![ABP Premium](https://cdn.abplive.com/imagebank/Premium-ad-Icon.png)
IPL 2023: Orange Cap ਅਤੇ Purple Cap ਸਮੇਤ ਕਿਸ ਖਿਡਾਰੀ ਨੂੰ ਕੀ ਮਿਲਿਆ, ਜਾਣੋ ਇਨਾਮੀ ਰਾਸ਼ੀ ਬਾਰੇ
IPL Awards: ਆਰੇਂਜ ਕੈਪ ਸ਼ੁਭਮਨ ਗਿੱਲ ਦੇ ਨਾਮ ਰਹੀ। ਸ਼ੁਭਮਨ ਗਿੱਲ ਨੇ 17 ਮੈਚਾਂ ਵਿੱਚ 890 ਦੌੜਾਂ ਬਣਾਈਆਂ। ਗੁਜਰਾਤ ਟਾਈਟਨਜ਼ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਜਿੱਤੀ ਪਰਪਲ ਕੈਪ, ਮੁਹੰਮਦ ਸ਼ਮੀ ਨੇ 17 ਮੈਚਾਂ 'ਚ ਸਭ ਤੋਂ ਵੱਧ 28 ਵਿਕਟਾਂ ਲਈਆਂ।
![IPL 2023: Orange Cap ਅਤੇ Purple Cap ਸਮੇਤ ਕਿਸ ਖਿਡਾਰੀ ਨੂੰ ਕੀ ਮਿਲਿਆ, ਜਾਣੋ ਇਨਾਮੀ ਰਾਸ਼ੀ ਬਾਰੇ IPL 2023: Know which player got what including Orange Cap and Purple Cap, prize money IPL 2023: Orange Cap ਅਤੇ Purple Cap ਸਮੇਤ ਕਿਸ ਖਿਡਾਰੀ ਨੂੰ ਕੀ ਮਿਲਿਆ, ਜਾਣੋ ਇਨਾਮੀ ਰਾਸ਼ੀ ਬਾਰੇ](https://feeds.abplive.com/onecms/images/uploaded-images/2023/05/30/e58a3ebfc07de3c774b13e1e71d94b331685408145148700_original.jpg?impolicy=abp_cdn&imwidth=1200&height=675)
IPL 2023 Award Winners List: ਗੁਜਰਾਤ ਟਾਈਟਨਸ ਦੇ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ IPL 2023 ਸੀਜ਼ਨ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਇਸ ਤਰ੍ਹਾਂ ਆਰੇਂਜ ਕੈਪ ਸ਼ੁਭਮਨ ਗਿੱਲ ਦੇ ਨਾਮ ਹੋ ਗਈ। ਸ਼ੁਭਮਨ ਗਿੱਲ ਨੇ 17 ਮੈਚਾਂ ਵਿੱਚ 890 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਹੀ ਗੁਜਰਾਤ ਟਾਈਟਨਜ਼ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਪਰਪਲ ਕੈਪ ਜਿੱਤੀ। ਮੁਹੰਮਦ ਸ਼ਮੀ ਨੇ 17 ਮੈਚਾਂ ਵਿੱਚ ਸਭ ਤੋਂ ਵੱਧ 28 ਵਿਕਟਾਂ ਲਈਆਂ। ਜਦਕਿ ਗੁਜਰਾਤ ਟਾਈਟਨਸ ਦੇ ਮੋਹਿਤ ਸ਼ਰਮਾ ਅਤੇ ਰਾਸ਼ਿਦ ਖਾਨ ਨੇ 27-27 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਮੁੰਬਈ ਇੰਡੀਅਨਜ਼ ਦੇ ਪਿਊਸ਼ ਚਾਵਲਾ ਨੇ 22 ਵਿਕਟਾਂ ਲਈਆਂ।
IPL ਜੇਤੂ ਟੀਮ ਨੂੰ ਕਿੰਨੇ ਪੈਸੇ ਮਿਲੇ?
ਮਹਿੰਦਰ ਸਿੰਘ ਧੋਨੀ ਦੀ ਅਗਵਾਈ ਵਾਲੀ ਸੀਐਸਕੇ ਨੇ ਲਗਾਤਾਰ ਪੰਜਵੀਂ ਵਾਰ ਆਈਪੀਐਲ ਖ਼ਿਤਾਬ ਜਿੱਤਿਆ। ਆਈਪੀਐਲ ਜੇਤੂ ਚੇਨਈ ਸੁਪਰ ਕਿੰਗਜ਼ ਨੂੰ ਇਨਾਮੀ ਰਾਸ਼ੀ ਵਜੋਂ 20 ਕਰੋੜ ਰੁਪਏ ਮਿਲੇ ਹਨ।
ਫਾਈਨਲ ਹਾਰਨ ਵਾਲੀ ਟੀਮ ਨੂੰ ਕਿੰਨੇ ਪੈਸੇ ਮਿਲੇ?
ਫਾਈਨਲ ਮੈਚ 'ਚ ਗੁਜਰਾਤ ਟਾਈਟਨਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਪਰ ਇਸ ਦੇ ਬਾਵਜੂਦ ਹਾਰਦਿਕ ਪਾਂਡਿਆ ਦੀ ਅਗਵਾਈ ਵਾਲੀ ਟੀਮ ਨੂੰ ਵੀ ਵੱਡੀ ਰਕਮ ਮਿਲੀ, ਗੁਜਰਾਤ ਟਾਈਟਨਸ ਨੂੰ ਉਪ ਜੇਤੂ ਵਜੋਂ 13 ਕਰੋੜ ਰੁਪਏ ਮਿਲੇ।
ਆਰੇਂਜ ਕੈਪ ਜੇਤੂ ਨੂੰ ਕਿੰਨੇ ਪੈਸੇ ਮਿਲੇ?
ਆਰੇਂਜ ਕੈਪ ਜੇਤੂ ਗੁਜਰਾਤ ਟਾਈਟਨਸ ਦੇ ਖਿਡਾਰੀ ਸ਼ੁਭਮਨ ਗਿੱਲ ਨੂੰ 15 ਲੱਖ ਰੁਪਏ ਮਿਲੇ ਹਨ।
ਪਰਪਲ ਕੈਪ ਜੇਤੂ ਨੂੰ ਕਿੰਨੀ ਇਨਾਮੀ ਰਕਮ ਮਿਲੀ?
ਗੁਜਰਾਤ ਟਾਈਟਨਜ਼ ਦੇ ਪਰਪਲ ਕੈਪ ਜੇਤੂ ਮੁਹੰਮਦ ਸ਼ਮੀ ਨੂੰ ਇਨਾਮੀ ਰਾਸ਼ੀ ਵਜੋਂ 15 ਲੱਖ ਰੁਪਏ ਮਿਲੇ ਹਨ।
ਦੱਸ ਦੇਈਏ ਕਿ ਚੇਨਈ ਸੁਪਰ ਕਿੰਗਜ਼ ਨੇ ਆਈਪੀਐਲ 2023 ਸੀਜ਼ਨ ਦਾ ਖਿਤਾਬ ਜਿੱਤ ਲਿਆ ਹੈ। ਇਸ ਤਰ੍ਹਾਂ ਚੇਨਈ ਸੁਪਰ ਕਿੰਗਜ਼ ਪੰਜਵੀਂ ਵਾਰ ਆਈਪੀਐਲ ਖ਼ਿਤਾਬ ਜਿੱਤਣ ਵਿੱਚ ਕਾਮਯਾਬ ਰਹੀ। ਹੁਣ ਚੇਨਈ ਸੁਪਰ ਕਿੰਗਜ਼ ਅਤੇ ਮੁੰਬਈ ਇੰਡੀਅਨਜ਼ ਸਾਂਝੇ ਤੌਰ 'ਤੇ ਸਭ ਤੋਂ ਵੱਧ ਆਈਪੀਐਲ ਜਿੱਤਣ ਵਾਲੀ ਟੀਮ ਬਣ ਗਈ ਹੈ। ਚੇਨਈ ਸੁਪਰ ਕਿੰਗਜ਼ ਅਤੇ ਮੁੰਬਈ ਇੰਡੀਅਨਜ਼ ਨੇ 5-5 ਵਾਰ ਆਈਪੀਐਲ ਟਰਾਫੀ 'ਤੇ ਕਬਜ਼ਾ ਕੀਤਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)