Apple: ਐਪਲ ਜਲਦ ਹੀ ਲਾਂਚ ਕਰੇਗਾ ਪਹਿਲਾ ਫੋਲਡੇਬਲ ਆਈਫੋਨ, ਇਸ ਸਾਲ ਬਾਜ਼ਾਰ 'ਚ ਹੋਵੇਗੀ ਐਂਟਰੀ

Foldable Phone: ਕੰਪਨੀ ਜਲਦ ਹੀ ਆਪਣਾ ਪਹਿਲਾ ਫੋਲਡੇਬਲ ਆਈਫੋਨ ਬਾਜ਼ਾਰ 'ਚ ਲਾਂਚ ਕਰ ਸਕਦੀ ਹੈ। ਐਪਲ ਦੇ ਪ੍ਰਸ਼ੰਸਕ ਵੀ ਫੋਲਡੇਬਲ ਫੋਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।

Foldable Phone

Apple First Foldable iPhone: ਅੱਜ ਕੱਲ੍ਹ ਹਰ ਕੋਈ ਸਮਾਰਟਫੋਨ ਦੀ ਵਰਤੋਂ ਕਰ ਰਿਹਾ ਹੈ। ਹਾਲਾਂਕਿ ਹੁਣ ਅਜਿਹਾ ਲੱਗ ਰਿਹਾ ਹੈ ਕਿ ਸਮਾਰਟਫੋਨ ਦੇ ਦਿਨ ਹੌਲੀ-ਹੌਲੀ ਖ਼ਤਮ ਹੋਣ ਵਾਲੇ ਹਨ। ਅਸੀਂ ਅਜਿਹਾ ਇਸ ਲਈ ਕਹਿ ਰਹੇ ਹਾਂ ਕਿਉਂਕਿ ਦੁਨੀਆ ਦੀਆਂ ਵੱਡੀਆਂ ਸਮਾਰਟਫੋਨ ਕੰਪਨੀਆਂ ਫੋਲਡੇਬਲ ਫੋਨ 'ਤੇ ਧਿਆਨ ਦੇ ਰਹੀਆਂ ਹਨ। ਸੈਮਸੰਗ, ਵਨਪਲੱਸ, ਮੋਟੋਰੋਲਾ ਤੋਂ ਬਾਅਦ ਹੁਣ ਐਪਲ ਦਾ ਨਾਂ ਵੀ ਜਲਦ ਹੀ ਇਸ ਲਿਸਟ 'ਚ ਸ਼ਾਮਿਲ ਹੋ ਸਕਦਾ ਹੈ।

ਪਿਛਲੇ ਕੁਝ ਸਮੇਂ ਤੋਂ ਐਪਲ ਦੇ ਫੋਲਡੇਬਲ ਫੋਨਾਂ ਨੂੰ ਲੈ ਕੇ ਲਗਾਤਾਰ ਲੀਕ ਸਾਹਮਣੇ ਆ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਜਲਦ ਹੀ ਆਪਣਾ ਪਹਿਲਾ ਫੋਲਡੇਬਲ ਆਈਫੋਨ ਬਾਜ਼ਾਰ 'ਚ ਲਾਂਚ ਕਰ ਸਕਦੀ ਹੈ। ਐਪਲ ਦੇ ਪ੍ਰਸ਼ੰਸਕ ਵੀ ਫੋਲਡੇਬਲ ਫੋਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫੋਲਡੇਬਲ ਆਈਫੋਨ ਬਾਰੇ ਤਾਜ਼ਾ ਲੀਕ ਨੇ ਇਸ ਦੇ ਲਾਂਚ ਬਾਰੇ ਇੱਕ ਵੱਡੀ ਗੱਲ ਦਾ ਖੁਲਾਸਾ ਕੀਤਾ ਹੈ।

ਇੱਕ ਤਾਜ਼ਾ ਰਿਪੋਰਟ ਦੇ ਮੁਤਾਬਕ, ਐਪਲ ਆਪਣਾ ਪਹਿਲਾ ਫੋਲਡੇਬਲ ਆਈਫੋਨ ਸਾਲ 2026 ਵਿੱਚ ਬਾਜ਼ਾਰ ਵਿੱਚ ਲਾਂਚ ਕਰ ਸਕਦਾ ਹੈ। ਇਸ ਤੋਂ ਪਹਿਲਾਂ ਮਸ਼ਹੂਰ ਵਿਸ਼ਲੇਸ਼ਕ ਮਿੰਗ ਚੀ ਕੁਓ ਦੁਆਰਾ ਜਾਣਕਾਰੀ ਦਿੱਤੀ ਗਈ ਸੀ ਕਿ ਕੰਪਨੀ ਇੱਕ ਫੋਲਡੇਬਲ ਫੋਨ 'ਤੇ ਕੰਮ ਕਰ ਰਹੀ ਹੈ ਜਿਸ ਨੂੰ 2027 ਤੱਕ ਬਾਜ਼ਾਰ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ।

X ਯੂਜ਼ਰ Revegnus ਵੱਲੋਂ ਦਾਅਵਾ ਕੀਤਾ ਗਿਆ ਹੈ ਕਿ ਐਪਲ ਆਪਣਾ ਪਹਿਲਾ ਫੋਲਡੇਬਲ ਫੋਨ 2026 'ਚ ਲਾਂਚ ਕਰ ਸਕਦੀ ਹੈ। ਫੋਲਡੇਬਲ ਆਈਫੋਨ ਨੂੰ ਲੈ ਕੇ ਹੁਣ ਤੱਕ ਜੋ ਵੀ ਖਬਰਾਂ ਸਾਹਮਣੇ ਆਈਆਂ ਹਨ ਉਹ ਸਿਰਫ ਲੀਕ ਹਨ। ਕੰਪਨੀ ਵੱਲੋਂ ਅਜੇ ਤੱਕ ਕਿਸੇ ਵੀ ਤਰ੍ਹਾਂ ਦੀ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ: Viral News: ਜਿਸਨੂੰ 26 ਸਾਲ ਤੋਂ ਆਪਣਾ ਬਾਪ ਸਮਝਦਾ ਰਹੀ ਸੀ ਉਹ ਨਿਕਲਿਆ ਕੋਈ ਹੋਰ, ਸੱਚ ਸੁਣ ਕੇ ਹੈਰਾਨ ਰਹਿ ਗਈ ਧੀ

Revegnus ਦੁਆਰਾ ਸੋਸ਼ਲ ਮੀਡੀਆ 'ਤੇ ਕੀਤੀ ਗਈ ਪੋਸਟ ਦੇ ਅਨੁਸਾਰ, ਐਪਲ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਐਪਲ 2026 ਤੱਕ ਆਪਣਾ ਪਹਿਲਾ ਫੋਲਡੇਬਲ ਫੋਨ ਪੇਸ਼ ਕਰ ਸਕਦਾ ਹੈ। ਅਧਿਕਾਰੀ ਮੁਤਾਬਕ ਟੈਕਨਾਲੋਜੀ 'ਚ ਵਧਦੇ ਮੁਕਾਬਲੇ ਦੇ ਮੱਦੇਨਜ਼ਰ ਐਪਲ ਦਾ ਪਹਿਲਾ ਫੋਲਡੇਬਲ ਫੋਨ ਨਵੀਨਤਮ ਤਕਨੀਕ 'ਤੇ ਆਧਾਰਿਤ ਹੋਵੇਗਾ। ਐਪਲ ਦੇ ਅਧਿਕਾਰੀਆਂ ਮੁਤਾਬਕ ਫੋਲਡੇਬਲ ਆਈਫੋਨ ਬਾਜ਼ਾਰ 'ਚ ਪਹਿਲਾਂ ਤੋਂ ਮੌਜੂਦ ਫੋਲਡੇਬਲ ਫੋਨਾਂ ਦੇ ਮੁਕਾਬਲੇ ਬਹੁਤ ਪਤਲਾ ਅਤੇ ਆਕਰਸ਼ਕ ਹੋਵੇਗਾ।

ਇਹ ਵੀ ਪੜ੍ਹੋ: Viral Video: CPU 'ਤੇ ਵਿਅਕਤੀ ਨੇ ਬਣਾਇਆ ਪਰਾਠਾ, ਉਸ ਦਾ ਟੈਲੇਂਟ ਦੇਖ ਲੋਕ ਹੋਏ ਹੈਰਾਨ