਲਿਕ ਤੇ ਅਕਸ਼ਰ ਪਟੇਲ ਦੀ ਥਾਂ ਗਾਇਕਵਾੜ ਤੇ ਉਨਾਟਕਟ ਨੂੰ ਮਿਲਿਆ ਮੌਕਾ
ਉਮਰਾਨ ਮਲਿਕ ਅਤੇ ਅਕਸ਼ਰ ਪਟੇਲ ਨੂੰ ਬਾਹਰ ਬੈਠਣਾ ਪਿਆ। ਜਦਕਿ ਰਿਤੁਰਾਜ ਗਾਇਕਵਾੜ ਅਤੇ ਜੈਦੇਵ ਉਨਾਦਕਟ ਨੂੰ ਪਲੇਇੰਗ ਇਲੈਵਨ ਵਿੱਚ ਜਗ੍ਹਾ ਮਿਲੀ ਹੈ। ਦਰਅਸਲ, ਅਕਸ਼ਰ ਪਟੇਲ ਅਤੇ ਉਮਰਾਨ ਮਲਿਕ ਨੇ ਪਿਛਲੇ ਮੈਚ ਵਿੱਚ ਆਪਣੇ ਪ੍ਰਦਰਸ਼ਨ ਤੋਂ ਨਿਰਾਸ਼ ਕੀਤਾ ਸੀ। ਹਾਲਾਂਕਿ ਅਕਸ਼ਰ ਪਟੇਲ ਅਤੇ ਉਮਰਾਨ ਮਲਿਕ ਨੂੰ ਤੀਜੇ ਅਤੇ ਨਿਰਣਾਇਕ ਮੈਚ ਵਿੱਚ ਪਲੇਇੰਗ ਇਲੈਵਨ ਦਾ ਹਿੱਸਾ ਨਹੀਂ ਬਣਾਇਆ ਗਿਆ ਹੈ।
ਭਾਰਤੀ ਟੀਮ ਦੀ ਪਲੇਇੰਗ ਇਲੈਵਨ
ਸ਼ੁਭਮਨ ਗਿੱਲ, ਰਿਤੁਰਾਜ ਗਾਇਕਵਾੜ, ਸੰਜੂ ਸੈਮਸਨ, ਸੂਰਿਆਕੁਮਾਰ ਯਾਦਵ, ਹਾਰਦਿਕ ਪੰਡਯਾ (ਕਪਤਾਨ), ਰਵਿੰਦਰ ਜਡੇਜਾ, ਸ਼ਾਰਦੁਲ ਠਾਕੁਰ, ਜੈਦੇਵ ਉਨਾਦਕਟ, ਕੁਲਦੀਪ ਯਾਦਵ ਅਤੇ ਮੁਕੇਸ਼ ਕੁਮਾਰ।
ਇਹ ਵੀ ਪੜ੍ਹੋ: ਕ੍ਰਿਕੇਟ ਮੈਦਾਨ 'ਚ ਆਇਆ ਸੱਪ ਤਾਂ ਦਿਨੇਸ਼ ਕਾਰਤਿਕ ਨੂੰ ਯਾਦ ਆਈ ਇਹ ਗੱਲ, ਵੀਡੀਓ ਸ਼ੇਅਰ ਕਰ ਕਹੀ ਇਹ ਗੱਲ
ਵੈਸਟਇੰਡੀਜ਼ ਦੀ ਪਲੇਇੰਗ ਇਲੈਵਨ
ਬ੍ਰੈਂਡਨ ਕਿੰਗ, ਕਾਈਲ ਮੇਅਰਸ, ਏਲੀਕ ਅਥਾਨਾਜੇ, ਸ਼ਾਈ ਹੋਪ (ਸੀ ਐਂਡ ਡਬਲਯੂਕੇ), ਸ਼ਿਮਰੋਨ ਹੇਟਮਾਇਰ, ਕੀਸੀ ਕਾਰਟੀ, ਰੋਮਰਿਓ ਸ਼ੈਫਰਡ, ਯਾਨਿਕ ਕੈਰੀਆਹ, ਅਲਜ਼ਾਰੀ ਜੋਸੇਫ, ਗੁਡਾਕੇਸ਼ ਮੋਤੀ, ਜੇਡੇਨ ਸੀਲਸ, ਕੇਵਿਨ ਸਿੰਕਲੇਅਰ, ਡੋਮਿਨਿਕ ਡ੍ਰੇਕਸ, ਰੋਵਮੈਨ ਪੌਵੇਲ, ਓਸ਼ਾਨੇ ਥੋਮਸ
ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਪਲੇਇੰਗ ਇਲੈਵਨ ਦਾ ਹਿੱਸਾ ਨਹੀਂ
ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਤੋਂ ਬਿਨਾਂ ਦੂਜੇ ਵਨਡੇ ਵਿੱਚ ਭਾਰਤੀ ਬੱਲੇਬਾਜ਼ੀ ਕ੍ਰਮ ਬੁਰੀ ਤਰ੍ਹਾਂ ਫਲਾਪ ਹੋ ਗਿਆ ਸੀ। ਜਿਸ ਤੋਂ ਬਾਅਦ ਮੰਨਿਆ ਜਾ ਰਿਹਾ ਸੀ ਕਿ ਤੀਜੇ ਵਨਡੇ 'ਚ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦੀ ਵਾਪਸੀ ਹੋ ਸਕਦੀ ਹੈ ਪਰ ਅਜਿਹਾ ਨਹੀਂ ਹੋਇਆ। ਭਾਰਤੀ ਟੀਮ ਦੋਵੇਂ ਦਿੱਗਜ ਬੱਲੇਬਾਜ਼ਾਂ ਤੋਂ ਬਿਨਾਂ ਮੈਦਾਨ 'ਚ ਉਤਰੀ ਹੈ। ਹਾਲਾਂਕਿ ਰਿਤੁਰਾਜ ਗਾਇਕਵਾੜ ਅਤੇ ਜੈਦੇਵ ਉਨਾਦਕਟ ਦੇ ਰੂਪ 'ਚ ਟੀਮ 'ਚ 2 ਬਦਲਾਅ ਕੀਤੇ ਗਏ ਹਨ।
ਇਹ ਵੀ ਪੜ੍ਹੋ: ਰੋਹਿਤ ਸ਼ਰਮਾ ਤੋਂ ਬਾਅਦ ਸ਼੍ਰੇਅਸ ਅਈਅਰ ਨੂੰ ਬਣਨਾ ਚਾਹੀਦਾ ਹੈ ਟੀਮ ਇੰਡੀਆ ਦਾ ਕਪਤਾਨ, ਜਾਣੋ ਕਿਉਂ ਛਿੜੀ ਇਹ ਬਹਿਸ