Women's World Cup : ਸੈਮੀਫਾਈਨਲ 'ਚ ਟੁੱਟੀ ਆਸ, ਰੋਮਾਂਚਕ ਮੁਕਾਬਲੇ 'ਚ ਦੱਖਣੀ ਅਫਰੀਕਾ ਤੋਂ ਆਖਰੀ ਗੇਂਦ 'ਤੇ ਹਾਰੀ ਭਾਰਤੀ ਮਹਿਲਾ ਟੀਮ
Women's World Cup: ਮਹਿਲਾ ਕ੍ਰਿਕਟ ਵਿਸ਼ਵ ਕੱਪ 'ਚ ਭਾਰਤੀ ਟੀਮ ਦੀਆਂ ਸੈਮੀਫਾਈਨਲ 'ਚ ਪਹੁੰਚਣ ਦੀਆਂ ਉਮੀਦਾਂ 'ਤੇ ਪਾਣੀ ਫਿਰ ਗਿਆ ਹੈ। ਲੀਗ ਗੇੜ ਦੇ ਆਪਣੇ ਆਖਰੀ ਮੈਚ ਵਿੱਚ ਭਾਰਤੀ ਟੀਮ ਨੂੰ ਦੱਖਣੀ ਅਫਰੀਕਾ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
Women's World Cup: ਮਹਿਲਾ ਕ੍ਰਿਕਟ ਵਿਸ਼ਵ ਕੱਪ 'ਚ ਭਾਰਤੀ ਟੀਮ ਦੀਆਂ ਸੈਮੀਫਾਈਨਲ 'ਚ ਪਹੁੰਚਣ ਦੀਆਂ ਉਮੀਦਾਂ 'ਤੇ ਪਾਣੀ ਫਿਰ ਗਿਆ ਹੈ। ਲੀਗ ਗੇੜ ਦੇ ਆਪਣੇ ਆਖਰੀ ਮੈਚ ਵਿੱਚ ਭਾਰਤੀ ਟੀਮ ਨੂੰ ਦੱਖਣੀ ਅਫਰੀਕਾ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਭਾਰਤੀ ਬੱਲੇਬਾਜ਼ਾਂ ਨੇ ਤਿੰਨ ਅਰਧ ਸੈਂਕੜੇ ਲਗਾਏ
ਮੈਚ 'ਚ ਭਾਰਤੀ ਕਪਤਾਨ ਮਿਤਾਲੀ ਰਾਜ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਕਪਤਾਨ ਦੇ ਇਸ ਫੈਸਲੇ ਨੂੰ ਸਹੀ ਸਾਬਤ ਕਰਦੇ ਹੋਏ ਭਾਰਤੀ ਟੀਮ ਦੀ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ (71) ਅਤੇ ਸ਼ੈਫਾਲੀ ਵਰਮਾ (53) ਨੇ ਪਹਿਲੀ ਵਿਕਟ ਲਈ 91 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਨ੍ਹਾਂ ਦੋਨਾਂ ਖਿਡਾਰੀਆਂ ਤੋਂ ਬਾਅਦ ਕਪਤਾਨ ਮਿਤਾਲੀ ਰਾਜ (68) ਅਤੇ ਹਰਮਨਪ੍ਰੀਤ ਕੌਰ (48) ਨੇ ਵੀ ਸ਼ਾਨਦਾਰ ਪਾਰੀਆਂ ਖੇਡੀਆਂ। ਅੱਜ ਦੇ ਮੈਚ ਵਿੱਚ ਯਸਤਿਕਾ ਭਾਟੀਆ (2), ਪੂਜਾ ਵਸਤਰਕਾਰ (3) ਅਤੇ ਰਿਚਾ ਘੋਸ਼ (8) ਜ਼ਿਆਦਾ ਪ੍ਰਦਰਸ਼ਨ ਨਹੀਂ ਕਰ ਸਕੀਆਂ। ਭਾਰਤ ਨੇ ਨਿਰਧਾਰਤ ਓਵਰਾਂ 'ਚ 7 ਵਿਕਟਾਂ ਦੇ ਨੁਕਸਾਨ 'ਤੇ 274 ਦੌੜਾਂ ਬਣਾਈਆਂ। ਦੱਖਣੀ ਅਫਰੀਕਾ ਲਈ ਮਸਾਬਾਤਾ ਕਾਲਾਸ ਅਤੇ ਸ਼ਬਨੀਮ ਇਸਮਾਈਲ ਨੇ 2-2 ਅਤੇ ਅਯੋਬੋਂਗਾ ਖਾਕਾ ਅਤੇ ਚੋਲੇ ਟਰਾਇਓਨ ਨੇ 1-1 ਵਿਕਟਾਂ ਲਈਆਂ।
ਆਖਰੀ ਗੇਂਦ 'ਤੇ ਜਿੱਤੀ ਦੱਖਣੀ ਅਫਰੀਕਾ
275 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣੀ ਅਫ਼ਰੀਕਾ ਦੀ ਟੀਮ ਨੇ ਆਪਣਾ ਪਹਿਲਾ ਵਿਕਟ ਜਲਦੀ ਹੀ ਗੁਆ ਦਿੱਤਾ। ਸਲਾਮੀ ਬੱਲੇਬਾਜ਼ ਲਿਜਲ ਲੀ 6 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਈ। ਇੱਥੋਂ ਦੂਜੇ ਵਿਕਟ ਲਈ ਲੋਰਾ ਵੋਲਵਾਰਡ (80) ਅਤੇ ਲਾਰਾ ਗੁਡਾਲ (49) ਨੇ 125 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਟੀਮ ਨੂੰ ਮੈਚ ਵਿੱਚ ਵਾਪਸੀ ਦਿਵਾਈ। ਇਨ੍ਹਾਂ ਦੋਨਾਂ ਖਿਡਾਰੀਆਂ ਦੇ ਆਊਟ ਹੋਣ ਤੋਂ ਬਾਅਦ ਕਪਤਾਨ ਸੁਨੇ ਲੁਓਸ (22), ਮੈਰੀਜਾਨੇ ਕਪ (32), ਕੋਹਲੇ ਟਰਾਇਓਨ (17) ਅਤੇ ਤ੍ਰਿਸ਼ਾ ਚੇਟੀ (7) ਕੁਝ ਦੌੜਾਂ ਬਣਾ ਕੇ ਆਊਟ ਹੋ ਗਏ। ਜਦਕਿ ਮਿਗਨ ਡੁਪ੍ਰੀਜ਼ 52 ਦੌੜਾਂ ਬਣਾ ਕੇ ਇਕ ਸਿਰੇ 'ਤੇ ਡਟੇ ਰਹੇ। ਉਹ ਅਫਰੀਕੀ ਟੀਮ ਨੂੰ ਮੈਚ ਜਿੱਤ ਕੇ ਪਵੇਲੀਅਨ ਪਰਤ ਗਈ। ਭਾਰਤ ਲਈ ਰਾਜੇਸ਼ਵਰੀ ਗਾਇਕਵਾੜ ਅਤੇ ਹਰਮਨਪ੍ਰੀਤ ਕੌਰ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਦੱਖਣੀ ਅਫਰੀਕਾ ਦੇ 3 ਖਿਡਾਰੀ ਰਨ ਆਊਟ ਹੋਏ।
ਟੀਮ ਇੰਡੀਆ ਦੀ ਪਲੇਇੰਗ ਇਲੈਵਨ: ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਯਸਤਿਕਾ ਭਾਟੀਆ, ਮਿਤਾਲੀ ਰਾਜ (ਕਪਤਾਨ), ਹਰਮਨਪ੍ਰੀਤ ਕੌਰ, ਰਿਚਾ ਘੋਸ਼, ਪੂਜਾ ਵਸਤਰਕਾਰ, ਸਨੇਹ ਰਾਣਾ, ਦੀਪਤੀ ਸ਼ਰਮਾ, ਮੇਘਨਾ ਸਿੰਘ, ਰਾਜੇਸ਼ਵਰੀ ਗਾਇਕਵਾੜ।
ਦੱਖਣੀ ਅਫ਼ਰੀਕਾ ਦੀ ਪਲੇਇੰਗ ਇਲੈਵਨ: ਲੀਜ਼ਲ ਲੀ, ਲੌਰਾ ਵੋਲਵਾਰਡ, ਲਾਰਾ ਗੁਡਾਲ, ਸੁਨੇ ਲੂਸ (ਕਪਤਾਨ), ਮਿਗਨੋਨ ਡੂ ਪ੍ਰੀਜ਼, ਮਾਰਜੈਨ ਕੈਪ, ਕਲੋਏ ਟ੍ਰਾਇਓਨ, ਤ੍ਰਿਸ਼ਾ ਚੇਟੀ, ਸ਼ਬਨੀਮ ਇਸਮਾਈਲ, ਮਸਾਬਾਤਾ ਕਲਾਸ, ਅਯਾਬੋਂਗ ਖਾਕਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
