IPL 2024: ਚੇਨਈ 'ਚ ਹੋਵੇਗਾ ਫਾਈਨਲ, ਟਿਕਟਾਂ ਦੀ ਵਿੱਕਰੀ ਸ਼ੁਰੂ, ਜਾਣੋ ਕਿੰਨੇ ਦਾ ਹੈ ਸਭ ਤੋਂ ਸਸਤਾ ਟਿਕਟ
IPL 2024 Final: ਆਈਪੀਐਲ 2024 ਦਾ ਫਾਈਨਲ ਮੈਚ ਚੇਨਈ ਦੇ ਐਮਏ ਚਿਦੰਬਰਮ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇੱਥੇ ਜਾਣੋ ਕਿ ਤੁਸੀਂ ਫਾਈਨਲ ਮੈਚ ਲਈ ਟਿਕਟਾਂ ਕਿਵੇਂ ਖਰੀਦ ਸਕਦੇ ਹੋ।
IPL 2024 Final Tickets: IPL 2024 ਦਾ ਪਲੇਆਫ ਪੜਾਅ 21 ਮਈ ਤੋਂ ਸ਼ੁਰੂ ਹੋ ਰਿਹਾ ਹੈ। ਸਨਰਾਈਜ਼ਰਜ਼ ਹੈਦਰਾਬਾਦ (SRH), ਕੋਲਕਾਤਾ ਨਾਈਟ ਰਾਈਡਰਜ਼ (KKR), ਰਾਜਸਥਾਨ ਰਾਇਲਜ਼ (RR) ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਪਲੇਆਫ ਵਿੱਚ ਪਹੁੰਚਣ ਵਾਲੀਆਂ ਚਾਰ ਟੀਮਾਂ ਹਨ। ਸੀਜ਼ਨ ਦਾ ਫਾਈਨਲ 26 ਮਈ ਨੂੰ ਚੇਪੌਕ ਸਟੇਡੀਅਮ, ਚੇਨਈ ਵਿੱਚ ਖੇਡਿਆ ਜਾਵੇਗਾ। ਹੁਣ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਇਹ ਹੈ ਕਿ IPL 2024 ਫਾਈਨਲ ਲਈ ਟਿਕਟਾਂ ਦੀ ਵਿਕਰੀ ਸ਼ੁਰੂ ਹੋ ਗਈ ਹੈ। ਇੱਥੇ ਜਾਣੋ ਕਿ ਤੁਸੀਂ ਫਾਈਨਲ ਮੈਚ ਲਈ ਟਿਕਟਾਂ ਕਿਵੇਂ ਖਰੀਦ ਸਕਦੇ ਹੋ। ਇਸ ਤੋਂ ਇਲਾਵਾ ਇਹ ਵੀ ਜਾਣੋ ਕਿ ਕਿੰਨੀ ਹੋਵੇਗੀ ਸਭ ਤੋਂ ਸਸਤੀ ਅਤੇ ਮਹਿੰਗੀ ਟਿਕਟ। ਸਿਰਫ਼ ਦੋ ਟੀਮਾਂ, KKR, SRH, RR ਅਤੇ RCB, ਫਾਈਨਲ ਵਿੱਚ ਪਹੁੰਚਣ ਦੇ ਯੋਗ ਹੋਣਗੀਆਂ।
ਵਰਤਮਾਨ ਵਿੱਚ, ਆਈਪੀਐਲ 2024 ਦੇ ਫਾਈਨਲ ਲਈ ਟਿਕਟਾਂ ਦੀ ਸ਼ੁਰੂਆਤੀ ਕੀਮਤ 3,500 ਰੁਪਏ ਰੱਖੀ ਗਈ ਹੈ ਅਤੇ ਸਟੈਂਡਾਂ ਦੇ ਅਨੁਸਾਰ, ਸਭ ਤੋਂ ਮਹਿੰਗੀ ਟਿਕਟ ਦੀ ਕੀਮਤ 7,500 ਰੁਪਏ ਰੱਖੀ ਗਈ ਹੈ। ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਫਿਲਹਾਲ ਸਿਰਫ ਰੁਪੇ ਕਾਰਡ ਰੱਖਣ ਵਾਲੇ ਲੋਕ ਹੀ ਇਹ ਟਿਕਟਾਂ ਖਰੀਦ ਸਕਦੇ ਹਨ। ਜਦਕਿ ਬਾਕੀ ਸਾਰੇ ਲੋਕਾਂ ਲਈ ਕੱਲ੍ਹ ਤੋਂ ਟਿਕਟਾਂ ਦੀ ਵਿਕਰੀ ਸ਼ੁਰੂ ਕਰ ਦਿੱਤੀ ਜਾਵੇਗੀ।
IPL 2024 ਫਾਈਨਲ ਟਿਕਟ ਕਿਵੇਂ ਖਰੀਦੀਏ?
ਤੁਸੀਂ Paytm Insider ਮੋਬਾਈਲ ਐਪ 'ਤੇ ਜਾ ਕੇ ਟਿਕਟਾਂ ਖਰੀਦ ਸਕਦੇ ਹੋ। ਟਿਕਟ ਬੁੱਕ ਕਰਨ ਦੀ ਪ੍ਰਕਿਰਿਆ ਇਸ ਤਰ੍ਹਾਂ ਹੈ: ਪਹਿਲਾਂ ਪੇਟੀਐਮ ਇਨਸਾਈਡਰ ਐਪ ਨੂੰ ਡਾਊਨਲੋਡ ਕਰੋ, ਫਿਰ 'ਚੇਨਈ' ਸ਼ਹਿਰ ਦੀ ਚੋਣ ਕਰੋ ਕਿਉਂਕਿ ਫਾਈਨਲ ਮੈਚ ਐੱਮ.ਏ. ਚਿਦੰਬਰਮ ਸਟੇਡੀਅਮ, ਚੇਨਈ ਵਿਖੇ ਖੇਡਿਆ ਜਾਵੇਗਾ। ਸਿਟੀ 'ਤੇ ਕਲਿੱਕ ਕਰਨ ਤੋਂ ਬਾਅਦ, IPL 2024 ਫਾਈਨਲ ਦਾ ਵਿਕਲਪ ਲੱਭੋ ਅਤੇ ਇਸ 'ਤੇ ਕਲਿੱਕ ਕਰੋ। ਫਾਈਨਲ ਮੈਚ ਟੈਬ 'ਤੇ ਕਲਿੱਕ ਕਰਨ ਤੋਂ ਬਾਅਦ, 'ਬਾਏ ਨਾਓ' ਦਾ ਵਿਕਲਪ ਦਿਖਾਈ ਦੇਵੇਗਾ। ਇਸ ਤੋਂ ਬਾਅਦ ਤੁਸੀਂ ਸਟੇਡੀਅਮ ਵਿੱਚ ਉਪਲਬਧ ਸੀਟਾਂ ਵਿੱਚੋਂ ਆਪਣੀ ਪਸੰਦ ਅਨੁਸਾਰ ਕੋਈ ਵੀ ਸੀਟ ਚੁਣ ਸਕਦੇ ਹੋ। ਸੀਟਾਂ ਦੀ ਗਿਣਤੀ ਤੈਅ ਕਰਨ ਤੋਂ ਬਾਅਦ ਤੁਹਾਨੂੰ 'ਐਡ ਟੂ ਕਾਰਟ' 'ਤੇ ਕਲਿੱਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਹਾਨੂੰ ਸਿਰਫ ਭੁਗਤਾਨ ਕਰਨਾ ਹੋਵੇਗਾ ਅਤੇ ਤੁਹਾਡੀ ਈ-ਟਿਕਟ ਤੁਰੰਤ ਬੁੱਕ ਹੋ ਜਾਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
