ਜਲਦ ਕ੍ਰਿਕੇਟ `ਚ ਵਾਪਸੀ ਕਰਨ ਜਾ ਰਹੇ ਪਾਰਥਿਵ ਪਟੇਲ, 2002 `ਚ ਖੇਡਿਆ ਸੀ ਪਹਿਲਾ ਮੈਚ
ਸਾਬਕਾ ਭਾਰਤੀ ਵਿਕਟਕੀਪਰ ਪਾਰਥਿਵ ਪਟੇਲ ਫਿਰ ਕ੍ਰਿਕਟ ਦੇ ਮੈਦਾਨ 'ਚ ਵਾਪਸੀ ਲਈ ਤਿਆਰ ਹਨ। ਪਾਰਥਿਵ 37 ਸਾਲ ਦੀ ਉਮਰ 'ਚ ਲੈਜੇਂਡਸ ਲੀਗ ਕ੍ਰਿਕਟ 'ਚ ਨਜ਼ਰ ਆਉਣਗੇ। ਪਾਰਥਿਵ ਸਤੰਬਰ 'ਚ ਖੇਡੀ ਜਾਣ ਵਾਲੀ ਲੀਗ ਦੇ ਦੂਜੇ ਸੀਜ਼ਨ ਦਾ ਹਿੱਸਾ ਹੋਣਗੇ
Parthiv Patel Come Back: 37 ਸਾਲਾ ਸਾਬਕਾ ਭਾਰਤੀ ਵਿਕਟਕੀਪਰ ਪਾਰਥਿਵ ਪਟੇਲ ਇੱਕ ਵਾਰ ਫਿਰ ਕ੍ਰਿਕਟ ਦੇ ਮੈਦਾਨ ਵਿੱਚ ਵਾਪਸੀ ਦੀ ਤਿਆਰੀ ਕਰ ਰਿਹਾ ਹੈ। ਉਹ ਰਿਟਾਇਰਡ ਖਿਡਾਰੀਆਂ ਦੀ ਲੀਗ, ਲੀਜੈਂਡਜ਼ ਕ੍ਰਿਕਟ ਲੀਗ ਦੇ ਦੂਜੇ ਸੀਜ਼ਨ ਦਾ ਹਿੱਸਾ ਹੋਵੇਗਾ। ਸੀਜ਼ਨ ਸਤੰਬਰ-2022 'ਚ ਖੇਡਿਆ ਜਾਵੇਗਾ।
ਸਾਬਕਾ ਭਾਰਤੀ ਵਿਕਟਕੀਪਰ ਪਾਰਥਿਵ ਪਟੇਲ ਇੱਕ ਵਾਰ ਫਿਰ ਕ੍ਰਿਕਟ ਦੇ ਮੈਦਾਨ ਵਿੱਚ ਵਾਪਸੀ ਲਈ ਤਿਆਰ ਹਨ। ਪਾਰਥਿਵ 37 ਸਾਲ ਦੀ ਉਮਰ 'ਚ ਲੈਜੇਂਡਸ ਲੀਗ ਕ੍ਰਿਕਟ (LLC) 'ਚ ਨਜ਼ਰ ਆਉਣਗੇ। ਪਾਰਥਿਵ ਸਤੰਬਰ 'ਚ ਖੇਡੀ ਜਾਣ ਵਾਲੀ ਇਸ ਲੀਗ ਦੇ ਦੂਜੇ ਸੀਜ਼ਨ ਦਾ ਹਿੱਸਾ ਹੋਣਗੇ।
ਪਾਰਥਿਵ ਇਸ ਤਰ੍ਹਾਂ ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਵੀਰੇਂਦਰ ਸਹਿਵਾਗ, ਇਰਫਾਨ ਪਠਾਨ, ਯੂਸਫ ਪਠਾਨ, ਹਰਭਜਨ ਸਿੰਘ, ਸਾਬਕਾ ਆਸਟਰੇਲੀਆਈ ਤੇਜ਼ ਗੇਂਦਬਾਜ਼ ਬ੍ਰੈਟ ਲੀ, ਸਪਿਨ ਲੀਜੈਂਡ ਮੁਥੱਈਆ ਮੁਰਲੀਧਰਨ ਅਤੇ ਵਿਸ਼ਵ ਕੱਪ ਜੇਤੂ ਇੰਗਲੈਂਡ ਦੇ ਸਾਬਕਾ ਕਪਤਾਨ ਇਓਨ ਮੋਰਗਨ ਨਾਲ ਜੁੜ ਜਾਵੇਗਾ।
ਪਾਰਥਿਵ ਨੇ ਸਾਲ 2002 'ਚ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ ਨਾਟਿੰਘਮ ਦੇ ਟ੍ਰੇਂਟ ਬ੍ਰਿਜ 'ਤੇ ਇੰਗਲੈਂਡ ਖਿਲਾਫ ਖੇਡੇ ਗਏ ਟੈਸਟ ਮੈਚ 'ਚ ਵਿਕਟਕੀਪਿੰਗ ਦੀ ਜ਼ਿੰਮੇਵਾਰੀ ਸੰਭਾਲੀ। ਉਸਨੇ 2003 ਵਿੱਚ ਵਨਡੇ ਅਤੇ 2011 ਵਿੱਚ ਟੀ-20 ਅੰਤਰਰਾਸ਼ਟਰੀ ਵਿੱਚ ਡੈਬਿਊ ਕੀਤਾ। ਪਾਰਥਿਵ ਨੇ ਟੈਸਟ ਵਿੱਚ ਕੁੱਲ 934 ਅਤੇ ਵਨਡੇ ਵਿੱਚ 736 ਦੌੜਾਂ ਬਣਾਈਆਂ ਹਨ। ਉਸਨੇ ਟੈਸਟ ਵਿੱਚ 6 ਅਰਧ ਸੈਂਕੜੇ ਅਤੇ ਵਨਡੇ ਵਿੱਚ 4 ਅਰਧ ਸੈਂਕੜੇ ਲਗਾਏ ਹਨ। ਉਸਨੇ ਦਸੰਬਰ 2020 ਵਿੱਚ ਕ੍ਰਿਕਟ ਦੇ ਹਰ ਫਾਰਮੈਟ ਤੋਂ ਸੰਨਿਆਸ ਲੈ ਲਿਆ ਸੀ।
ਪਾਰਥਿਵ ਪਟੇਲ ਤੋਂ ਇਲਾਵਾ ਤਿੰਨ ਹੋਰ ਸਾਬਕਾ ਖਿਡਾਰੀਆਂ- ਸਪਿਨਰ ਪ੍ਰਗਿਆਨ ਓਝਾ, ਆਲਰਾਊਂਡਰ ਰਿਤਿੰਦਰ ਸੋਢੀ ਅਤੇ ਤੇਜ਼ ਗੇਂਦਬਾਜ਼ ਅਸ਼ੋਕ ਡਿੰਡਾ ਨੇ ਵੀ ਲੀਗ ਦੀ ਪਲੇਅਰਜ਼ ਡਰਾਫਟ ਪ੍ਰਕਿਰਿਆ ਦਾ ਹਿੱਸਾ ਬਣਨ ਦੀ ਪੁਸ਼ਟੀ ਕੀਤੀ ਹੈ।
ਟੂਰਨਾਮੈਂਟ ਦਾ ਉਦਘਾਟਨੀ ਗੇੜ ਓਮਾਨ ਵਿੱਚ ਭਾਰਤ, ਪਾਕਿਸਤਾਨ, ਸ੍ਰੀਲੰਕਾ, ਆਸਟਰੇਲੀਆ ਅਤੇ ਇੰਗਲੈਂਡ ਦੇ ਸਾਬਕਾ ਕ੍ਰਿਕਟਰਾਂ ਨਾਲ ਖੇਡਿਆ ਗਿਆ, ਜਿਸ ਵਿੱਚ ਭਾਰਤ, ਏਸ਼ੀਆ ਅਤੇ ਵਿਸ਼ਵ ਇਲੈਵਨ, ਤਿੰਨ ਟੀਮਾਂ ਦੀ ਨੁਮਾਇੰਦਗੀ ਕੀਤੀ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
