ਡਿਜਿਟਲ ਅਰੈਸਟ ਤੋਂ ਬਾਅਦ ਮਹਿਲਾ ਦੀ ਮੌਤ, ਤਿੰਨ ਦਿਨਾਂ 'ਚ ਮਾਰੀ 6.6 ਲੱਖ ਦੀ ਠੱਗੀ; ਮਰਨ ਤੋਂ ਬਾਅਦ ਵੀ ਆਉਂਦੇ ਰਹੇ ਠੱਗਾਂ ਦੇ ਮੈਸੇਜ
ਹੈਦਰਾਬਾਦ ਵਿੱਚ ਸਾਈਬਰ ਕ੍ਰਾਈਮ ਦਾ ਇੱਕ ਭਿਆਨਕ ਮਾਮਲਾ ਸਾਹਮਣੇ ਆਇਆ ਹੈ। ਸਾਈਬਰ ਅਪਰਾਧੀਆਂ ਨੇ ਇੱਕ 76 ਸਾਲਾ ਰਿਟਾਇਰਡ ਸਰਕਾਰੀ ਡਾਕਟਰ ਨੂੰ ਤਿੰਨ ਦਿਨਾਂ ਲਈ ਡਿਜੀਟਲ ਅਰੈਸਟ ਰੱਖਿਆ।
ਹੈਦਰਾਬਾਦ ਵਿੱਚ ਸਾਈਬਰ ਕ੍ਰਾਈਮ ਦਾ ਇੱਕ ਭਿਆਨਕ ਮਾਮਲਾ ਸਾਹਮਣੇ ਆਇਆ ਹੈ। ਸਾਈਬਰ ਅਪਰਾਧੀਆਂ ਨੇ ਇੱਕ 76 ਸਾਲਾ ਰਿਟਾਇਰਡ ਸਰਕਾਰੀ ਡਾਕਟਰ ਨੂੰ ਤਿੰਨ ਦਿਨਾਂ ਲਈ ਡਿਜੀਟਲ ਅਰੈਸਟ ਰੱਖਿਆ। ਇਨ੍ਹਾਂ ਅਪਰਾਧੀਆਂ ਨੇ ਸਰਕਾਰੀ ਅਧਿਕਾਰੀਆਂ ਬਣ ਕੇ ਡਾਕਟਰ ਨੂੰ ਫ਼ੋਨ ਕੀਤਾ ਅਤੇ ਡਿਜੀਟਲ ਅਰੈਸਟ ਦੌਰਾਨ ਉਸ ਨਾਲ 6.6 ਲੱਖ ਰੁਪਏ ਦੀ ਧੋਖਾਧੜੀ ਕੀਤੀ। ਇਸ ਤੋਂ ਪਰੇਸ਼ਾਨ ਪੀੜਤਾ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਸਦੀ ਮੌਤ ਹੋ ਗਈ। ਅਪਰਾਧੀ ਉਸਦੀ ਮੌਤ ਤੋਂ ਬਾਅਦ ਵੀ ਮੈਸੇਜ ਭੇਜਦੇ ਰਹੇ।
ਵਾਟਸਐਪ ਕਾਲ ਤੋਂ ਸ਼ੁਰੂ ਹੋਇਆ ਮਾਮਲਾ
ਰਿਪੋਰਟਾਂ ਅਨੁਸਾਰ, 5 ਸਤੰਬਰ ਨੂੰ ਪੀੜਤ ਨੂੰ ਵਟਸਐਪ 'ਤੇ ਇੱਕ ਵੀਡੀਓ ਕਾਲ ਆਈ। ਕਾਲ ਕਰਨ ਵਾਲੇ ਨੇ ਆਪਣੀ ਪ੍ਰੋਫਾਈਲ ਫੋਟੋ ਵਿੱਚ ਬੰਗਲੁਰੂ ਪੁਲਿਸ ਦੇ ਲੋਗੋ ਦੀ ਵਰਤੋਂ ਕੀਤੀ ਹੋਈ ਸੀ। ਕਾਲ ਕਰਨ ਵਾਲਿਆਂ ਨੇ ਔਰਤ ਨੂੰ ਡਰਾਉਣ ਲਈ ਸੁਪਰੀਮ ਕੋਰਟ, ਈਡੀ ਅਤੇ ਆਰਬੀਆਈ ਦੀਆਂ ਮੋਹਰਾਂ ਵਾਲੇ ਦਸਤਾਵੇਜ਼ ਵੀ ਦਿਖਾਏ। ਘੁਟਾਲੇਬਾਜ਼ਾਂ ਨੇ ਉਸ ਨੂੰ ਦੱਸਿਆ ਕਿ ਉਸਦਾ ਨਾਮ ਮਨੁੱਖੀ ਤਸਕਰੀ ਦੇ ਇੱਕ ਮਾਮਲੇ ਵਿੱਚ ਦਰਜ ਹੈ ਅਤੇ ਜੇਕਰ ਉਸਨੇ ਪੈਸੇ ਨਹੀਂ ਦਿੱਤੇ ਤਾਂ ਉਸਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
ਡਰ ਦੇ ਮਾਰੇ ਮਹਿਲਾ ਨੇ ਭੇਜੇ ਪੈਸੇ
ਗ੍ਰਿਫ਼ਤਾਰੀ ਦੇ ਡਰੋਂ, ਔਰਤ ਨੇ ਆਪਣੇ ਪੈਨਸ਼ਨ ਖਾਤੇ ਵਿੱਚੋਂ 6.6 ਲੱਖ ਰੁਪਏ ਘੁਟਾਲੇਬਾਜ਼ਾਂ ਦੇ ਖਾਤੇ ਵਿੱਚ ਟ੍ਰਾਂਸਫਰ ਕਰ ਦਿੱਤੇ। ਘੁਟਾਲੇਬਾਜ਼ ਵੀਡੀਓ ਕਾਲਾਂ ਅਤੇ ਮੈਸੇਜ ਰਾਹੀਂ ਉਸਨੂੰ ਗ੍ਰਿਫ਼ਤਾਰੀ ਦੀ ਧਮਕੀ ਦਿੰਦੇ ਰਹੇ। 8 ਸਤੰਬਰ ਨੂੰ, ਲਗਭਗ 70 ਘੰਟਿਆਂ ਦੀ ਡਿਜੀਟਲ ਅਰੈਸਟ ਤੋਂ ਬਾਅਦ, ਪੀੜਤਾ ਨੂੰ ਛਾਤੀ ਵਿੱਚ ਦਰਦ ਹੋਇਆ। ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਪਰ ਉਸਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਪਰਿਵਾਰ ਨੂੰ 9 ਸਤੰਬਰ ਨੂੰ ਉਸਦੇ ਅੰਤਿਮ ਸੰਸਕਾਰ ਤੋਂ ਬਾਅਦ ਔਰਤ ਦੀ ਡਿਜੀਟਲ ਅਰੈਸਟ ਬਾਰੇ ਪਤਾ ਲੱਗਿਆ।
ਇਸ ਧੋਖਾਧੜੀ ਤੋਂ ਖੁਦ ਨੂੰ ਇਦਾਂ ਬਚਾਓ
ਯਾਦ ਰੱਖੋ ਕਿ ਭਾਰਤੀ ਕਾਨੂੰਨ ਵਿੱਚ ਡਿਜੀਟਲ ਅਰੈਸਟ ਦੀ ਕੋਈ ਵਿਵਸਥਾ ਨਹੀਂ ਹੈ। ਇਸ ਲਈ, ਜੇਕਰ ਕੋਈ ਤੁਹਾਨੂੰ ਸਰਕਾਰੀ ਅਧਿਕਾਰੀ ਬਣ ਕੇ ਫ਼ੋਨ ਕਰਦਾ ਹੈ ਤਾਂ ਸਾਵਧਾਨ ਰਹੋ।
ਜੇਕਰ ਕੋਈ ਤੁਹਾਨੂੰ ਸਰਕਾਰੀ ਅਧਿਕਾਰੀ ਹੋਣ ਦਾ ਦਿਖਾਵਾ ਕਰਕੇ ਫ਼ੋਨ ਕਰ ਰਿਹਾ ਹੈ, ਤਾਂ ਅਧਿਕਾਰਤ ਤੌਰ 'ਤੇ ਵੈਰੀਫਾਈ ਕਰਕੇ ਉਨ੍ਹਾਂ ਦੇ ਨਾਮ, ਅਹੁਦੇ ਅਤੇ ਵਿਭਾਗ ਦੀ ਪੁਸ਼ਟੀ ਕਰੋ।
ਈਮੇਲ, ਟੈਕਸਟ ਜਾਂ ਕਾਲ ਰਾਹੀਂ ਅਣਜਾਣ ਜਾਂ ਸ਼ੱਕੀ ਵਿਅਕਤੀਆਂ ਨਾਲ ਸੰਵੇਦਨਸ਼ੀਲ ਜਾਣਕਾਰੀ ਸਾਂਝੀ ਨਾ ਕਰੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
