BSNL ਦਾ ਗਾਹਕਾਂ ਨੂੰ ਤੋਹਫ਼ਾ, ਕੰਪਨੀ ਦੇ ਇਸ ਸਸਤੇ ਬ੍ਰਾਡਬੈਂਡ ਪਲਾਨ 'ਚ ਮਿਲੇਗਾ 4000 GB ਡਾਟਾ, ਸਪੀਡ ਵੀ ਕਮਾਲ!
ਜੇਕਰ ਤੁਸੀਂ ਵਧੀਆ ਬ੍ਰਾਡਬੈਂਡ ਪਲਾਨ ਦੀ ਤਲਾਸ਼ ਕਰ ਰਹੇ ਹੋ ਤਾਂ BSNL ਤੁਹਾਡੇ ਲਈ ਖੁਸ਼ਖਬਰੀ ਲੈ ਕੇ ਆਇਆ ਹੈ। ਸਰਕਾਰੀ ਟੈਲੀਕਾਮ ਕੰਪਨੀ BSNL ਨੇ ਆਪਣੇ ਮਸ਼ਹੂਰ ਬ੍ਰਾਡਬੈਂਡ ਪਲਾਨ 'ਚ ਕਈ ਬਦਲਾਅ ਕੀਤੇ ਹਨ।
ਭਾਰਤ ਸੰਚਾਰ ਨਿਗਮ ਲਿਮਿਟੇਡ (BSNL) ਨੇ ਆਪਣੇ ਇੱਕ ਬ੍ਰਾਡਬੈਂਡ ਪਲਾਨ ਦੀ ਸਪੀਡ ਅਤੇ ਡਾਟਾ ਲਾਭਾਂ ਵਿੱਚ ਇੱਕ ਵੱਡਾ ਬਦਲਾਅ ਕੀਤਾ ਹੈ। ਕੰਪਨੀ ਦਾ ਇਹ 599 ਰੁਪਏ ਵਾਲਾ ਬਰਾਡਬੈਂਡ ਪਲਾਨ ਇੱਕ ਬਜਟ ਪਲਾਨ ਹੈ ਅਤੇ ਹੁਣ ਇਸ ਦੇ ਅਪਗ੍ਰੇਡ ਹੋਣ ਨਾਲ ਗਾਹਕਾਂ ਨੂੰ ਨਵੀਆਂ ਸਹੂਲਤਾਂ ਅਤੇ ਹੋਰ ਲਾਭ ਦਿੱਤੇ ਜਾਣਗੇ। ਜੇਕਰ ਤੁਸੀਂ ਵੀ ਆਪਣੇ ਘਰ 'ਤੇ ਬ੍ਰਾਡਬੈਂਡ ਲਗਾਉਣ ਬਾਰੇ ਸੋਚ ਰਹੇ ਹੋ ਜਾਂ ਪਹਿਲਾਂ ਹੀ ਕੋਈ ਪਲਾਨ ਵਰਤ ਰਹੇ ਹੋ, ਤਾਂ ਆਓ ਜਾਣਦੇ ਹਾਂ ਕਿ ਤੁਸੀਂ ਕਿਹੜੇ ਫਾਇਦੇ ਲੈ ਸਕਦੇ ਹੋ।
BSNL ਨੇ 2020 ਵਿੱਚ 599 ਰੁਪਏ ਦਾ ਬ੍ਰਾਡਬੈਂਡ ਪਲਾਨ ਲਾਂਚ ਕੀਤਾ ਸੀ। ਲਾਂਚ ਦੇ ਸਮੇਂ, ਇਹ 599 ਰੁਪਏ ਵਾਲਾ ਪਲਾਨ 3.3TB ਮਾਸਿਕ ਡੇਟਾ ਦੇ ਨਾਲ 60Mbps ਡਾਊਨਲੋਡ ਅਤੇ ਅਪਲੋਡ ਸਪੀਡ ਦੀ ਪੇਸ਼ਕਸ਼ ਕਰਦਾ ਸੀ। ਦਿੱਤੇ ਗਏ ਡੇਟਾ ਦੀ ਖਪਤ ਤੋਂ ਬਾਅਦ, ਪਲਾਨ ਦੀ ਸਪੀਡ 2Mbps ਤੱਕ ਘਟਾ ਦਿੱਤੀ ਗਈ ਸੀ।
BSNL ਦਾ 599 ਰੁਪਏ ਦਾ ਫਾਈਬਰ ਬੇਸਿਕ ਪਲੱਸ ਪਲਾਨ 2020 ਤੋਂ ਗਾਹਕਾਂ ਲਈ ਉਪਲਬਧ ਹੈ। ਆਓ ਯੋਜਨਾ ਦੇ ਪੁਰਾਣੇ ਲਾਭਾਂ ਨਾਲ ਸ਼ੁਰੂਆਤ ਕਰੀਏ, ਅਤੇ ਫਿਰ ਜਾਣਦੇ ਹਾਂ ਕਿ ਅਪਗ੍ਰੇਡ ਤੋਂ ਬਾਅਦ ਕੀ ਲਾਭ ਪ੍ਰਦਾਨ ਕੀਤੇ ਜਾਣਗੇ, ਜਿਸ ਵਿੱਚ ਉਹਨਾਂ ਨੇ ਕਈ ਬਦਲਾਵ ਵੀ ਕੀਤੇ ਹਨ।
ਪਲਾਨ 'ਚ ਬਦਲਾਅ ਤੋਂ ਬਾਅਦ ਇਸ ਨੂੰ 100Mbps ਸਪੀਡ ਅਤੇ 4TB ਮਹੀਨਾਵਾਰ ਡਾਟਾ ਪ੍ਰਦਾਨ ਕਰਨ ਲਈ ਅਪਗ੍ਰੇਡ ਕੀਤਾ ਗਿਆ ਹੈ। ਦਿੱਤੇ ਗਏ ਡੇਟਾ ਦੀ ਖਪਤ ਤੋਂ ਬਾਅਦ, ਉਪਭੋਗਤਾ ਹੁਣ 4Mbps ਦੀ ਘੱਟ ਸਪੀਡ 'ਤੇ ਇੰਟਰਨੈਟ ਬ੍ਰਾਊਜ਼ ਕਰਨ ਦੇ ਯੋਗ ਹੋਣਗੇ।
ਧਿਆਨ ਯੋਗ ਹੈ ਕਿ BSNL ਨੇ 599 ਰੁਪਏ ਦਾ ਇੱਕ ਹੋਰ ਪਲਾਨ ਪੇਸ਼ ਕੀਤਾ ਹੈ, ਜਿਸ ਨੂੰ ਫਾਈਬਰ ਬੇਸਿਕ OTT ਪਲਾਨ ਕਿਹਾ ਜਾਂਦਾ ਹੈ। ਇਸ ਵਿੱਚ 75Mbps ਸਪੀਡ ਅਤੇ 4TB ਮਹੀਨਾਵਾਰ ਡਾਟਾ ਹੈ। ਪਲਾਨ 'ਚ ਯੂਜ਼ਰਸ ਨੂੰ Disney + Hotstar Super ਦੀ ਮੁਫਤ ਸਬਸਕ੍ਰਿਪਸ਼ਨ ਦਿੱਤੀ ਜਾਂਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
