(Source: ECI/ABP News)
ਦੀਵਾਲੀ ਮੌਕੇ BSNL ਨੇ ਆਪਣੇ ਯੂਜ਼ਰਸ ਨੂੰ ਦਿੱਤਾ ਸ਼ਾਨਦਾਰ ਤੋਹਫਾ, 158 ਰੁਪਏ ਮਹੀਨਾ ਖਰਚ ਕਰਕੇ ਪਾਓ 600GB ਡਾਟਾ !
BSNL Recharge Plans: ਦੀਵਾਲੀ ਦੇ ਮੌਕੇ 'ਤੇ BSNL ਨੇ ਆਪਣੇ 1999 ਰੁਪਏ ਦੇ ਸਾਲਾਨਾ ਪ੍ਰੀਪੇਡ ਪਲਾਨ ਨੂੰ 100 ਰੁਪਏ ਸਸਤਾ ਕਰ ਦਿੱਤਾ ਹੈ। ਯੂਜ਼ਰਸ ਹੁਣ ਇਸ ਪਲਾਨ ਨੂੰ 1899 ਰੁਪਏ 'ਚ 365 ਦਿਨਾਂ ਲਈ ਖਰੀਦ ਸਕਦੇ ਹਨ।
BSNL Prepaid Recharge Plans: ਭਾਰਤ ਦੀ ਸਰਕਾਰੀ ਟੈਲੀਕਾਮ ਕੰਪਨੀ BSNL ਨੇ ਦੀਵਾਲੀ ਦੇ ਮੌਕੇ 'ਤੇ ਆਪਣੇ ਯੂਜ਼ਰਸ ਨੂੰ ਇੱਕ ਖਾਸ ਤੋਹਫਾ ਦਿੱਤਾ ਹੈ। ਇਕ ਪਾਸੇ ਭਾਰਤ ਦੀਆਂ ਕਈ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਜਿਓ, ਏਅਰਟੈੱਲ ਅਤੇ ਵੋਡਾਫੋਨ ਆਪਣੇ ਰੀਚਾਰਜ ਪਲਾਨਸ ਦੀਆਂ ਕੀਮਤਾਂ ਲਗਾਤਾਰ ਵਧਾ ਰਹੀਆਂ ਹਨ ਪਰ ਦੂਜੇ ਪਾਸੇ BSNL ਨੇ ਆਪਣੇ ਕਈ ਰੀਚਾਰਜ ਪਲਾਨ ਦੀਆਂ ਕੀਮਤਾਂ 'ਚ ਕਟੌਤੀ ਕਰ ਦਿੱਤੀ ਹੈ।
BSNL ਸਾਲਾਨਾ ਪ੍ਰੀਪੇਡ ਰੀਚਾਰਜ ਪਲਾਨ
ਬੀਐਸਐਨਐਲ ਨੇ ਪਿਛਲੇ ਕੁਝ ਮਹੀਨਿਆਂ ਵਿੱਚ ਆਪਣੇ ਕਈ ਪ੍ਰੀਪੇਡ ਪਲਾਨ ਦੀ ਕੀਮਤ ਘਟਾ ਦਿੱਤੀ ਹੈ ਅਤੇ ਹੁਣ ਕੰਪਨੀ ਨੇ ਆਪਣੇ ਇੱਕ ਹੋਰ ਪਲਾਨ ਦੀ ਕੀਮਤ ਵਿੱਚ 100 ਰੁਪਏ ਦੀ ਕਟੌਤੀ ਕੀਤੀ ਹੈ। BSNL ਨੇ ਆਪਣੇ 1999 ਰੁਪਏ ਵਾਲੇ ਪਲਾਨ ਦੀ ਕੀਮਤ 100 ਰੁਪਏ ਘਟਾ ਦਿੱਤੀ ਹੈ। ਇਸ ਕਾਰਨ ਹੁਣ BSNL ਯੂਜ਼ਰਸ ਨੂੰ ਇਸ ਪਲਾਨ ਲਈ ਸਿਰਫ 1899 ਰੁਪਏ ਖਰਚ ਕਰਨੇ ਪੈਣਗੇ। ਕੰਪਨੀ ਨੇ ਇਸ ਨਵੀਂ ਕੀਮਤ ਨੂੰ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਵੀ ਲਿਸਟੇਡ ਕਰ ਦਿੱਤਾ ਹੈ।
ਮਿਲੇਗਾ 600GB ਡਾਟਾ
ਹਾਲਾਂਕਿ, BSNL ਦਾ ਇਹ ਖਾਸ ਆਫਰ ਕੁਝ ਦਿਨਾਂ ਲਈ ਹੀ ਉਪਲਬਧ ਰਹਿਣ ਵਾਲਾ ਹੈ। ਜਿਵੇਂ ਕਿ ਅਸੀਂ ਤੁਹਾਨੂੰ ਉੱਪਰ ਦੱਸਿਆ ਹੈ ਕਿ BSNL ਨੇ ਦੀਵਾਲੀ ਦੇ ਮੌਕੇ 'ਤੇ ਆਪਣੇ ਯੂਜ਼ਰਸ ਨੂੰ ਇਹ ਤੋਹਫਾ ਦਿੱਤਾ ਹੈ। ਕੰਪਨੀ ਨੇ ਇਹ ਆਫਰ 28 ਅਕਤੂਬਰ ਤੋਂ ਸ਼ੁਰੂ ਕੀਤਾ ਹੈ ਅਤੇ ਇਹ 7 ਨਵੰਬਰ ਤੱਕ ਚੱਲੇਗਾ। ਇਸ ਦਾ ਮਤਲਬ ਹੈ ਕਿ 7 ਨਵੰਬਰ ਤੱਕ ਯੂਜ਼ਰਸ 1999 ਰੁਪਏ ਦਾ ਪ੍ਰੀਪੇਡ ਪਲਾਨ 1899 ਰੁਪਏ 'ਚ ਖਰੀਦ ਸਕਦੇ ਹਨ।
ਇਹ BSNL ਦਾ ਸਾਲਾਨਾ ਪਲਾਨ ਹੈ, ਜਿਸ ਦੀ ਵੈਧਤਾ 365 ਦਿਨਾਂ ਦੀ ਹੈ। ਇਸ ਮੁਤਾਬਕ ਇਸ ਪਲਾਨ ਲਈ ਯੂਜ਼ਰਸ ਨੂੰ ਸਿਰਫ 158.25 ਰੁਪਏ ਪ੍ਰਤੀ ਮਹੀਨਾ ਖਰਚ ਕਰਨੇ ਪੈਣਗੇ। ਇਸ ਪਲਾਨ ਨਾਲ ਯੂਜ਼ਰਸ ਨੂੰ ਕੁੱਲ 600 ਜੀਬੀ ਡਾਟਾ ਮਿਲਦਾ ਹੈ। ਇਸ ਤੋਂ ਇਲਾਵਾ ਇਸ ਪਲਾਨ ਨਾਲ ਯੂਜ਼ਰਸ ਨੂੰ ਅਨਲਿਮਟਿਡ ਵੌਇਸ ਕਾਲਿੰਗ, 100 SMS ਪ੍ਰਤੀ ਦਿਨ, ਗੇਮਸ ਅਤੇ ਮਿਊਜ਼ਿਕ ਵਰਗੇ ਕਈ ਫਾਇਦੇ ਵੀ ਮਿਲਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
