iPhone 'ਚ ਆ ਰਹੀ ਵੱਡੀ ਸਮੱਸਿਆ, ਲੋਕ ਹੋ ਰਹੇ ਪ੍ਰੇਸ਼ਾਨ, ਤੇਜ਼ ਨਾਲ ਖਤਮ ਹੋ ਰਹੀ ਬੈਟਰੀ, ਜਾਣੋ ਕਿਉਂ?
Problem in iphone: Apple ਨੇ ਹਾਲ ਹੀ ਰੋਲਆਊਟ ਕੀਤਾ ਹੈ ਕਿ iOS 15.4 ਵਿੱਚ ਆਪਡੇਟ ਤੋਂ ਬਾਅਦ ਕਈ ਯੂਜ਼ਰਸ ਦੇ ਫੋਨ 'ਚ ਆਈਫੋਨ ਦੀ ਬੈਟਰੀ ਤੇਜ਼ੀ ਨਾਲ ਖਤਮ ਹੋਣ ਦੀ ਸਮੱਸਿਆ ਆ ਰਹੀ ਹੈ।
Problem in iphone: Apple ਨੇ ਹਾਲ ਹੀ ਰੋਲਆਊਟ ਕੀਤਾ ਹੈ ਕਿ iOS 15.4 ਵਿੱਚ ਆਪਡੇਟ ਤੋਂ ਬਾਅਦ ਕਈ ਯੂਜ਼ਰਸ ਦੇ ਫੋਨ 'ਚ ਆਈਫੋਨ ਦੀ ਬੈਟਰੀ ਤੇਜ਼ੀ ਨਾਲ ਖਤਮ ਹੋਣ ਦੀ ਸਮੱਸਿਆ ਆ ਰਹੀ ਹੈ। Apple ਨੇ ਹਾਲ ਹੀ 'ਚ ਕਈ ਨਵੇਂ ਫੀਚਰਸ ਨਾਲ iOS 15.4 ਲਾਂਚ ਕੀਤਾ ਹੈ। ਹਾਲਾਂਕਿ ਨਵੇਂ ਅਪਡੇਟ ਤੋਂ ਬਾਅਦ ਕਈ ਯੂਜ਼ਰਸ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਯੂਜ਼ਰਸ ਤੇਜ਼ੀ ਨਾਲ ਬੈਟਰੀ ਖਤਮ ਹੋਣ ਦੀ ਸ਼ਿਕਾਇਤ ਕਰ ਰਹੇ ਹਨ।
ਯੂਜ਼ਰਸ ਨੇ ਟਵਿਟਰ 'ਤੇ ਤੇਜ਼ੀ ਨਾਲ ਬੈਟਰੀ ਖਤਮ ਹੋਣ ਦੀ ਸਮੱਸਿਆ ਉਠਾਈ ਹੈ। ਯਾਦ ਰਹੇ iOS 15 ਅਪਡੇਟ ਤੋਂ ਬਾਅਦ ਵੀ ਯੂਜ਼ਰਸ ਨੂੰ ਇਸ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਸੀ। ਹਾਲ ਹੀ 'ਚ ਕੰਪਨੀ ਨੇ iOS 15.4 ਅਪਡੇਟ ਨੂੰ ਰੋਲਆਊਟ ਕੀਤਾ ਹੈ। ਇਸ ਅਪਡੇਟ 'ਚ ਯੂਜ਼ਰਸ ਨੂੰ ਮਾਸਕ ਨਾਲ ਫੋਨ ਨੂੰ ਅਨਲਾਕ ਕਰਨ ਦਾ ਫੀਚਰ ਵੀ ਮਿਲਦਾ ਹੈ।
iOS 15.4 ਅਪਡੇਟ ਤੋਂ ਬਾਅਦ ਲੋਕ ਸ਼ਿਕਾਇਤ ਕਰ ਰਹੇ
ਟਵਿਟਰ 'ਤੇ ਮੈਕਸਿਮ ਸ਼ਿਸ਼ਕੋ (Maxim Shishko) ਨਾਂ ਦੇ ਯੂਜ਼ਰ ਨੇ ਲਿਖਿਆ ਕਿ iOS 15.4 ਅਪਡੇਟ ਤੋਂ ਬਾਅਦ ਉਨ੍ਹਾਂ ਦੇ ਆਈਫੋਨ ਦੀ ਬੈਟਰੀ ਲਾਈਫ ਬਹੁਤ ਘੱਟ ਹੋ ਗਈ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਸਿਰਫ 10 ਮਿੰਟਾਂ 'ਚ ਹੀ ਫੋਨ ਦੀ ਬੈਟਰੀ ਫੀਸਦੀ 5 ਫੀਸਦੀ ਘੱਟ ਗਈ ਹੈ।
Oded Shopen ਨਾਂ ਦੇ ਯੂਜ਼ਰ ਨੇ ਟਵਿੱਟਰ 'ਤੇ ਲਿਖਿਆ, 'iOS 15.4 ਮੇਰੇ iPhone 13 Pro Max ਦੀ ਬੈਟਰੀ ਖਤਮ ਕਰ ਰਿਹਾ ਹੈ। ਮੈਂ ਕਈ ਦਿਨ ਬਿਨਾਂ ਚਾਰਜ ਕੀਤੇ ਫੋਨ ਦੀ ਵਰਤੋਂ ਕਰ ਸਕਦਾ ਸੀ, ਪਰ ਹੁਣ ਅੱਧੇ ਦਿਨ ਬਾਅਦ, ਬੈਟਰੀ ਅੱਧੀ ਹੋ ਜਾਂਦੀ ਹੈ।
ਇਕ ਹੋਰ ਯੂਜ਼ਰ ਨੇ ਵੀ ਆਈਫੋਨ ਦੀ ਬੈਟਰੀ ਨੂੰ ਲੈ ਕੇ ਸ਼ਿਕਾਇਤ ਕੀਤੀ ਹੈ। Joey Castillo ਨੇ ਲਿਖਿਆ, 'ਅਪਡੇਟ ਤੋਂ ਬਾਅਦ ਬੈਟਰੀ ਪ੍ਰਤੀਸ਼ਤ ਅਜੀਬ ਹੋ ਗਈ ਹੈ। ਮੈਂ ਆਪਣੇ ਫ਼ੋਨ ਨੂੰ 95 ਪ੍ਰਤੀਸ਼ਤ ਜਾਂ 97% ਤੱਕ ਚਾਰਜ ਕਰਦਾ ਹਾਂ, ਪਰ ਜਿਵੇਂ ਹੀ ਮੈਂ ਇਸਨੂੰ ਅਨਪਲੱਗ ਕਰਦਾ ਹਾਂ, ਫ਼ੋਨ 100% ਚਾਰਜਿੰਗ ਦਿਖਾਉਂਦਾ ਹੈ। ਲਗਭਗ 5 ਮਿੰਟਾਂ ਬਾਅਦ ਜਾਂ ਇਸਨੂੰ ਮੁੜ ਚਾਲੂ ਕਰਨ ਤੋਂ ਬਾਅਦ, ਬੈਟਰੀ ਪ੍ਰਤੀਸ਼ਤ ਤੇਜ਼ੀ ਨਾਲ ਘਟਦੀ ਹੈ। ਇਹ ਬਹੁਤ ਅਜੀਬ ਹੈ।'
ਕੁਝ ਉਪਭੋਗਤਾਵਾਂ ਦੇ ਅਨੁਸਾਰ, ਉਨ੍ਹਾਂ ਦੇ ਫੋਨ ਦੀ ਬੈਟਰੀ ਪ੍ਰਤੀਸ਼ਤ ਉਸੇ ਬਿੰਦੂ 'ਤੇ ਫਸ ਗਈ ਹੈ। ਐਪਲ ਨੇ ਇਸ ਸਬੰਧ 'ਚ ਅਜੇ ਤੱਕ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।
ਇਨ੍ਹਾਂ iPhone ਨੂੰ ਅਪਡੇਟ ਮਿਲੇਗਾ
ਐਪਲ ਨੇ ਹਾਲ ਹੀ 'ਚ ਇਸ ਅਪਡੇਟ ਨੂੰ ਜਾਰੀ ਕੀਤਾ ਹੈ। ਨਵੀਂ ਅਪਡੇਟ iPhone 13 ਸੀਰੀਜ਼, iPhone 12 ਸੀਰੀਜ਼, iPhone 11 ਸੀਰੀਜ਼, iPhone X ਸੀਰੀਜ਼, ਆਈਫੋਨ 8, ਆਈਫੋਨ 8 ਪਲੱਸ, ਆਈਫੋਨ 7, ਆਈਫੋਨ 7 ਪਲੱਸ, ਆਈਫੋਨ 6ਐੱਸ, ਆਈਫੋਨ 6ਐੱਸ ਪਲੱਸ ਤੇ ਆਈਫੋਨ SE ਦੋਵੇਂ ਜਨਰੇਸ਼ਨ ਲਈ ਉਪਲਬਧ ਹੋਵੇਗੀ। iPad touch ਨੂੰ ਵੀ ਨਵਾਂ ਅਪਡੇਟ ਮਿਲੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
