Asian Games 2023: ਭਾਰਤੀ ਖਿਡਾਰੀਆਂ ਨੇ ਰਚਿਆ ਇਤਿਹਾਸ, ਪਹਿਲੀ ਵਾਰ ਏਸ਼ੀਆਈ ਖੇਡਾਂ 'ਚ ਇੱਕ ਦਿਨ ਵਿੱਚ ਜਿੱਤੇ 15 ਤਮਗੇ
Asian Games Record: ਏਸ਼ੀਆਈ ਖੇਡਾਂ 'ਚ ਐਤਵਾਰ ਨੂੰ ਭਾਰਤ ਦਾ ਦਬਦਬਾ ਦੇਖਣ ਨੂੰ ਮਿਲਿਆ। ਭਾਰਤੀ ਖਿਡਾਰੀਆਂ ਨੇ ਐਤਵਾਰ ਨੂੰ 15 ਮਾਡਲ ਜਿੱਤੇ। ਏਸ਼ੀਆਈ ਖੇਡਾਂ ਵਿੱਚ ਇੱਕ ਦਿਨ ਵਿੱਚ ਭਾਰਤ ਦਾ ਇਹ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ।
India In Asian Games: ਏਸ਼ੀਆਈ ਖੇਡਾਂ ਵਿੱਚ ਐਤਵਾਰ ਨੂੰ ਭਾਰਤ ਨੇ 15 ਤਮਗੇ ਜਿੱਤੇ। ਇਸ ਤਰ੍ਹਾਂ ਭਾਰਤੀ ਖਿਡਾਰੀਆਂ ਨੇ ਇੱਕ ਵੱਡਾ ਰਿਕਾਰਡ ਬਣਾਇਆ। ਦਰਅਸਲ ਏਸ਼ੀਆਈ ਖੇਡਾਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਭਾਰਤੀ ਖਿਡਾਰੀਆਂ ਨੇ 15 ਤਮਗੇ ਜਿੱਤੇ ਹਨ। ਇਸ ਤੋਂ ਪਹਿਲਾਂ ਏਸ਼ੀਆਈ ਖੇਡਾਂ 2010 'ਚ ਭਾਰਤ ਨੇ 14ਵੇਂ ਦਿਨ 11 ਤਗਮੇ ਜਿੱਤੇ ਸਨ ਪਰ ਹੁਣ ਇਹ ਰਿਕਾਰਡ ਪਿੱਛੇ ਰਹਿ ਗਿਆ ਹੈ।
ਦੱਸ ਦਈਏ ਕਿ ਭਾਰਤ ਵਲੋਂ ਜੋਤੀ ਯਾਰਰਾਜੀ ਨੇ ਆਪਣੇ ਨਾਂ ਚਾਂਦੀ ਦਾ ਤਮਗਾ ਕੀਤਾ ਤਾਂ ਉੱਥੇ ਹੀ ਭਾਰਤੀ ਪੁਰਸ਼ ਬੈਡਮਿੰਟਨ ਟੀਮ ਨੇ ਚਾਂਦੀ ਦਾ ਤਮਗਾ ਜਿੱਤਿਆ। ਇਸ ਦੇ ਨਾਲ ਹੀ ਕਿਨਾਨ ਚੇਨਈ ਨੇ ਟਰੈਪ (ਸ਼ੂਟਿੰਗ) ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ। ਲਕਸ਼ਯ ਨੇ ਸ਼ੀ ਯੂ ਕਿਊ ਨੂੰ ਹਰਾਇਆ, ਭਾਰਤ ਪੁਰਸ਼ 1-0 ਨਾਲ ਅੱਗੇ ਹੈ।
ਭਾਰਤ ਦੀ ਤਰਫੋਂ ਸਰੋਜ ਕੁਮਾਰ ਨੇ ਇਸ ਈਵੈਂਟ ਵਿੱਚ ਚਾਂਦੀ ਦਾ ਤਗਮਾ ਅਤੇ ਜਿਨਸਨ ਜੌਹਨਸਨ ਨੇ ਕਾਂਸੀ ਦਾ ਤਗਮਾ ਜਿੱਤਿਆ। ਭਾਰਤ ਦੀ ਹਰਮਿਲਨ ਬੈਂਸ ਮਹਿਲਾਵਾਂ ਦੇ 1500 ਮੀਟਰ ਦੌੜ ਮੁਕਾਬਲੇ ਵਿੱਚ ਚਾਂਦੀ ਦਾ ਤਮਗਾ ਆਪਣੇ ਨਾਂ ਕਰਨ ਵਿੱਚ ਸਫਲ ਰਹੀ।
ਇਸ ਤੋਂ ਇਲਾਵਾ ਪੁਰਸ਼ਾਂ ਦੇ ਲੰਬੀ ਛਾਲ ਮੁਕਾਬਲੇ (Long JumP Event) ਵਿੱਚ ਵੀ ਭਾਰਤ ਨੇ ਚਾਂਦੀ ਦਾ ਤਮਗਾ ਜਿੱਤਿਆ, ਤਾਂ ਉੱਥੇ ਹੀ ਮੁਰਲੀ ਸ੍ਰੀਸ਼ੰਕਰ ਨੇ ਵੀ ਇੱਕ ਤਮਗਾ ਆਪਣੇ ਨਾਂ ਕੀਤਾ। ਭਾਰਤ ਦੀ ਨੰਦਨੀ ਅਗਸਾਰਾ ਔਰਤਾਂ ਦੀ 800 ਮੀਟਰ ਹੈਪਟਾਥਲੋਨ ਮੁਕਾਬਲੇ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਣ ਵਿੱਚ ਕਾਮਯਾਬ ਰਹੀ।
ਇਹ ਵੀ ਪੜ੍ਹੋ: Asian Games 2023: ਭਾਰਤੀ ਬੈਡਮਿੰਟਨ ਟੀਮ ਤੋਂ ਖੁੰਝਿਆ ਸੋਨ ਤਮਗਾ, ਮਿਲੀ ਚੀਨ ਤੋਂ ਹਾਰ, ਚਾਂਦੀ ਦੇ ਤਮਗੇ ਨਾਲ ਹੀ ਕਰਨਾ ਪਿਆ ਸਬਰ
ਮੁਰਲੀ ਸ਼੍ਰੀਸ਼ਨ ਆਪਣੇ ਈਵੈਂਟ 'ਚ ਸਿਰਫ 0.03 ਮੀਟਰ ਨਾਲ ਸੋਨ ਤਮਗਾ ਜਿੱਤਣ ਤੋਂ ਖੁੰਝ ਗਏ। ਇਸ ਈਵੈਂਟ ਵਿੱਚ ਚੀਨੀ ਅਥਲੀਟ ਨੇ ਸੋਨ ਤਮਗਾ ਜਿੱਤਿਆ। ਔਰਤਾਂ ਦੇ ਡਿਸਕਸ ਥਰੋਅ ਮੁਕਾਬਲੇ ਵਿੱਚ ਸੀਮਾ ਪੂਨੀਆ ਨੇ 58.62 ਮੀਟਰ ਥਰੋਅ ਨਾਲ ਕਾਂਸੀ ਦਾ ਤਮਗਾ ਜਿੱਤਿਆ।
ਉੱਥੇ ਹੀ ਭਾਰਤ ਦੇ ਤਜਿੰਦਰ ਪਾਲ ਸਿੰਘ ਪੁਰਸ਼ਾਂ ਦੇ ਸ਼ਾਟ ਪੁਟ ਮੁਕਾਬਲੇ ਵਿੱਚ ਸੋਨ ਤਗ਼ਮਾ ਜਿੱਤਣ ਵਿੱਚ ਸਫ਼ਲ ਰਹੇ। ਦੱਸ ਦੇਈਏ ਕਿ ਤਜਿੰਦਰ ਪਾਲ ਸਿੰਘ ਸਾਲ 2018 ਵਿੱਚ ਜਕਾਰਤਾ ਵਿੱਚ ਹੋਈਆਂ ਏਸ਼ਿਆਈ ਖੇਡਾਂ ਵਿੱਚ ਵੀ ਸੋਨ ਤਮਗਾ ਜਿੱਤਣ ਵਿੱਚ ਸਫਲ ਰਹੇ ਸੀ। ਭਾਰਤ ਨੇ ਏਸ਼ੀਆਈ ਖੇਡਾਂ ਵਿੱਚ ਹੁਣ ਤੱਕ ਆਪਣੇ ਮੈਡਲਾਂ ਦੀ ਗਿਣਤੀ 51 ਤੱਕ ਪਹੁੰਚਾ ਦਿੱਤੀ ਹੈ।
19ਵੀਆਂ ਏਸ਼ਿਆਈ ਖੇਡਾਂ ਵਿੱਚ ਭਾਰਤੀ ਅਥਲੀਟਾਂ ਦਾ ਜ਼ਿਆਦਾਤਰ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ ਹੈ। ਇਸ ਵਾਰ ਹੁਣ ਤੱਕ ਸਭ ਤੋਂ ਵੱਧ ਮੈਡਲ ਵੱਖ-ਵੱਖ ਸ਼ੂਟਿੰਗ ਈਵੈਂਟਸ ਵਿੱਚ ਆਏ ਹਨ। ਇਸ ਦੇ ਨਾਲ ਹੀ ਭਾਰਤ ਦਾ ਐਥਲੈਟਿਕਸ ਯਾਨੀ ਟਰੈਕ ਅਤੇ ਫੀਲਡ ਈਵੈਂਟਸ ਵਿੱਚ ਤਮਗੇ ਜਿੱਤਣ ਦਾ ਸਿਲਸਿਲਾ ਵੀ ਜਾਰੀ ਰਿਹਾ। ਇਸ ਤੋਂ ਇਲਾਵਾ ਕਈ ਹੋਰ ਈਵੈਂਟਸ 'ਚ ਭਾਰਤੀ ਐਥਲੀਟ ਪਹਿਲਾਂ ਹੀ ਆਪਣੇ ਤਮਗੇ ਪੱਕੇ ਕਰ ਚੁੱਕੇ ਹਨ।
ਇਹ ਵੀ ਪੜ੍ਹੋ: Asian Games 2023: ਭਾਰਤੀ ਬੈਡਮਿੰਟਨ ਟੀਮ ਤੋਂ ਖੁੰਝਿਆ ਸੋਨ ਤਮਗਾ, ਮਿਲੀ ਚੀਨ ਤੋਂ ਹਾਰ, ਚਾਂਦੀ ਦੇ ਤਮਗੇ ਨਾਲ ਹੀ ਕਰਨਾ ਪਿਆ ਸਬਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
