![ABP Premium](https://cdn.abplive.com/imagebank/Premium-ad-Icon.png)
Struggle Story: ਮਾਂ-ਭੈਣ ਨੇ ਦੂਜਿਆਂ ਦੇ ਘਰ ਭਾਂਡੇ ਧੋ ਕੀਤਾ ਗੁਜ਼ਾਰਾ, ਹੁਣ ਬੇਟੀ ਬਣੀ 'ਟੀਮ ਇੰਡੀਆ' ਦੀ ਕਪਤਾਨ
Indian Women's Hockey Team: ਹਾਕੀ ਇੰਡੀਆ ਨੇ ਵੀਰਵਾਰ ਨੂੰ 24 ਮੈਂਬਰੀ ਭਾਰਤੀ ਮਹਿਲਾ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਜੋ ਬੈਲਜੀਅਮ ਅਤੇ ਇੰਗਲੈਂਡ ਵਿੱਚ FIH ਪ੍ਰੋ ਲੀਗ 2023-24 ਸੀਜ਼ਨ ਵਿੱਚ ਹਿੱਸਾ ਲਵੇਗਾ।
![Struggle Story: ਮਾਂ-ਭੈਣ ਨੇ ਦੂਜਿਆਂ ਦੇ ਘਰ ਭਾਂਡੇ ਧੋ ਕੀਤਾ ਗੁਜ਼ਾਰਾ, ਹੁਣ ਬੇਟੀ ਬਣੀ 'ਟੀਮ ਇੰਡੀਆ' ਦੀ ਕਪਤਾਨ Hockey FIH Pro League Salima Tete to lead Indian women’s team for European leg Know her Struggle Story Struggle Story: ਮਾਂ-ਭੈਣ ਨੇ ਦੂਜਿਆਂ ਦੇ ਘਰ ਭਾਂਡੇ ਧੋ ਕੀਤਾ ਗੁਜ਼ਾਰਾ, ਹੁਣ ਬੇਟੀ ਬਣੀ 'ਟੀਮ ਇੰਡੀਆ' ਦੀ ਕਪਤਾਨ](https://feeds.abplive.com/onecms/images/uploaded-images/2024/05/04/9ccbee8c5beab7cccbac97795e5013341714790879747709_original.jpg?impolicy=abp_cdn&imwidth=1200&height=675)
Indian Women's Hockey Team: ਹਾਕੀ ਇੰਡੀਆ ਨੇ ਵੀਰਵਾਰ ਨੂੰ 24 ਮੈਂਬਰੀ ਭਾਰਤੀ ਮਹਿਲਾ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਜੋ ਬੈਲਜੀਅਮ ਅਤੇ ਇੰਗਲੈਂਡ ਵਿੱਚ FIH ਪ੍ਰੋ ਲੀਗ 2023-24 ਸੀਜ਼ਨ ਵਿੱਚ ਹਿੱਸਾ ਲਵੇਗਾ। 22 ਮਈ ਤੋਂ ਸ਼ੁਰੂ ਹੋਣ ਨਾਲੀ ਇਸ ਲੀਗ ਵਿੱਚ ਝਾਰਖੰਡ ਦੀ ਧੀ ਸਲੀਮਾ ਟੇਟੇ ਮਹਿਲਾ ਹਾਕੀ ਟੀਮ ਦੀ ਕਪਤਾਨੀ ਕਰੇਗੀ। ਇਸ ਲੀਗ ਵਿੱਚ ਝਾਰਖੰਡ ਦੀਆਂ ਤਿੰਨ ਹੋਰ ਧੀਆਂ ਨੂੰ ਮੌਕਾ ਮਿਲਿਆ ਹੈ।
ਸਲੀਮਾ ਟੇਟੇ ਲਈ ਦੂਜਿਆਂ ਦੇ ਘਰ ਕੰਮ ਕਰਦੀਆਂ ਸੀ ਮਾਂ ਤੇ ਭੈਣ
22 ਸਾਲ ਦੀ ਸਲੀਮਾ ਟੇਟੇ ਦਾ ਜਨਮ ਝਾਰਖੰਡ ਦੇ ਸਿਮਡੇਗਾ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਬੜਕੀ ਛਪਾਰ ਵਿੱਚ ਹੋਇਆ ਸੀ। ਸਲੀਮਾ ਦੇ ਪਿਤਾ ਇੱਕ ਕਿਸਾਨ ਵਜੋਂ ਕੰਮ ਕਰਦੇ ਹਨ। ਇਸਦੇ ਨਾਲ ਹੀ ਉਸਦੇ ਪਿਤਾ ਵੀ ਇੱਕ ਸਥਾਨਕ ਹਾਕੀ ਖਿਡਾਰੀ ਸਨ। ਆਪਣੇ ਪਿਤਾ ਨੂੰ ਦੇਖ ਕੇ ਸਲੀਮਾ ਦੇ ਮਨ ਵਿੱਚ ਹਾਕੀ ਦਾ ਜਨੂੰਨ ਪੈਦਾ ਹੋ ਗਿਆ। ਸਲੀਮਾ ਆਪਣੇ ਪਿੰਡ ਵਿੱਚ ਬਾਂਸ ਦੇ ਟੁਕੜਿਆਂ ਨਾਲ ਬਣੇ ਡੰਡਿਆਂ ਨਾਲ ਹਾਕੀ ਖੇਡਦੀ ਸੀ। ਉਸਦੀ ਮਾਂ ਦੂਜੇ ਲੋਕਾਂ ਦੇ ਘਰਾਂ ਵਿੱਚ ਖਾਣਾ ਬਣਾਉਂਦੀ ਸੀ ਅਤੇ ਉਸਦੀ ਵੱਡੀ ਭੈਣ ਵੀ ਦੂਜੇ ਲੋਕਾਂ ਦੇ ਘਰਾਂ ਵਿੱਚ ਭਾਂਡੇ ਧੋਂਦੀ ਸੀ।
View this post on Instagram
ਸਲੀਮਾ ਟੇਟੇ ਦੀ ਵੱਡੀ ਭੈਣ ਅਨੀਮਾ ਵੀ ਹਾਕੀ ਖੇਡਦੀ ਸੀ। ਪਰ ਆਪਣੀਆਂ ਛੋਟੀਆਂ ਭੈਣਾਂ ਦੀ ਖ਼ਾਤਰ ਉਸ ਨੇ ਆਪਣਾ ਇਹ ਸੁਪਨਾ ਤਿਆਗ ਦਿੱਤਾ ਅਤੇ ਦੂਜੇ ਲੋਕਾਂ ਦੇ ਘਰਾਂ ਵਿੱਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਅਨੀਮਾ ਸਿਮਡੇਗਾ ਤੋਂ ਬੈਂਗਲੁਰੂ ਤੱਕ ਦੂਜਿਆਂ ਦੇ ਘਰਾਂ ਵਿੱਚ ਭਾਂਡੇ ਸਾਫ਼ ਕਰਦੀ ਸੀ। ਅਨੀਮਾ ਅਤੇ ਸਲੀਮਾ ਦੀ ਛੋਟੀ ਭੈਣ ਮਹਿਮਾ ਟੇਟੇ ਵੀ ਝਾਰਖੰਡ ਦੀ ਜੂਨੀਅਰ ਮਹਿਲਾ ਹਾਕੀ ਟੀਮ ਵਿੱਚ ਖੇਡਦੀ ਹੈ।
ਸਿਮਡੇਗਾ ਤੋਂ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਤੱਕ ਦਾ ਸਫਰ
ਸਾਲ 2013 ਵਿੱਚ, ਸਲੀਮਾ ਟੇਟੇ ਨੂੰ ਪਹਿਲੀ ਵਾਰ ਆਪਣੀ ਪ੍ਰਤਿਭਾ ਦੀ ਪਛਾਣ ਮਿਲੀ। ਉਸ ਸਮੇਂ ਉਹ ਸਿਮਡੇਗਾ ਵਿੱਚ ਝਾਰਖੰਡ ਸਰਕਾਰ ਦੁਆਰਾ ਚਲਾਏ ਜਾ ਰਹੇ ਰਿਹਾਇਸ਼ੀ ਹਾਕੀ ਸੈਂਟਰ ਲਈ ਚੁਣਿਆ ਗਿਆ ਸੀ। ਇਸ ਤੋਂ ਬਾਅਦ ਉਸ ਨੂੰ ਸਟੇਟ ਟੀਮ 'ਚ ਮੌਕਾ ਮਿਲਿਆ ਅਤੇ ਫਿਰ ਉਸ ਨੇ ਰਾਸ਼ਟਰੀ ਟੀਮ 'ਚ ਆਪਣੀ ਜਗ੍ਹਾ ਬਣਾ ਲਈ।
2016 ਵਿੱਚ, ਸਲੀਮਾ ਨੂੰ ਜੂਨੀਅਰ ਭਾਰਤੀ ਮਹਿਲਾ ਟੀਮ ਲਈ ਚੁਣਿਆ ਗਿਆ ਸੀ। ਇਹ ਉਸ ਦਾ ਅੰਤਰਰਾਸ਼ਟਰੀ ਡੈਬਿਊ ਸੀ। ਉਸ ਨੂੰ ਕਈ ਅੰਤਰਰਾਸ਼ਟਰੀ ਹਾਕੀ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਖੇਡਦੇ ਦੇਖਿਆ ਗਿਆ ਹੈ। ਸਲੀਮਾ ਟੇਟੇ ਹੁਣ ਤੱਕ ਟੋਕੀਓ ਓਲੰਪਿਕ, ਵਿਸ਼ਵ ਕੱਪ ਅਤੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਖੇਡ ਚੁੱਕੀ ਹੈ।
ਸਲੀਮਾ ਟੇਟੇ ਦੇ ਨਾਲ ਝਾਰਖੰਡ ਤੋਂ ਤਿੰਨ ਹੋਰ ਖਿਡਾਰਨਾਂ ਦੀ ਚੋਣ ਕੀਤੀ ਗਈ ਹੈ, ਜਿਨ੍ਹਾਂ ਦੇ ਨਾਂ ਨਿੱਕੀ ਪ੍ਰਧਾਨ, ਸੰਗੀਤਾ ਕੁਮਾਰੀ ਅਤੇ ਦੀਪਿਕਾ ਸੋਰੇਂਗ ਹਨ। ਇਨ੍ਹਾਂ ਖਿਡਾਰੀਆਂ ਦਾ ਸੰਘਰਸ਼ ਵੀ ਇੱਕ ਸਮਾਨ ਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)