Virat Kohli: ਕੋਹਲੀ ਦਾ ਨਹੀਂ ਕੋਈ ਮੁਕਾਬਲਾ ! ਪਰ ਇਹ ਤਿੰਨ ਰਿਕਾਰਡ ਤੋੜਨੇ ਕੋਹਲੀ ਦੀ ਪਹੁੰਚ ਤੋਂ ਵੀ ਬਾਹਰ, ਜਾਣੋ ਕੀ ਨੇ ਇਹ ਰਿਕਾਰਡ ?
Virat Kohli Records: ਵਿਰਾਟ ਕੋਹਲੀ ਨੂੰ ਆਧੁਨਿਕ ਕ੍ਰਿਕੇਟ ਵਿੱਚ ਰਿਕਾਰਡਾਂ ਦਾ ਬਾਦਸ਼ਾਹ ਮੰਨਿਆ ਜਾਂਦਾ ਹੈ, ਪਰ ਕੁਝ ਅਜਿਹੇ ਰਿਕਾਰਡ ਹਨ ਜੋ ਵਿਰਾਟ ਸ਼ਾਇਦ ਕਦੇ ਨਹੀਂ ਤੋੜ ਸਕਣਗੇ।
Cricket Records Virat Kohli May Never Break: ਕ੍ਰਿਕੇਟ ਦੀ ਖੇਡ ਅਜਿਹੀ ਹੈ ਕਿ ਹਰ ਰੋਜ਼ ਨਵੇਂ ਰਿਕਾਰਡ ਬਣਦੇ ਤੇ ਟੁੱਟਦੇ ਰਹਿੰਦੇ ਹਨ। ਵਿਰਾਟ ਕੋਹਲੀ ਆਧੁਨਿਕ ਕ੍ਰਿਕਟ ਦੇ ਉਨ੍ਹਾਂ ਨਾਮਾਂ ਵਿੱਚੋਂ ਇੱਕ ਹੈ, ਜੋ ਲਗਾਤਾਰ ਨਵੇਂ ਰਿਕਾਰਡ ਬਣਾ ਰਹੇ ਹਨ। ਵਿਰਾਟ ਵਨਡੇ ਕ੍ਰਿਕਟ 'ਚ ਸਭ ਤੋਂ ਜ਼ਿਆਦਾ ਸੈਂਕੜੇ (50) ਦਾ ਰਿਕਾਰਡ ਪਹਿਲਾਂ ਹੀ ਬਣਾ ਚੁੱਕੇ ਹਨ। ਇਸ ਦੇ ਨਾਲ ਹੀ ਇੱਕ ਵਨਡੇ ਵਿਸ਼ਵ ਕੱਪ ਵਿੱਚ 700 ਤੋਂ ਵੱਧ ਦੌੜਾਂ ਬਣਾਉਣ ਦੇ ਆਪਣੇ ਰਿਕਾਰਡ ਨੂੰ ਤੋੜਨਾ ਵੀ ਫਿਲਹਾਲ ਅਸੰਭਵ ਜਾਪਦਾ ਹੈ ਪਰ ਕੁਝ ਰਿਕਾਰਡ ਅਜਿਹੇ ਵੀ ਹਨ, ਜੋ ਵਿਰਾਟ ਦੀ ਪਹੁੰਚ ਤੋਂ ਦੂਰ ਜਾਪਦੇ ਹਨ।
1. ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਦੌੜਾਂ
ਵਿਰਾਟ ਕੋਹਲੀ ਨੇ ਸਾਲ 2008 ਵਿੱਚ ਭਾਰਤ ਲਈ ਆਪਣਾ ਪਹਿਲਾ ਮੈਚ ਖੇਡਿਆ ਸੀ। ਪਿਛਲੇ 16 ਸਾਲਾਂ ਵਿੱਚ, ਉਸਨੇ ਅੰਤਰਰਾਸ਼ਟਰੀ ਪੱਧਰ 'ਤੇ ਟੀਮ ਇੰਡੀਆ ਦੀ ਨੁਮਾਇੰਦਗੀ ਕਰਦੇ ਹੋਏ ਕੁੱਲ 533 ਮੈਚ ਖੇਡੇ ਹਨ। ਹੁਣ ਤੱਕ ਉਸ ਨੇ ਵਨਡੇ ਕ੍ਰਿਕਟ 'ਚ 13,906 ਦੌੜਾਂ, ਟੈਸਟ ਮੈਚਾਂ 'ਚ 8,484 ਦੌੜਾਂ ਅਤੇ ਟੀ-20 ਕ੍ਰਿਕਟ 'ਚ 4,188 ਦੌੜਾਂ ਬਣਾਈਆਂ ਹਨ। ਵਿਰਾਟ ਦੇ ਨਾਂਅ ਇਸ ਸਮੇਂ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਕੁੱਲ 26,942 ਦੌੜਾਂ ਹਨ ਪਰ ਇਸ ਸੂਚੀ ਵਿੱਚ ਸਭ ਤੋਂ ਉੱਪਰ ਸਚਿਨ ਤੇਂਦੁਲਕਰ ਹਨ, ਜਿਨ੍ਹਾਂ ਨੇ ਆਪਣੇ ਇਤਿਹਾਸਕ ਕਰੀਅਰ ਵਿੱਚ 34,357 ਦੌੜਾਂ ਬਣਾਈਆਂ ਸਨ। ਫਿਲਹਾਲ ਵਿਰਾਟ ਦੀ ਉਮਰ 35 ਸਾਲ ਹੈ ਅਤੇ ਜੇ ਉਹ ਹਰ ਸਾਲ ਕੁੱਲ 2,000 ਦੌੜਾਂ ਬਣਾ ਲੈਂਦੇ ਹਨ ਤਾਂ ਵੀ ਉਨ੍ਹਾਂ ਨੂੰ ਇਸ ਰਿਕਾਰਡ ਨੂੰ ਤੋੜਨ 'ਚ ਕਰੀਬ 4 ਸਾਲ ਲੱਗ ਜਾਣਗੇ। ਜਿਸ ਤਰ੍ਹਾਂ ਨਵੀਂ ਟੀਮ ਇੰਡੀਆ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ, ਉਸ ਤੋਂ ਲੱਗਦਾ ਨਹੀਂ ਕਿ ਵਿਰਾਟ ਜ਼ਿਆਦਾ ਦੇਰ ਤੱਕ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡਣਗੇ।
2. ਟੈਸਟ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਸੈਂਕੜੇ
ਵਿਰਾਟ ਕੋਹਲੀ ਨੇ ਸਾਲ 2011 ਵਿੱਚ ਟੈਸਟ ਕ੍ਰਿਕਟ ਵਿੱਚ ਡੈਬਿਊ ਕੀਤਾ ਸੀ। ਉਹ ਕ੍ਰਿਕਟ ਦੇ ਛੋਟੇ ਫਾਰਮੈਟਾਂ ਵਿੱਚ ਮਹਾਨ ਬੱਲੇਬਾਜ਼ਾਂ ਵਿੱਚੋਂ ਇੱਕ ਹੈ, ਪਰ ਉਸਦੇ ਟੈਸਟ ਰਿਕਾਰਡ ਵਿੱਚ ਕੁਝ ਵੀ ਸ਼ਾਨਦਾਰ ਨਹੀਂ ਹੈ। ਹੁਣ ਤੱਕ ਉਸ ਨੇ 113 ਟੈਸਟ ਮੈਚਾਂ 'ਚ ਕੁੱਲ 8,848 ਦੌੜਾਂ ਬਣਾਈਆਂ ਹਨ, ਜਿਸ 'ਚ ਉਸ ਦੇ ਨਾਂ 29 ਸੈਂਕੜੇ ਹਨ। ਟੈਸਟ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਸੈਂਕੜੇ ਸਚਿਨ ਤੇਂਦੁਲਕਰ ਨੇ ਬਣਾਏ, ਜਿਨ੍ਹਾਂ ਦੇ ਨਾਂ ਕੁੱਲ 51 ਸੈਂਕੜੇ ਹਨ। ਕੋਹਲੀ ਨੇ ਪਿਛਲੇ 4 ਸਾਲਾਂ 'ਚ ਸਿਰਫ 2 ਟੈਸਟ ਸੈਂਕੜੇ ਲਗਾਏ ਹਨ। ਇਹ ਅੰਕੜੇ ਦਰਸਾਉਂਦੇ ਹਨ ਕਿ ਸਮੇਂ ਦੇ ਨਾਲ ਉਸ ਦੇ ਟੈਸਟ ਫਾਰਮ ਵਿੱਚ ਬਹੁਤਾ ਸੁਧਾਰ ਨਹੀਂ ਹੋ ਰਿਹਾ ਹੈ। ਉਸ ਨੇ ਤੇਂਦੁਲਕਰ ਨੂੰ ਪਿੱਛੇ ਛੱਡਣ ਲਈ ਅਜੇ 23 ਸੈਂਕੜੇ ਲਗਾਉਣੇ ਹਨ, ਜੋ ਕਿ ਅਸੰਭਵ ਜਾਪਦਾ ਹੈ।
3. ਸਭ ਤੋਂ ਵੱਧ ਛੱਕੇ
ਵਿਰਾਟ ਕੋਹਲੀ ਦੀ ਖੇਡਣ ਦੀ ਸ਼ੈਲੀ ਪਾਵਰ ਹਿਟਿੰਗ 'ਤੇ ਜ਼ਿਆਦਾ ਨਿਰਭਰ ਨਹੀਂ ਹੈ ਪਰ ਉਹ ਟਾਈਮਿੰਗ ਨਾਲ ਖੇਡਣ 'ਚ ਵਿਸ਼ਵਾਸ ਰੱਖਦੇ ਹਨ। ਕਿਉਂਕਿ ਰੋਹਿਤ ਸ਼ਰਮਾ ਦੀ ਕੁਦਰਤੀ ਗੇਂਦਬਾਜ਼ੀ ਸ਼ੈਲੀ ਵਿੱਚ ਪਾਵਰ ਹਿਟਿੰਗ ਸ਼ਾਮਲ ਹੈ, ਇਸੇ ਕਰਕੇ ਉਹ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਛੱਕੇ (620) ਲਗਾਉਣ ਦਾ ਰਿਕਾਰਡ ਆਪਣੇ ਨਾਂ ਕਰਨ ਵਿੱਚ ਕਾਮਯਾਬ ਰਿਹਾ ਹੈ। ਵਿਰਾਟ ਕੋਹਲੀ ਦੇ ਨਾਂ ਇਸ ਸਮੇਂ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਸਿਰਫ 301 ਛੱਕੇ ਹਨ। ਇੰਨਾ ਹੀ ਨਹੀਂ, ਟੈਸਟ, ਵਨਡੇ ਅਤੇ ਟੀ-20 ਕ੍ਰਿਕਟ 'ਚ ਛੱਕਿਆਂ ਦੇ ਮਾਮਲੇ 'ਚ ਉਨ੍ਹਾਂ ਲਈ ਵੱਖ-ਵੱਖ ਤੌਰ 'ਤੇ ਅੱਗੇ ਨਿਕਲਣਾ ਅਸੰਭਵ ਜਾਪਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
